Ésaïe 57:10 - Mbeti ti Nzapa - Tënë so amu fini

¹⁰ Mo tambula mingi, ni laa mo woko awe so. Me mo tene pepe, mo tene: “Mbi zia lege ni!” Mo kiri mo wara ngangu, mo ngba ti woko pepe.

Ésaïe 57:10 ပူးပေါင်းရင်းမြစ်များ

Ésaïe 47:13

Mo woko awe na bango azo ti gingo nda ti atongoro! Ala yeke baa le ti nduzu si nze na nze ala yeke fa ye so alingbi ti si na mo. Ayeke nzoni ala ga, ala soo mo!

Jérémie 18:12

Me ala tene: “Ngbanga ti e ayeke daa pepe! E yeke ngba ti sara ye so aga na li ti e. Zo oko oko ayeke ngba ti sara sioni ye so be ti lo afa na lo.”

Jérémie 2:25

‘Israel, mo sara hange! Tongana mo kpe loro tongaso, fade gbe ti poro ti mo ayeke te kue; lege ti go ti mo ayeke hole kasakasa.’ Me mo kiri tënë, mo tene: ‘Mo zia mbi na tënë ti mo so! Mbi ye gi anzapa ti awande, mbi yeke ngba ti kpe na peko ti ala’.

Jérémie 2:36

“Mo yeke sanze akode mingi, andaa mo laa mo yeke bi tere ti mo na sese! Me fade Ezipte ayeke zia kamene na le ti mo tongana ti so Asirii azia nga kamene na le ti mo so.

Jérémie 3:3

Ndani laa le ti nduzu akanga si ngu-Nzapa ti ndani apika pepe. Me le ti mo angba ti za tongana ti wali-ndumba; kamene asara nga mo kete pepe.

Jérémie 5:3

KOTA GBIA, ye so anzere na mo ayeke titene zo asara lakue ye so ayeke na legeni; ni laa ape? Mo pika ala, me pika ni aso ala pepe. Mo ye ti nika ala biani biani, me ala ke ti ma ye so mo fa na ala. Li ti ala akpengba ahon têne, ala ke ti kiri na mbage ti mo.

Jérémie 9:5

Ndo ti dutingo ti ala ayeke gi na ya ti handango ndo. Na lege ti handa, ala ke ti hinga mbi; so tënë ti yanga ti KOTA GBIA laa.”

Ezekiel 24:12

Me angangu so kue ayeke senge senge. Ataa so a zia na wâ, gba ti soko ni ahon pepe.

Habakuk 2:13

Ndani laa, kua so amara asara ayeke hunzi na le ti wâ, azo ayeke baa pasi na kua senge senge. Aye so kue alondo na KOTA GBIA pepe? Lo so lo yeke na ndö ti dunia kue so.

Rome 7:9

Ando, so mbi de ti hinga Ndia pepe, mbi yeke na fini; me so mbi hinga tënë ti ndia awe, siokpari awara lege ti duti na fini