Ésaïe 57:15 - Mbeti ti Nzapa - Tënë so amu fini

¹⁵ Nzapa so ayeke na nduzu mingi, yongoro kâ, lo so ndo ti lo ayeke kpu na kpu, lo so iri ti lo ayeke nde si ayeke nzoni kue, tënë so lo tene ayeke so: “Mbi Nzapa so mbi yeke nde si mbi yeke nzoni kue, mbi yeke na nduzu mingi. Me mbi yeke na azo so a nika ala awe nga na azo so asara tere ti ala kete. Mbi yeke mu ngangu na be ti azo so asara tere ti ala kete; mbi yeke kiri fini na azo so a nika ala awe.

Ésaïe 57:15 ပူးပေါင်းရင်းမြစ်များ

Tongo nda ti aye 21:33

Abraham alu keke ti tamaris na kodro ti Bersheba, lo sambela Nzapa so ayeke kpu na kpu si lo iri lo na iri ti KOTA GBIA.

1 Agbia 8:27

“Me Nzapa alingbi biani ti duti na ndö ti sese so? So yayu so akono ahon ndoni alingbi na konongo ti lo pepe si kota da so mbi sara ayeke kete mingi so!

2 Mbai 34:27

Tënë so mbi tene na ndö ti gbata so nga na ndö ti azo ti gbata ni apika be ti mo si mo sara tere ti mo kete na gbe ti Nzapa. Na mango tënë so, mo sara tere ti mo kete na gbe ti mbi, mo suru bongo na tere ti mo si mo toto na dawa ti mbi. Mbi nga, mbi ma mo awe; so tënë ti yanga ti KOTA GBIA laa.

Mbeti ti Job 22:29

Tongana ambeni zo awoko, mo lingbi ti tene na ala: “Ala londo!” Biani, azo so asara tere ti ala kete, Nzapa ayeke soo ala.

Mbeti ti Job 6:10

Tongaso si be ti mbi ade nga kete, mbi dodo na ngia na ya ti pasi ti mbi so ayeke hunzi pepe so, ngbanga ti so mbi buba atënë ti Nzapa laoko pepe, Nzapa so ayeke nde si ayeke nzoni kue.

Abia (Psaumes) 111:9

KOTA GBIA atokua titene a zi azo ti lo na gbe ti ngbaa, lo na azo ti lo ni aga ambuki kpu na kpu. Iri ti lo ayeke nde si ayeke nzoni kue, ayeke zia mbeto na be ti zo.

Abia (Psaumes) 115:3

Nzapa ti e ayeke na yayu, lo yeke sara ye so kue be ti lo aye.

Abia (Psaumes) 123:1

A yeke he bia so na ndembe ti guengo ni na Jérusalem. Mbi yo le ti mbi na nduzu ti baa ndo na mbage ti mo, mo so mo yeke duti na yayu, na ndö ti mbata ti mo ti gbia.

Abia (Psaumes) 138:6

Ataa so KOTA GBIA ayeke na nduzu kâ, lo yeke baa azo so asara tere ti ala kete, lo hinga zo ti baba, ataa so lo ngba yongoro kâ.

Abia (Psaumes) 138:7

Tongana mbi yeke hon na ya ti aye ti ngangu, mo yeke sara si mbi kiri mbi duti na fini, ataa so awato ti mbi asara ngonzo na tere ti mbi; mo yoro maboko ti mo, mo soo mbi na lege ti ngangu ti mo.

Abia (Psaumes) 147:3

Azo so be ti ala afâ ka, lo laa lo yeke kai ni, lo yeke kanga ka ti ala.

Abia (Psaumes) 34:18

Tongana azo ti mbirimbiri adekongo na KOTA GBIA, lo yeke ma ala si lo yeke zi ala na ya ti aye ti ngangu kue.

Abia (Psaumes) 34:19

KOTA GBIA ayeke nduru na azo so be ti ala afâ, lo yeke soo ala so be ti ala awoko.

