Ésaïe 57:13 - Mbeti ti Nzapa - Tënë so amu fini

¹³ Tongana mo dekongo, ayeke nzoni gba ti ayanda ti mo ni asoo mo ma! Fade pupu ayeke mu ala kue ti hon na ala, pupu ti yanga ayeke hon na ala! Me azo so ayeke kpe na mbi ti bata tere ti ala, fade a yeke mu kodro ni ti ga ti ala, hoto ti mbi so ayeke nde si ayeke nzoni kue ayeke ga ye ti ala.

Ésaïe 57:13 ပူးပေါင်းရင်းမြစ်များ

2 Agbia 3:13

Élisée atene na gbia ti Israel: “Ti mo na mbi nyen? Gue mo baa awayanga-nzapa ti babâ ti mo na ti mama ti mo!” Gbia ti Israel akiri tënë na lo: “Ên-en! KOTA GBIA laa aga na e, agbia ota so ge ti zia e na maboko ti azo ti Moab.”

Mbeti ti Job 21:18

Azo ayeke tene: “Ayeke nzoni ala ga tongana pere so pupu amu ahon na ni; tongana holengo pere so kota pupu amu ahon na ni.”

Abia (Psaumes) 1:4

Me ti azo ti sioni, ye ni ayeke tongaso pepe: ala yeke tongana poro ti ale ti kobe so a pe ya ni si pupu amu ahon na ni.

Abia (Psaumes) 118:8

Titene zo akpe na KOTA GBIA ti bata tere ti lo, so ayeke nzoni ahon titene lo zia be ti lo na ndö ti azo!

Abia (Psaumes) 125:1

A yeke he bia so na ndembe ti guengo ni na Jérusalem. Azo so azia be ti ala na ndö ti *KOTA GBIA, ala yeke tongana hoto ti *Sion so ayeke yingi laoko pepe si angba kpu na kpu.

Abia (Psaumes) 37:11

Me fade kodro ni ayeke ga ti azo so ayeke sara tere ti ala kete, ala yeke duti na taa siriri.

Abia (Psaumes) 37:22

Biani, azo so Nzapa asara tufa na ndö ti ala, fade kodro ayeke ga ti ala; azo so lo deba ala, fade a yeke bi ala na gigi.

Abia (Psaumes) 37:29

Kodro ni ayeke ga ti azo ti mbirimbiri, fade ala yeke ngba na ya ni kpu na kpu.

Abia (Psaumes) 37:3

Mo zia be ti mo na ndö ti *KOTA GBIA, mo sara nzoni ye si fade mo duti na ya ti kodro ni, fade sioni ye asi na mo pepe.

Abia (Psaumes) 37:34

Zia be ti mo ti ku gi KOTA GBIA, mo mu gi lege so lo fa na mo. Fade lo yeke mu mo na nduzu titene mo mu kodro ni si aga ti mo, fade mo yeke baa azo ti sioni so a yeke bi ala na gigi.

Abia (Psaumes) 37:9

Biani, fade a yeke bi azo ti sioni na gigi; me azo so azia be ti ala na ndö ti KOTA GBIA, fade kodro ni ayeke ga ti ala.

Abia (Psaumes) 58:9

Ayeke nzoni ala ga tongana ngonzâ so akui si azia dongo ti tere ti lo na sese. Ayeke nzoni ala ga tongana akete molenge so a du ala na kuâ ni si ala baa lâ pepe.

Abia (Psaumes) 84:12

Biani, KOTA GBIA Nzapa ayeke lâ si lo yeke vala. KOTA GBIA ayeke sara nzoni be na zo, lo yeke mu nengo na zo; azo so ayeke sara ye mbirimbiri, lo yeke gbanzi nzoni ye na ala pepe.

Amato 28:25

Zo so kota be ahon ndö ti lo, lo sara si papa alondo; me zo so azia be ti lo na ndö ti KOTA GBIA, fade lo yeke duti na aye gbani gbani.

