Ésaïe 57:9 - Mbeti ti Nzapa - Tënë so amu fini

⁹ Mo mu mafuta, mo gue na ni na kota gbia, mo gue na mara ti ayombo nde nde. Mo tokua azo ti mo yongoro kâ, ala zu ngbii, ala si na ndo ti akuâ.

Ésaïe 57:9 ပူးပေါင်းရင်းမြစ်များ

Amato 7:17

Mbi tuku na ndö ti gbogbo ni yombo so a sara na mire, na aloes nga na kanele.

Ésaïe 2:9

Ndani laa, fade azo ayeke ba li ti ala na sese, kamene ayeke gbu le ti ala. KOTA GBIA, zi siokpari na li ti ala pepe!

Ezekiel 16:33

Awali-ndumba kue ayeke wara futa; me ti mo, mo laa mo mu kadoo na andeko ti mo kue. Mo futa ala titene ala londo na ando nde nde aga ti lango na mo.

Ezekiel 23:16

Gi so lo baa ala, Oholiba asara nzara ti ala mingi si lo tokua azo na ala na kodro ti Babilone.

Ezekiel 23:40

Na ndö ni kue, ala tokua mbeni zo ti iri akoli so alango yongoro ti ga. Gi so akoli ni ama tokua ni, ala mu lege aga. Ndali ti akoli ni, ala sukula ngu, ala suru ye ti pendere na le ti ala, ala yu aye ti pendere.

Daniel 11:36

‘Fade gbia ni ayeke sara gi ye so be ti lo aye; lo yeke gonda tere ti lo mingi si lo yeke baa tere ti lo kota ahon anzapa. Lo yeke tene atënë so akpa titene zo atene pepe na tere ti Nzapa so ahon anzapa kue. Aye so kue gbia ni ayeke sara ayeke ga nzoni na lo ngbii asi na ngoi so ngonzo ti Nzapa ayeke si na ndani. Tongaso, fade Nzapa ayeke sara ye so lo leke na be ti lo ti sara.

Osée 12:1

KOTA GBIA atene: “Azo ti Efraim angoro mbi na tënë ti mvene, azo ti Israel angoro mbi na tënë ti handango ndo. Azo ti Juda angba ti tambula na Nzapa, me ala ngba ti sara na anzapa nde.”

Osée 7:11

Azo ti Efraim ayeke tongana mbipa so le ti lo azi pepe si lo hinga ndo pepe. Ala iri Ezipte, na pekoni ala kpe na sese ti Asirii.

Kolose 2:18

A-ita, alingbi ala zia amara ti azo tongaso afâ ngbanga na li ti ala pepe. Ambeni zo ni aye ti sara tere ti ala lakue na le ti azo tongana akete zo si ala yeke voro *a-ange, ala zia be ti ala gi na ndö ti aye so ala baa na ya ti mbeni ye tongana bango-li. Hingango ndo ti ala ayeke senge gbungo-li ti azo, asara si ala baa tere ti ala kota ahon azo kue.