Ésaïe 57:1 - Mbeti ti Nzapa - Tënë so amu fini

¹ Azo ti mbirimbiri akui, tënë ti kuâ ti ala aso be ti zo oko pepe; azo ti sarango nzoni ati akui, zo oko ti gbu li ti lo daa ayeke daa pepe. Biani, azo ti mbirimbiri ati akui ndali ti sioni ti azo ti sioni.

Ésaïe 57:1 ပူးပေါင်းရင်းမြစ်များ

1 Agbia 14:13

Azo ti Israel kue ayeke toto kuâ ti lo, na pekoni ala yeke lu lo. Na popo ti azo ti sewa ti Yeroboam kue, gi lo oko laa du ti kuâ ti lo ayeke duti daa. Biani, Na popo ti azo ti sewa so kue, gi lo oko laa KOTA GBIA, Nzapa ti Israel awara nzoni ye na lege ti lo.

2 Agbia 22:20

Ndani laa, mbi yeke zia mo ti gue na tere ti akotara ti mo na siriri; a yeke lu nga mo na siriri na ya ti du ti kuâ ti mo. Sioni kpale so kue mbi yeke sara titene aga na ndö ti gbata so, fade mo yeke baa ni pepe.’ ” Kota wayango-sandaga Hilkia na amba ti lo akiri ague, atene peko ti tënë ni na gbia Yosias.

2 Mbai 32:33

Ezekias akui, lo hon na peko ti ababâ ti lo, a lu lo na ndo so a yeke lu *ahale ti David daa, na mbage ti nduzu; azo ti Juda kue na azo ti Jérusalem amu nengo na kuâ ti lo. Molenge ti lo Manase laa aga gbia na peko ti lo.

2 Mbai 34:28

Mbi yeke zia mo ti gue na tere ti akotara ti mo na siriri; a yeke lu nga mo na siriri na ya ti du ti kuâ ti mo. Sioni kpale so kue mbi yeke sara titene aga na ndö ti gbata so nga na ndö ti azo ti gbata so, fade mo yeke baa ni pepe.’ ” Kota wayango-sandaga na amba ti lo akiri ague, atene peko ti tënë ni na gbia Yosias.

2 Mbai 35:24

Azo ti kua ti lo azi lo na ya ti pusu ti mbarata ti lo ti bira, ala zia lo na ya ti use pusu ti mbarata ti lo si ala gue na lo na Jérusalem. Yosias akui kâ si ala lu lo na ya ti sende ti kuâ ti akotara ti lo. Azo ti Juda kue na azo ti Jérusalem asara mua ti lo.

Abia (Psaumes) 12:1

Bia ti David; bia so ayeke ndali ti makonzi-bia. A he ni na kundi ti akamba miombe.

Abia (Psaumes) 37:37

Mo baa zo so alingbi kue, mo baa zo so sarango ye ti lo ayeke na legeni: zo so aye tënë ti siriri, fade ahale ti lo ayeke duti nzoni.

Ésaïe 42:25

Ndani laa KOTA GBIA atuku na ndö ti Israel ngonzo ti lo ti wâ nga na sioni ye ti bira. Bira ni abi wâ na tere ti ala mbage na mbage kue, me Israel ahinga ye oko daa pepe. Wâ ni agbi azo ni, me tënë ni agbu be ti ala pepe.

Ésaïe 47:11

Baa, fade mbeni ye ti mawa ayeke ti na ndö ti mo, mo yeke hinga lege so mo yeke sigigi na ya ni pepe. Baa, mbeni kpale ayeke ti na ndö ti mo, mo yeke hinga lege ti bata tere ti mo daa pepe. Mbeni ngangu pupu ayeke ga na ndö ti mo biaku, mo yeke hinga li ti mo na ni pepe.

Ésaïe 47:7

Mo tene lani: “Mbi yeke ngba gbia-wali lakue lakue.” Me mo gbu ti li ti mo pepe na ndö ti aye so ayeke si, mo dabe ti mo pepe na ndö ti ye so ayeke si ande.

Ésaïe 57:11

Zo wa laa azia lani mbeto na be ti mo, zo wa laa mo sara mbeto ti lo si mo handa mbi, be ti mo agirisa na mbi so? Mo kiri mo dabe ti mo na mbi pepe so? Aninga mingi mbi zi yanga pepe, ndani laa mo yeke kpe mbeto ti mbi pepe so?

Jérémie 18:11

“Fadeso, ayeke nzoni mo tene na azo ti Juda na ala so ayeke lango na Jérusalem, mo tene: ‘Tënë so KOTA GBIA atene ayeke so: Mbi yeke leke na be ti mbi mbeni ye ti sara na ala, mbi yeke leke mbeni sioni kpale na tere ti ala. Ayeke nzoni zo oko oko azia sioni lege ti sarango ye ti lo. Ala sara si lege ti dutingo ti ala na sarango ye ti ala akiri aga nzoni!’ ”

Jérémie 22:10

Ala azo ti Juda, lo so akui awe so, ala toto lo pepe! Ala toto tere ti ala ndali ti lo pepe! Me ala toto mingi ndali ti lo so ayeke hon hongo so. Ala toto lo mingi, ngbanga ti so kodro so a du lo daa, lo yeke kiri ti baa ni pepe.

Ezekiel 21:3

Fade mo yeke tene na azo ti gbako ni, mo tene: Ala ma tënë ti KOTA GBIA! Tënë so mbi, Kota Gbia NZAPA, mbi tene ayeke so: Mbi yeke bi wâ na ya ti gbako ni si ayeke gbi afini keke na aholengo keke kue. Menga-wâ so ayeke za lawu lawu so ayeke mingo pepe; ti londo na Mbongo ngbii asi na Banga, wâ ni ayeke zö le ti azo kue.

Mishe 7:2

Azo so abata be ti ala na Nzapa ayeke na ya ti kodro ni mbeni pepe. Mbeni zo ti mbirimbiri oko ayeke na popo ti azo ti kodro ni pepe. Azo kue ayeke gi gi lege ti fâ amba ti ala; zo oko oko ayeke gi lege titene mba ti lo ati na ya ti gbanda.

Malashii 2:2

Tënë so *KOTA GBIA so ayeke na ndö ti dunia kue atene laa: “Tongana ala ma tënë ti mbi pepe, tongana ala sara si tënë ti nengo mbi agbu be ti ala pepe, fade mbi yeke deba ala si tufa so mbi ye ti sara na ndö ti ala, mbi yeke sara titene akiri aga deba. Biani, fade mbi yeke deba ala, ngbanga ti so tënë ti gbotongo mê so mbi gboto mê ti ala agbu be ti ala pepe.

Wungo ti azo 23:10

Zo wa laa alingbi ti diko azo ti Israel, zo wa? *Ahale ti Jacob so ayeke gbani gbani so? Mbi ye ti kui tongana ti azo ti mbirimbiri, mbi ye si kuâ ti mbi aduti tongana ti ala.”