Ésaïe 58:1 - Mbeti ti Nzapa - Tënë so amu fini

¹ *KOTA GBIA atene: “Mo dekongo na kota go, mo ngba gi daa! Sara si azo ama go ti mo tongana tatalita! Fa na azo ti mbi kengo ndia ti ala, fa na amolenge ti Jacob siokpari ti ala.

Ésaïe 58:1 ပူးပေါင်းရင်းမြစ်များ

Ésaïe 2:5

*Ahale ti Jacob, ala ga e tambula na ya ti lumiere ti KOTA GBIA!

Ésaïe 27:13

Na lango ni so, mbeni kota didi ayeke toto. Tongaso azo so agirisa ando na sese ti Asirii, na azo so akangbi na sese ti Ezipte, ala kue ayeke kiri. Ala yeke ga ti kuku na gbe ti KOTA GBIA na Jérusalem, na li ti hoto so ayeke nde si ayeke nzoni kue.

Ésaïe 40:6

Mbeni go atene: “Dekongo!” Me mbi kiri tënë: “Mbi dekongo ni, mbi tene nyen?” Go ni akiri atene: “Azo kue ayeke tongana pere, pendere ti ala ayeke tongana kongo ti ngonda.

Ésaïe 43:27

Kozo kotara ti mo asara siokpari awe, azo ti tenengo peko ti tënë ti yanga ti mo atomboka na tere ti mbi.

Ésaïe 50:1

Tënë so *KOTA GBIA atene ayeke so: “Ala tene: mbi tumba Jérusalem, mama ti ala. Me mbeti ti kangbingo tere ni ayeke na ndo wa? Ala fa ni na mbi! Ala tene nga: mbi ka ala na ngbaa ti futa boon na li ti mbi; zo wa laa mbi ka ala na lo, zo wa? Tongana a ka ala, ayeke ndali ti sioni ti ala; tongana a tumba mama ti ala, ayeke ndali ti ngangu li ti ala.

Ésaïe 56:10

Asanziri ti Israel kue ayeke awaziba, ala hinga ye oko pepe. Ala yeke ambo so ayeke buburu, ala lingbi ti dekongo pepe. Ala yeke lango na sese, ala yeke baa li ti ala; ala ye gi ti lango.

Ésaïe 57:12

Me mbi yeke sigigi na nda ti mo polele. Aye so mo yeke sara si mo baa mo tene, ayeke nzoni so, mo yeke wara ye ti peko ni oko pepe.

Ésaïe 59:12

Biani *KOTA GBIA, fani mingi, e ke ndia ti mo. Asiokpari ti e abi tënë na li ti e; lakue kengo ndia ti e agbu tere ti e si aga ye oko; e hinga asioni ti e:

Jérémie 2:2

“Gue mo to mbela na tënë so na mê ti azo ti Jérusalem, mo tene: Tënë so KOTA GBIA atene ayeke so: ‘Mbi dabe ti mbi na be ti mo so mo mu na mbi na ndembe so mo de maseka. Mo ye mbi ando tongana wali so amu koli fini fini. Mo yeke mu peko ti mbi na benyama, ndo so kâ zo alingbi ti lu ye daa pepe.

Jérémie 36:9

Biani, na nze gumbaya ni, na ngu oku ni so Yoakim, molenge ti Yosias, ayeke gbia ti Juda, a to mbela na azo ti Jérusalem kue nga na azo so kue alondo na ya ti agbata ti Juda si aga na Jérusalem ti ke kobe na dawa ti KOTA GBIA.

Jérémie 6:17

Mbi zia asanziri na ndö ti ala ti tene na ala ti sara hange; asanziri ni atene: ‘Ala dingi mê ti ala ti ma toto ti didi!’ Me ala kiri tënë: ‘Ngbanga ti e ayeke daa ape!’

Abia ti demango tere 2:14

Awayanga-Nzapa ti ala awara ambeni tënë ndali ti ala na ya ti mbeni ye tongana bango-li; me atënë ni gi mvene, gi abuba tënë. Awayanga-Nzapa ni afa asioni ti ala, azo ti gbata ti Sion na gigi pepe; ye so alingbi fade ti zi ala na ya ti ngbaa. Biani, atënë ti awayanga-Nzapa ni gi mvene na asenge senge tënë.

Ezekiel 11:4

Ndani laa, alingbi mo tene peko ti tënë ti yanga ti mbi na ndö ti ala. Molenge ti zo, tene peko ti tënë ti yanga ti mbi na ndö ti ala!”

Ezekiel 16:2

“*Molenge ti zo, mo sara si Jérusalem ahinga asioni so lo sara si zo alingbi ti baa na le ti lo fani use pepe so.

Ezekiel 20:4

“Molenge ti zo, mo ye biani ti fâ ngbanga na li ti ala? Alingbi mo fa na ala ti hinga asioni ye so akotara ti ala asara ando si zo alingbi ti baa na le ti lo fani use pepe so.

Ezekiel 22:2

“Ti mo, *molenge ti zo, mo ye biani ti fâ ngbanga na li ti Jérusalem, gbata ti fango zo so? Alingbi mo fa na lo ti hinga asioni sarango ye ti lo so zo alingbi ti baa na le ti lo fani use pepe so.

Ezekiel 23:36

*KOTA GBIA atene na mbi: “*Molenge ti zo, mo ye biani ti fâ ngbanga na li ti Ohola na Oholiba? Alingbi mo fa na ala asioni ye so ala sara si zo alingbi ti baa na le ti lo fani use pepe so.

Ezekiel 33:3

Tongana sanziri ni abaa bira ayeke ga na ndö ti kodro ni, lo huru tatalita ti tene tënë ni na azo ti kodro ni.

Osée 8:1

Ala azo, ala huru didi: sioni ye ayeke ga! Awato ayeke ti na ndö ti azo ti KOTA GBIA tongana *ngoalo, ngbanga ti so ala buba ya ti tënë ti mbuki ti mbi, ala sara ngangu li na ndia ti mbi.

Jonas 1:2

“Londo, mo gue na Ninive, kota gbata so! Mo dekongo na tënë ti yanga ti mbi na azo ni, mo tene, mbi baa sioni ti ala ahon ndoni awe.”

Tite 2:15

Lege so mo lingbi ti tene tënë na azo, ti mu wango na ala, ti suku na ala laa; mo sara ni na ngangu so Nzapa amu na mo. Mo sara si mbeni zo oko abaa mo tongana buba zo pepe.

Aye so Nzapa afa 1:10

Na lango ti *Kota Gbia, Yingo ti Nzapa agbu mbi. Na peko ti mbi, mbi ma mbeni go so atoto ngangu tongana tatalita.

Aye so Nzapa afa 4:1

Na pekoni, mbi baa mbeni ye nde: mbi baa mbeni yanga ti da so azi na yayu. Mbeni go so mbi ma kozoni si atoto tongana tatalita so, atene na mbi: “Mo ma na nduzu ge; fade mbi yeke fa na mo aye so, alingbi asi na pekoni.”