Abia (Psaumes) 51:17

Kota Gbia, zi yanga ti mbi si fade mbi he bia ti gonda mo.

Abia (Psaumes) 51:19

Sandaga so Nzapa aye tënë ni ayeke be so afâ. Zo so asara tere ti lo kete si be ti lo aso ndali ti sioni so lo sara, mo Nzapa, mo yeke ke lo pepe.

Abia (Psaumes) 83:18

Ayeke nzoni kamene na mbeto agbu ala lakue lakue. Ayeke nzoni kota kamene agbu ala si ala kui kue!

Abia (Psaumes) 90:2

Kozoni si ahoto abaa gigi, kozoni si mo sara sese na dunia, mo yeke Nzapa ngbene ye kpu na kpu, lakue lakue!

Abia (Psaumes) 93:2

KOTA GBIA, ngbene ye giriri, a zia mbata ti mo ti gbia aluti ngangu, mo yeke daa ngu na ngu.

Abia (Psaumes) 97:9

Biani, mo KOTA GBIA laa mo yeke na yayu kâ na ndö ti aye kue, na ndö ti sese kue, mo yeke na nduzu na ndö ti anzapa kue.

Abia (Psaumes) 99:3

Ayeke nzoni azo asepela iri ti mo so ayeke kota si ayeke zia mbeto na be ti zo. – Biani, mo yeke nde si mo yeke nzoni kue!

Sigingo 15:11

KOTA GBIA, na popo ti anzapa, lo so wa laa ayeke tongana mo? Zo wa laa alingbi na gonda, lo yeke nde si lo yeke nzoni kue tongana mo? Zo wa laa alingbi ti sara akota ye tongana mo? Zo wa laa alingbi ti sara aye ti kpene tongana mo?

Sigingo 15:13

Na lege ti nzoni be ti mo, mo fa lege na azo ti mo so mo zi ala awe. Na lege ti ngangu ti mo, mo gue na ala na ndo ti duti ti mo so ayeke nde si ayeke nzoni kue.

Sigingo 15:18

KOTA GBIA, mo yeke le-gbia kpu na kpu!

Sigingo 40:34

Tongaso mbinda akanga ndö ti da ti bongo so Nzapa na azo ti lo ayeke wara tere daa si gonda ti KOTA GBIA asi singo na ya ni.

Sigingo 40:35

Moïse alingbi ti li na ya ti da ni pepe, ngbanga ti so mbinda angba na ndö ni si gonda ti KOTA GBIA asi singo na ya ni.

Amato 16:19

Titene zo aduti tongana senge zo na popo ti azo ti mawa, so laa ayeke nzoni ahon titene lo na azo ti baba akangbi na popo ti ala akungba so ala gbu na peko ti bira.

Amato 8:23

Lo sara mbi ngbene ye kâ na tongo nda ti aye, kozoni si dunia abaa gigi.

Ésaïe 18:4

Biani, tënë so *KOTA GBIA atene na mbi ayeke so: “Kâ na nduzu, na ndo so mbi yeke duti daa, mbi duti kpoo, mbi yeke baa ndo tongana ti so ndo amu wâ mingi na kota lâ, tongana ti so mbinda ti ngu ayeke na ndö ti pere na ngoi ti fango ale ti kobe.”

Ésaïe 33:5

A ya iri ti KOTA GBIA, ngbanga ti so lo yeke duti na nduzu kâ. Lo sara si sarango ye na legeni na fango ngbanga ti mbirimbiri asi singo na ya ti Jérusalem kue.

Ésaïe 40:28

Mo hinga pepe? Mo ma tënë ni pepe? KOTA GBIA ayeke Nzapa so angba lakue lakue; lo laa lo sara sese, alondo na mbeni yanga ni asi na mbeni yanga ni. Ngangu atia ti lo laoko pepe, lo woko laoko pepe. Hingango ye ti lo, zo oko alingbi ti gi nda ni pepe.

