Ésaïe 58:12 - Mbeti ti Nzapa - Tënë so amu fini

¹² Ndali ti mo, azo ayeke kiri ti leke ada so akungbi aninga awe; agere ti da so azo ado azia ngbene ye aninga, fade mo yeke kiri ti leke ada na ndö ni. Azo ayeke iri mo: “Zo ti kangango adu ti gbagba ti bira, zo ti lekengo alege ti gbata titene azo alango na ya ti gbata ni.”

Ésaïe 58:12 ပူးပေါင်းရင်းမြစ်များ

Néhémie 2:17

Tongaso, mbi tene na ala: “Ala baa mawa so e yeke na ya ni so! Gbata ti Jérusalem ati awe, wâ agbi ayanga ti gbagba ni kue awe. E londo, e kiri e leke gbagba ti Jérusalem, tongaso si e zi kamene na le ti e!”

Néhémie 2:5

Na pekoni, mbi tene na gbia, mbi tene: “Gbia, tongana mo yeda, tongana mo ye ti sara nzoni be na mbi, zo ti kua ti mo, ayeke nzoni mo mu lege na mbi ti gue na sese ti Juda, na ya ti gbata so a lu akotara ti mbi daa titene mbi kiri mbi leke ni.”

Néhémie 6:1

Sanebalat, Tobia, Geshem so ayeke arabu, ala na ambeni wato ti e ama a tene, mbi leke gbagba ti gbata ni awe si adu ayeke na ya ni mbeni pepe. Na ndembe ni so, mbi de ti zia ayanga ti gbagba ni daa pepe.

Mbeti ti Job 3:14

legeoko na agbia nga na akota zo ti ndö ti sese so; ala so akiri aleke akota da so lani ati,

Ésaïe 30:13

Nilaa, sioni sarango ye so ayeke ga ande tongana yongoro dere ti da so du akoro na ya ni. Mbeni ye asuku daa si mo ye ti baa, dere ni akungbi, atuku na sese.

Ésaïe 44:28

Tënë so mbi tene na ndö ti Sirus ayeke so: ‘Lo yeke wabatango-taba ti mbi. Ye so mbi ye, fade lo yeke sara si aga nzoni. Lo yeke mu yanga titene a kiri aleke Jérusalem, titene a kiri alu gere ti kota da ti Nzapa.’ ”

Ésaïe 49:8

Tënë so KOTA GBIA atene ayeke so: “Na ndembe so alingbi, mbi kiri tënë na mo; na lango ti songo azo na kuâ, mbi mu na mo maboko. Mbi bata mo titene na lege ti mo, mbi na azo, e ga *ambuki. Mbi yeke yo kodro ti Israel na nduzu, mbi yeke kiri ti kangbi na azo sese so lani ayeke ti ala si abuba so.

Ésaïe 51:3

KOTA GBIA abaa mawa ti *Sion, lo baa mawa ti aye ti lo so kue abuba. Ndo ti lo so ayeke tongana benyama, lo yeke sara si aga tongana yaka ti Eden; ndo ti lo so ngu ayeke daa pepe, lo yeke sara si aga yaka ti KOTA GBIA. Na ya ti gbata ni, fade azo ayeke duti na ngia si ala yeke sara ngia, ala yeke he bia ti gondango Nzapa si ala yeke pika mozoko.

Ésaïe 52:9

Ando ti Jérusalem so abuba so, ala dekongo na ngia! KOTA GBIA ayeke de be ti azo ti lo, lo yeke zi Jérusalem na gbe ti ngbaa.

Ésaïe 61:4

Ada so akungbi aninga awe so, fade ala yeke kiri ti leke ni; ada so akungbi ngbene ye aninga so, ala yeke kiri ti mu ni na nduzu. Agbata so abuba si aga ngonda ngu na ngu so, fade ala yeke kiri ti leke ni.

Jérémie 31:38

“So tënë ti yanga ti KOTA GBIA laa: Mbeni lango ayeke ga so a yeke kiri ti leke gbata ti Jérusalem ndali ti KOTA GBIA, ti londo na kota da ti Hananeel so ayo na nduzu, ngbii asi na yanga ti gbagba so iri ni Ti-Ndangoro.

Ezekiel 13:5

Awayanga-nzapa ni ague ti kanga adu ti gbagba pepe, ala leke gbagba pepe ti bata ala, azo ti Israel, na ngoi ti bira, na *lango ti KOTA GBIA.

Ezekiel 36:33

“Tënë so mbi Kota Gbia NZAPA, mbi tene ayeke so: Na lango so mbi yeke *sukula asioni ti ala kue, mbi yeke sara titene azo akiri asi singo na ya ti agbata; aye so lani abuba, a yeke kiri ti leke ni.

Ezekiel 36:4

Ndani laa, ala ahoto ti Israel, ala ma tënë ti Kota Gbia NZAPA! Tënë so mbi Kota Gbia NZAPA, mbi tene ayeke so: Akota hoto, akete hoto, akete ngu so ayeke sua, apopo-hoto, akodro so abuba awe si aga benyama, agbata so azo ado azia, agbata so azo anzi aye ti ya ni kue si azo ti amara nde so angoro ni ahe ni na ngia,

Daniel 9:25

Alingbi mo hinga ye so si mo ma ya ni: mbeni lâ, a mu yanga titene azo akiri na kodro ti ala na peko ti so a gbu ala, a gue na ala na kodro wande; a mu nga yanga titene azo akiri aleke gbata ti Jérusalem. Ti londo na ngoi ni so ngbii asi na ngoi so a tuku mafuta na li ti mbeni zo titene a zia lo makonzi, ngoi mbarambara ti ngu mbarambara ayeke hon. Na pekoni, na ya ti mbeni ngoi baleomene na use ti ngu mbarambara, a yeke kiri ti leke gbata ni na agbagba ti bira ti gbata ni; me ayeke duti angoi ti ngangu.

Amos 9:11

“Gbata ti David ayeke tongana mbeni da so atuku na sese awe. Na lango ni so, fade mbi yeke kiri ti yo ni na nduzu, mbi yeke kanga adu ti da ni, mbi yeke kiri ti leke da ni kue; mbi yeke sara si akiri aluti na nduzu tongana ti kozo.

Amos 9:14

Fade mbi yeke sara si gigi ti azo ti Israel, azo ti mbi, akiri aga nzoni, ala yeke kiri ti leke agbata so abuba so, ala yeke lango na ya ti agbata ni, ala yeke fâ ayaka ti vinye, ala yeke nyon vin ni; ala yeke fâ ayaka si ala yeke te akobe ni.

Mishe 7:11

Lango titene a kiri ti leke gbagba ti tere ti gbata ti mo ayeke ga. Na lango ni so, fade azo ayeke kiri ti kono ya ti kodro ti mo.