Ésaïe 11:9

Na ndö ti hoto so kue ayeke nde si ayeke nzoni kue, fade sioni ye na buba ye ayeke duti daa pepe, ngbanga ti so hingango KOTA GBIA ayeke si singo na ya ti kodro ni tongana ti so ngu asi singo na ya ti kota ngu-ingo.

Ésaïe 14:32

Azo so azo ti Filistii atokua ala so, tënë ti nyen laa a yeke kiri na ni na ala? Tënë ni ayeke so: *KOTA GBIA wani laa alu gere ti *Sion. Na ndo so laa asenge zo ti lo ayeke duti daa, mbeni ye ti sioni ti sara ala ayeke daa pepe.

Ésaïe 25:4

Biani, mo yeke ndo so azo so ayeke na ngangu pepe ayeke kpe daa ti bata tere ti ala, mo yeke ndo ti batango tere ti awayere so ye ti ngangu asi na ala. Mo yeke tongana gbefa ti bata zo ndali ti ngu-Nzapa, gbe ti de ti bata zo ndali ti ndo-wâ. Biani, pupu ti yanga ti azo ti sarango ngangu na zo ayeke tongana ngangu pupu ti ngu-Nzapa so apika tere ti da,

Ésaïe 40:24

Ataa a iri ala na kua gi fafadeso, ataa ala gbu mbata ti kua ti ala gi fafadeso, ataa gere ti ala ade ti li sese pepe, mo ye ti baa, KOTA GBIA ahuru pupu na ndö ti ala. Tongaso, ala hole si ngangu pupu ahon na ala tongana holengo pere.

Ésaïe 41:16

Mo yeke pe ya ti ala si pupu ayeke mu ala ti hon na ala; kota pupu ayeke kangbi ya ti ala kirikiri. Me ti mo, mo yeke dodo na ngia ndali ti KOTA GBIA, mo yeke pika kate ti mo ndali ti Nzapa ti Israel, lo so lo yeke nde si lo yeke nzoni kue.”

Ésaïe 45:20

Ala, amara nde so angba na fini, ala bongbi tere ti ala, ala ga! Ala ga legeoko. Azo so ayeke yo ayanda ti ala ti keke, ala so ayeke sambela nzapa so alingbi ti soo zo pepe, ala hinga ndo pepe.

Ésaïe 49:8

Tënë so KOTA GBIA atene ayeke so: “Na ndembe so alingbi, mbi kiri tënë na mo; na lango ti songo azo na kuâ, mbi mu na mo maboko. Mbi bata mo titene na lege ti mo, mbi na azo, e ga *ambuki. Mbi yeke yo kodro ti Israel na nduzu, mbi yeke kiri ti kangbi na azo sese so lani ayeke ti ala si abuba so.

Ésaïe 56:7

fade mbi yeke sara si ala ga na ndö ti hoto ti mbi so ayeke nde si ayeke nzoni kue. Mbi yeke sara si be ti ala asi singo na ngia na ya ti da so a yeke sambela mbi daa. Asandaga so a yeke gbi ni kue na wâ nga na asandaga nde nde so ala yeke ya na mbi na ndö ti gbalaka, mbi yeke yamba ni. Biani, fade azo ayeke iri da ti mbi, ‘Da ti sambela ti amara kue.’ ”

Ésaïe 60:21

Azo ti mo, ala kue ayeke duti azo ti mbirimbiri, sese ni ayeke ga ye ti ala kpu na kpu. Ala kpa kete keke so mbi lu; ala yeke azo so mbi wani, mbi sara ala na maboko ti mbi titene ala fa gonda ti mbi.

Ésaïe 65:11

“Me ti ala, ala so ado mbi azia, ala so agirisa lege ti guengo na hoto ti mbi so ayeke nde si ayeke nzoni kue, ala so ayeke mu kobe na Gad, ala so ayeke bongbi samba si ayeke mu na *sandaga na Meni,

Ésaïe 65:25

Fade mbo ti ngonda na molenge ti taba ayeke te kobe na ndo oko; bamara ayeke te pere tongana bagara. Ngbo ayeke te fuku ti sese. Na ndö ti hoto ti mbi so ayeke nde si ayeke nzoni kue, sarango sioni ayeke kiri ti duti daa pepe, bubango ye ayeke kiri ti duti daa pepe. Tënë so KOTA GBIA atene laa.”