Ésaïe 52:13

*KOTA GBIA atene: “Baa zo ti kua ti mbi laa; aye so kue lo yeke sara ayeke ga nzoni. Lo yeke gue guengo na nduzu, azo ayeke ya iri ti lo si ala yeke ne lo ahon ndoni.

Ésaïe 6:1

Na ngu so gbia Ozias akui, mbi baa Kota Gbia aduti na ndö ti mbata ti gbia so ayo na nduzu mingi. Yanga ti yongoro bongo ti lo asi ya ti kota da ti Nzapa kue.

Ésaïe 6:3

Ala yeke dekongo na amba ti ala, atene: “*KOTA GBIA ayeke nde, lo yeke nde, lo yeke nde si lo yeke nzoni kue, KOTA GBIA so ayeke na ndö ti dunia kue so! Ndö ti sese kue asi singo na gonda ti lo!”

Ésaïe 63:15

*KOTA GBIA, na yayu kâ, zi le ti mo, mo baa ndo. Na pendere ndo ti mo so ayeke nde si ayeke nzoni kue, baa ye so asi na e: ndoye so ayeke gbi be ti mo tongana wâ ndali ti e, ayeke na ndo wa? Ngangu ti mo ayeke na ndo wa? Mo ke ti baa mawa ti e, mo ke ti sara nzoni be na e awe?

Jérémie 10:10

Me KOTA GBIA ayeke taa Nzapa, lo yeke Nzapa so ayeke na fini, lo yeke gbia kpu na kpu. Tongana lo sara ngonzo, sese ayeke yingi; tongana le ti lo abe na ngonzo, amara nde alingbi ti kanga be ti ala pepe.

Abia ti demango tere 3:41

E sambela na be ti e kue, e yoro maboko ti e na nduzu na Nzapa so ayeke na yayu kâ.

Ezekiel 16:63

Tongaso, fade mo yeke dabe ti mo na ngoi so ahon; kamene ayeke sara mo si mo yeke kiri ti zi yanga pepe ndali ti gba ti kamene so agbu le ti mo na ndembe so mbi yeke zi na li ti mo sioni so kue mo sara. So tënë ti yanga ti Kota Gbia NZAPA laa.”

Ezekiel 9:4

lo tene na lo: “Mo tambula na ya ti gbata ti Jérusalem kue. Ambeni zo ayeke na ya ti gbata ni so ayeke dema si ayeke toto ndali ti asioni ye so azo ayeke sara na ya ti gbata ni si zo alingbi ti baa na le ti lo fani use pepe so. Fade mo yeke su mbeni nzoroko na ndö ti le ti ala.”

Daniel 2:11

Ye so mo hunda so ayeke ngangu mingi. Zo oko ti fa tënë ni na gbia ayeke daa pepe. Gi anzapa si alingbi ti fa ni; me ndo ti lango ti ala ayeke na popo ti azo ti sese pepe.”

Daniel 4:17

Mo baa keke so akono si aga ngangu, li ni ague ngbii akpo le ti nduzu si azo ti dunia kue alingbi ti baa ni;

Daniel 4:34

Ndani laa, fadeso mbi Nabukodonosor, mbi sepela, mbi ya iri si mbi gonda gbia so ayeke na yayu! Aye so kue lo yeke sara ayeke na legeni; asarango ye ti lo kue ayeke mbirimbiri. Lo yeke na ngangu ti sara si azo ti baba aga akete zo.”

Joël 2:13

Ala suru bongo ti ala pepe, me ala suru be ti ala.” Biani, ala kiri na KOTA GBIA, Nzapa ti ala; lo yeke sara nzoni be na zo si lo yeke baa mawa ti zo, lo yeke sara ngonzo hio hio pepe, nzoni be ti lo asi singo. Sioni so lo leke na be ti lo ti sara na zo, lo yeke ke ti sara ni.

