Ésaïe 58:2 - Mbeti ti Nzapa - Tënë so amu fini

² Na lango oko oko, ala yeke gi mbi, ala ye ti hinga lege ti mbi. Ala kpa azo so ayeke sara ye alingbi na ndia, azo so ado ndia ti Nzapa ti ala azia pepe. Ala yeke hunda na mbi ti fâ ngbanga mbirimbiri, ala ye titene mbi duti nduru na ala.

Ésaïe 58:2 ပူးပေါင်းရင်းမြစ်များ

Abia (Psaumes) 119:15

Mbi yeke gbu li ti mbi na ndö ti andia ti mo si le ti mbi ayeke ngba na ndö ti lege so mo ye mbi mu ni.

Abia (Psaumes) 119:151

Me mo KOTA GBIA, mo yeke nduru na mbi, atënë ti ndia ti mo kue ayeke taa-tënë.

Abia (Psaumes) 119:87

Mbi woko kue, angba gi kete ka a kinda mbi na sese; me mbi zia andia ti mo pepe.

Amato 15:8

Be ti KOTA GBIA ake mingi *sandaga ti azo ti sioni; me be ti lo anzere na sambela ti azo ti mbirimbiri.

Ésaïe 1:28

Me azo ti ngangu li na azo ti siokpari, fade a yeke kungbi ala; azo so azia *KOTA GBIA, gigi ti ala ayeke hunzi.

Ésaïe 1:4

Ae! Ala azo ti mara ti sarango siokpari, ala azo ti fango zo, ala *ahale ti sioni, ala amolenge ti kirikiri! Ala zia *KOTA GBIA awe; ala ke Nzapa ti Israel, lo so lo yeke nde si lo yeke nzoni kue; ala zia peko ti ala na lo.

Ésaïe 29:13

*KOTA GBIA atene: “Azo so ayeke ga nduru na mbi gi na lege ti atënë senge, ala yeke ne mbi gi na atënë ti yanga senge, me be ti ala ayeke yongoro na mbi. Kpengo so ala yeke kpe mbi ayeke gi na lege ti ndia so azo afa na ala.

Ésaïe 42:20

Lo baa aye mingi, me lo bata ye oko pepe; mê ti lo azi, me lo ma ndo oko pepe.

Ésaïe 57:12

Me mbi yeke sigigi na nda ti mo polele. Aye so mo yeke sara si mo baa mo tene, ayeke nzoni so, mo yeke wara ye ti peko ni oko pepe.

Ésaïe 57:3

Ala ga nduru, ala so mama ti ala ayeke zo ti gingo nda ti aye, ala azo ti gingo wali ti amba ti ala, ala azo ti sarango ye ti ndumba so!

Ésaïe 59:13

e ke ndia ti mo, e bere tënë ti mo, e ke ti mu peko ti mo, Nzapa ti e, e tene gi atënë ti sarango ngangu na zo nga na sarango ngangu li. Ye so e leke na be ti e na ye so e gbu li ti e daa ayeke gi atënë ti mvene.

Jérémie 42:2

wayanga-Nzapa Jérémie si ala tene na lo: “E gbu gere ti mo, ayeke nzoni vorongo tere ti e agbu be ti mo. Sambela *KOTA GBIA, Nzapa ti mo ndali ti tanga ti e so e ngba na fini so. Lani e yeke mingi, fadeso e ngba gi kete, tongana ti so mo yeke baa na le ti mo so.

Jérémie 42:20

Ala tokua mbi na KOTA GBIA, Nzapa ti ala ti hunda lo ndali ti tënë ti ala. Ala tene na mbi: ‘Sambela KOTA GBIA, Nzapa ti e ndali ti e. Tënë so kue KOTA GBIA ayeke tene, tene na e, fade e yeke sara ni.’ Andaa kuâ laa ala iri na ndö ti ala.

Jérémie 7:10

Na pekoni, ala yeke ga ti luti na le ti mbi na ya ti kota da so a di iri ti mbi daa si ala yeke tene: ‘Nzapa asoo e awe!’ si ala ngba ti sara asioni ye so kue ti gue na ni?

Jérémie 7:9

So nyen! Ala yeke nzi, ala yeke fâ azo, ala yeke lango na akoli wala awali ti amba ti ala. Ala yeke de aba ti mvene, ala yeke zö dukani na *Baal, ala yeke mu peko ti anzapa so ala hinga ala kozoni pepe.

Ezekiel 20:3

“*Molenge ti zo, mo tene na akangba ti Israel, mo tene: Tënë so Kota Gbia NZAPA atene ayeke so: ‘Ala ga ti hunda mbi na nda ti tënë ti ala? Fini ti mbi! Mbi yeke zia lege na ala pepe titene ala hunda mbi na tënë! So tënë ti yanga ti Kota Gbia NZAPA laa.’

Amos 5:18

Mawa na ala, azo so ayeke ku *lango ti KOTA GBIA! Nzoni ye ti nyen laa ala yeke wara na lango ti KOTA GBIA ni nyen? Lango ni ayeke duti lango ti vukongo ndo, me lango ti lumiere pepe.

Marc 12:14

Ala ga si ala tene na lo: “Wafango-ye, e hinga so mo yeke tene gi taa-tënë; mo yeke sara kamene ti le ti zo pepe, ataa zo ni ayeke na kota ndo, me mo yeke fa taa-tënë na ndö ti lege ti sarango ye so Nzapa aye. Tene na e: *Ndia amu lege na e ti futa lapo na kota gbia ti Rome wala ti futa ni pepe? E lingbi ti futa ni wala e futa ni pepe?”

Marc 6:20

Biani, Herode ayeke kpe mbeto ti Jean, ngbanga ti so lo hinga, lo tene, Jean ayeke zo ti mbirimbiri, lo yeke nga zo so Nzapa azia lo nde ndali ti lo. Herode ayeke bata lo titene azo asara sioni na lo pepe. Lo yeke na nzara mingi ti ma Jean-Baptiste; me tongana lo ma lo, lo hinga ye so lo lingbi ti sara ni pepe.

Jean 5:35

Jean ayeke lani tongana lamba so aza si ndo avuru. Ala azo, ala yeda ti sara ngia kete na gbe ti wâ ni.

Tite 1:16

Ala tene na yanga ti ala atene, ala hinga Nzapa, me ye so ala yeke sara afa so, ala bere tënë ti lo awe. Ala yeke azo so sioni ti ala ahon ndoni, azo ti ngangu li, ala lingbi ti sara nzoni ye oko pepe.

Jacques 4:8

Ala ga nduru na Nzapa si fade lo yeke ga nduru na ala. Azo ti siokpari, ala *sukula sioni ti ala! Azo ti be use use, ala zi aye ti sioni na be ti ala!