Ésaïe 65:9

Fade mbi yeke mu *ahale na azo ti Jacob, mara ti Juda. Ala yeke mu ahoto ti mbi ti ga ye ti ala; ala so mbi soro ala, ala yeke mu ni titene aga ye ti ala, azo ti kua ti mbi ayeke duti kâ.

Ésaïe 66:20

Tongaso, azo ti amara ni ayeke mu a-ita ti ala, azo ti Israel kue ti kiri na ala: amara ni ayeke ga na a-ita ti ala ni na ndö ti mbarata, na ya ti apusu, na ya ti apusu ti mbarata so a sara da na ndö ni, na ndö ti *apâkârâ, na ndö ti *azambala ngbii ala si na Jérusalem, na ndö ti hoto ti mbi so ayeke nde si ayeke nzoni kue. Ye ni ayeke duti tongana *sandaga ti ala so ala mu na mbi. Mbi yeke yeda na ni tongana sandaga so azo ti Israel ayeke zia na ya ti sembe so ayeke *nzoni si ala yeke ga na ni na ya ti kota da ti mbi. Tënë so mbi KOTA GBIA, mbi tene laa.

Jérémie 2:28

Fade mbi yeke kiri tënë na ala, mbi tene: ‘Anzapa ti ala so ala leke ala so ayeke na ndo wa? Tongana ye ti ngangu asi na ala, ayeke nzoni anzapa ni aga asoo ala ma! Biani, ala azo ti Juda, ala yeke na anzapa gbani gbani alingbi na wungo ti agbata ti ala.’

Jérémie 22:20

“Jérusalem, gue na li ti hoto ti Liban si mo dekongo ngangu. Na sese ti Bashan, sara si azo ama go ti mo. Na ndö ti hoto ti Abarim, dekongo ngangu! Biani, ti andeko ti mo ahunzi awe.

Jérémie 22:22

Azo ti li ti kodro ti mo kue, fade pupu ayeke ya ti mu ala ti hon na ala; a yeke gbu andeko ti mo ti gue na ala na kodro wande. Ndali ti sioni ye so kue mo sara, nengo ti mo ayeke ti na sese si kamene ahon ndö ti mo.

Jérémie 30:14

Andeko ti mo kue, be ti ala agirisa na mo awe, ngbanga ti ala ayeke na mo mbeni pepe. Biani, mbi pika mo, mo baa mo tene, mbi yeke fade wato ti mo. Mbi pika mo ngangu, ngbanga ti so sioni ti mo ahon ndoni, siokpari ti mo awu mingi.

Ezekiel 20:40

Biani, na ndö ti hoto ti mbi so ayeke nde si ayeke nzoni kue, na ndö ti yongoro hoto ti Israel laa azo ti Israel so kue ayeke na ya ti kodro ni ayeke voro mbi. So tënë ti yanga ti mbi, Kota Gbia NZAPA laa. Kâ, mbi yeke yamba ala na nzoni be, mbi yeke yeda na aye so kue ala zia nde ndali ti mbi, amatabisi ti ala nga na asandaga ti anzoni ye so ala yeke ya na mbi.

Osée 13:3

Ndani laa, fade ala yeke ga tongana mbinda ti ndaperere, tongana ngu ti pere ti ndaperere so ayeke hon hongo, tongana pere so pupu amu na ndö ti lakere, ahon na ni yongoro, tongana guru ti wâ so ayeke sigigi na li ti da ahon.

Zakarii 7:13

Nilaa KOTA GBIA so ayeke na ndö ti dunia kue, atene: “So lani mbi iri ala si ala ke ti ma so, mbi nga, ala iri mbi si mbi ke ti ma ala.

Awafango-ngbanga 10:14

Ala gue! Ala dekongo na anzapa so ala soro ala so ma! Anzapa ni asoo ala na ngoi so ala yeke na ya ti kpale ma!”