Mishe 5:2

Ndani laa, fade Nzapa ayeke zia azo ti lo, ngbii asi na ngoi so wali so alingbi ti du molenge, lo du si. Tongaso, tanga ti a-ita ti molenge ni, ala so angba na fini na peko ti so a gbu ala si a gue na ala na kodro wande, ala yeke kiri na tere ti azo ti Israel.

Mishe 6:8

Mo zo, a fa na mo ye so ayeke nzoni awe. Ye so KOTA GBIA ahunda na mo ayeke gi so: sara ye so ayeke mbirimbiri, ye tënë ti sarango ye ti nzoni be, tambula na Nzapa ti mo na lege ti sarango tere ti mo kete.

Zakarii 2:13

Biani, mbi yeke yoro maboko ti mbi ti pika amara ni so. Tongaso, azo so amara ni agbu ala lani na ngbaa so, angbaa ni ayeke kiri ti gbu amara ni tongana aye so a gbu na peko ti bira.” Tongana ye ni asi, fade ala yeke hinga atene, KOTA GBIA so ayeke na ndö ti dunia kue laa atokua mbi.

Zakarii 9:9

Dodo na ngia, mo gbata ti *Sion! Dekongo na ngia, mo gbata ti Jérusalem! Baa, gbia ti mo ayeke ga na mbage ti mo; lo yeke mbirimbiri, lo so benda, lo sara tere ti lo tongana senge zo, lo duti na ndö ti lele, lo duti na ndö ti molenge ti lele.

Matthieu 6:9

Lege so alingbi ala sambela na ni ayeke tongaso: ‘Babâ ti e so mo yeke na yayu, ayeke nzoni azo ane iri ti mo so ayeke nde si ayeke nzoni kue;

Nzoni Tënë so Luc asu na mbeti 1:49

ngbanga ti so Nzapa so ngangu ti lo ahon angangu kue, asara akota ye na mbi; iri ti lo ayeke nde si ayeke nzoni kue.

Nzoni Tënë so Luc asu na mbeti 4:18

“Yingo ti *Kota Gbia ayeke na ndö ti mbi, ngbanga ti so lo tuku mafuta na li ti mbi si lo tokua mbi ti fa Nzoni Tënë na azo ti mawa. Lo tokua mbi ti tene na azo ti kanga so a zi ala awe, ti tene na awaziba so le ti ala ayeke zi, ti zi azo na ya ti pasi ti ala,

Awatokua 3:14

Lo so lo yeke nde, lo yeke nzoni kue si lo yeke mbirimbiri, ala ke lo si ala hunda titene Pilate azi na ala zo ti fango zo ti zia ngia na be ti ala.

Rome 1:20

Ti londo na ndembe so dunia abaa gigi, ambeni ye ti Nzapa ayeke daa so le ti zo ayeke baa pepe: ngangu ti lo so ayeke lakue lakue nga na dutingo ti lo ti Nzapa; azo so ayeke gbu li ti ala ayeke baa ni na lege ti aye so Nzapa asara. Tongaso ala yeke na tënë ti kiri na ni pepe.

2 Korente 1:4

Lo yeke de be ti e na ya ti apasi so kue e yeke baa. Tongaso si e wani, e ga azo so alingbi ti de be ti azo so kue ayeke na ya ti pasi, e lingbi ti de be ti azo gi tongana ti so Nzapa ade be ti e so.

2 Korente 2:7

Ndani laa, ti fadeso alingbi ala zi tënë na li ti lo, ala de be ti lo, tongaso si vundu akiri ahon ndö ti lo pepe.

2 Korente 7:6

Me Nzapa so ayeke de be ti azo so be ti ala awoko kue, lo sara si gango ti Tite ade be ti e.

