Ésaïe 57:18 - Mbeti ti Nzapa - Tënë so amu fini

¹⁸ Mbi baa lege ti sarango ye ti lo awe, me mbi yeke kai kobela ti lo. Mbi yeke fa lege na lo, mbi yeke sara titene be ti lo ade. Ti azo so ayeke sara mua ti lo,

Ésaïe 57:18 ပူးပေါင်းရင်းမြစ်များ

Abia (Psaumes) 23:2

Lo zia mbi na ndo so fini pere ayeke daa si mbi duti ti wu tere ti mbi, lo fa na mbi lege ti ndo ti nzoni ngu, nzoni ngu so ayeke sua yeke-yeke.

Abia (Psaumes) 51:12

O Nzapa, mu na mbi be so avuru tarara; sara si mbi ga fini zo si mbi ngba lakue gi na lege ti mo.

Abia (Psaumes) 94:19

Tongana gba ti tënë ane be ti mbi, mo yeke de be ti mbi, mo yeke sara si tere ti mbi anzere.

Zo ti bongbingo azo 9:4

Azo so ade na fini laa alingbi ti zia be ti ala ti ku mbeni ye. Mbo so ade na fini ayeke nzoni ahon bamara so akui awe.

Ésaïe 1:18

*KOTA GBIA atene: “Ala ga, e leke tënë. Tongana siokpari ti ala abe tongana mene, fade ayeke kiri ti vuru tongana tukia. Tongana siokpari ti ala abe tongana ngu ti karakanzi, fade ayeke kiri ti vuru tarara.

Ésaïe 12:1

Na lango ni so, fade mo yeke tene: “*KOTA GBIA, mbi mu na mo singila, ngbanga ti so mo sara lani ngonzo na tere ti mbi, me ngonzo ni ade awe, mo de be ti mbi awe.

Ésaïe 19:22

Tongaso, KOTA GBIA ayeke pika azo ti Ezipte. Lo yeke pika ala, me lo yeke kai kobela ti ala: fade ala yeke kiri na KOTA GBIA, lo yeke ma ala si lo yeke kai kobela ti ala.

Ésaïe 30:18

Me *KOTA GBIA ayeke ku mbeni ngoi ti sara nzoni be na ala, lo yeke londo ti baa mawa ti ala. Biani, KOTA GBIA ayeke Nzapa ti mbirimbiri. Ti ala nzoni, azo so kue azia be ti ala na ndö ti lo!

Ésaïe 30:26

Na lango so KOTA GBIA ayeke kanga le ti ka ti azo ti lo si lo yeke sara titene ka ni amu, fade nze ayeke su tongana lâ, lumiere ti lâ ti lango oko ayeke lingbi na lumiere ti lâ ti lango mbarambara.

Ésaïe 49:10

Nzara ti kobe na nzara ti ngu ayeke kiri ti sara ala pepe; pupu ti wâ ti benyama na sungo ti lâ ayeke zö ala pepe. Biani, mbi yeke baa mawa ti ala si mbi yeke fa lege na ala, mbi yeke gue na ala na ndo so li ti ngu ayeke daa.

Ésaïe 51:12

*KOTA GBIA atene: “Mbi, mbi laa mbi yeke de be ti ala. Azo ti mbi, ala yeke sara mbeto ti zo so ayeke kui kuingo so ngbanga ti nyen? Fini ti lo ayeke tongana pere.

Ésaïe 52:12

Ti so ni, ala yeke sigigi na loro pepe; ala yeke sigigi na ya ti kodro ni pepe tongana azo ayeke kpe kpengo, ngbanga ti so KOTA GBIA laa ayeke tambula na dawa ti ala; Nzapa ti Israel laa ayeke tambula na peko ti ala.

Ésaïe 53:5

Me ti lo, ndali ti sioni ti e laa a kpo lo na ka, ndali ti siokpari ti e laa a nika lo. Pika so lo wara asara si e duti na siriri; ndali ti aka ti lo laa tere ti e aga nzoni.

Ésaïe 57:15

Nzapa so ayeke na nduzu mingi, yongoro kâ, lo so ndo ti lo ayeke kpu na kpu, lo so iri ti lo ayeke nde si ayeke nzoni kue, tënë so lo tene ayeke so: “Mbi Nzapa so mbi yeke nde si mbi yeke nzoni kue, mbi yeke na nduzu mingi. Me mbi yeke na azo so a nika ala awe nga na azo so asara tere ti ala kete. Mbi yeke mu ngangu na be ti azo so asara tere ti ala kete; mbi yeke kiri fini na azo so a nika ala awe.

Ésaïe 58:11

KOTA GBIA ayeke ngba lakue ti fa lege na mo. Ataa na benyama, lo yeke mu na mo kobe, mo te ya ti mo asi, lo yeke kiri ti mu ngangu na mo. Mo yeke ga tongana yaka so a tuku ngu daa, mo yeke ga tongana li ti ngu so ngu ni ayeke hole pepe.

Jérémie 13:17

Tongana ala ma tënë so pepe, mbi yeke toto na hondengo ni ndali ti baba ti ala so ahon ndö ni so. Ngu ti le ti mbi ayeke sua gbani gbani, ngbanga ti so a yeke gue na ataba ti KOTA GBIA na kodro wande.

Jérémie 3:22

Azo ti ngangu li, ala kiri maa! Kobela ti ngangu li ti ala so, fade mbi yeke kai ni!” “Baa e laa! E yeke kiri na mo, ngbanga ti so mo laa mo yeke KOTA GBIA, Nzapa ti e.

Jérémie 30:17

Ala di iri ti mo: ‘Lo so a ke lo awe’, wala ‘*Sion so azo aye tënë ti lo pepe’. Me so tënë ti yanga ti KOTA GBIA laa: Fade mbi yeke sara si ka ti mo amu; mbi yeke sara si aka ti mo ahunzi.”

Jérémie 31:3

Yongoro kâ, KOTA GBIA asi na mbi, lo tene: ‘Mbi ye mo na ndoye so angba lakue lakue, ndani laa mbi ngba ti sara nzoni be na mo.

Jérémie 33:6

“Me fade mbi yeke sara si gbata ni aga nzoni; mbi yeke kai kobela ti azo ni, mbi yeke mu na ala gba ti siriri si mbeni sioni ye ti si na ala ayeke daa pepe.

Zakarii 1:13

Tongaso, KOTA GBIA akiri atënë ti mungo ngangu na be nga na atënë ti dengo be na ange so ayeke tene tënë na mbi so.

Nzoni Tënë so Luc asu na mbeti 15:20

Lo mu lege ti kiri na ndo ti babâ ti lo. “So lo de yongoro na lege, babâ ti lo abaa lo, mawa agbu be ti lo, lo kpe, lo gbu lo na kate ti lo si lo su ngbangba ti lo.

Rome 5:20

Ndia aga ti sara si sioni awu mingi; me ndo so siokpari awu daa mingi, nzoni be ti Nzapa awu ahon ndoni.

Aye so Nzapa afa 7:17

ngbanga ti so Molenge ti Taba so ayeke na ndö ti mbata ti gbia ayeke bata ala tongana ataba ti lo. Lo yeke gue na ala na li ti ngu so ayeke mu fini na zo. Fade Nzapa ayeke mbo ngu ti le ti ala kue.