Ndia ti fani use ni 33:27

Nzapa so angba lakue, lo yeke ndo ti batango tere ti mo; lo ngba lakue ti fa ngangu ti lo na ndö ti sese so. Lo tumba awato na dawa ti mo si lo tene: ‘Fâ ala kue kue kue!’

1 Timothée 1:17

Ayeke nzoni azo ane Kota Gbia, ala gonda lo lakue lakue, lo yeke oko Nzapa, zo abaa lo pepe, lo yeke na fini lakue lakue, lo yeke Kota Gbia kpu na kpu! Amen.

1 Timothée 6:16

Lo yeke gi oko Nzapa so ayeke na fini lakue lakue, lo yeke duti na ndo so aza zango, zo alingbi ti si na ndo ni so pepe. Mbeni zo ade ti baa lo pepe, zo alingbi ti baa nga lo pepe. Gonda na ngangu so ayeke ngba kpu na kpu ayeke ti lo! Amen.

Ahebro 9:14

Ye ni ayeke tongaso taa-tënë, me mene ti Christ ayeke na ngangu ti sara kua ahon ambeni ye so kue! Na lege ti Yingo so ayeke ngba kpu na kpu, Christ amu tere ti lo wani na sandaga na Nzapa, sandaga so sioni ye oko ayeke daa pepe. Mene ti lo ayeke sukula asioni so ayeke na be ti e si aye so ayeke gue na e na kuâ, fade e yeke kiri ti sara ni pepe, tongaso si e yeke sara kua ti Nzapa so ayeke na fini.

Jacques 4:6

Me Nzapa akiri asara na e nzoni be mingi ahon ti so. Biani, Mbeti ti Nzapa atene: “Nzapa ake tënë ti azo ti baba, me lo yeke sara nzoni be na azo so asara tere ti ala kete.”

1 Pierre 5:5

Amaseka, ala nga, ala ma yanga ti akangba. Ala kue, na lege ti dutingo ti ala na popo ti amba ti ala, ala sara tere ti ala kete, ngbanga ti so Mbeti ti Nzapa atene: “Nzapa ake azo ti baba, me lo yeke sara nzoni be na azo so asara tere ti ala kete.”

Aye so Nzapa afa 15:4

Kota Gbia, zo wa laa ayeke kpe mbeto ti mo pepe? Zo wa laa ayeke gonda iri ti mo pepe? Biani, gi mo oko laa mo yeke nde si mo yeke nzoni kue. Fade amara kue ayeke ga ti kuku na gbe ti mo, ndali ti so ala kue abaa fadeso lege so mo yeke fâ na ngbanga ti mo awe.”

Aye so Nzapa afa 3:7

“Su mbeti so, mo tokua na *ange so ayeke na li ti *Eglize ti gbata ti Filadelfii: “Lo so lo yeke nde si lo yeke nzoni kue, lo so lo yeke tene gi taa-tënë, lo so lo yeke na kerere ti David na maboko ti lo, lo laa lo yeke tene tënë so. Tongana lo zi yanga ti da, mbeni zo alingbi ti kanga ni pepe; tongana lo kanga ni, mbeni zo alingbi ti zi ni pepe.

Aye so Nzapa afa 4:8

Aye osio so ayeke na fini, ala oko oko ayeke na *kpangi omene. Ale ti bango na ndo ayeke na tere ti akpangi ni kue, na ya ni nga na gigi. Bi na lâ, ala ngba ti he bia, atene: “*Kota Gbia, Nzapa so ngangu ti lo ahon angangu kue, lo yeke nde, lo yeke nde; lo yeke nde si lo yeke nzoni kue! Lo yeke ando, lo yeke laso si lo yeke ga.”

1 Samuel 2:2

KOTA GBIA oko laa ayeke nde si ayeke nzoni kue, mbeni zo ti bata e tongana lo ayeke daa pepe; lo yeke oko kota têne so e luti na ndö ni ti bata tere ti e; mbeni nzapa nde tongana lo ayeke daa pepe.