Ésaïe 56:4 - Mbeti ti Nzapa - Tënë so amu fini

⁴ Biani, tënë so KOTA GBIA atene ayeke so: “Ambaiwa so ayeke sara ye alingbi na lango ti wungo tere, ala so asoro ti sara ye so anzere na be ti mbi, ala so agbu tënë ti *mbuki ti mbi ngangu,

Ésaïe 56:4 ပူးပေါင်းရင်းမြစ်များ

2 Samuel 23:5

Sewa ti mbi ayeke tongaso na le ti Nzapa pepe? Ndali ti so mbi na lo, e sara *mbuki ti lakue lakue, a leke andia ti mbuki ni kue awe. Asongo benda nga na aye ti nzoni kue ti mbi, lo lingbi ti sara si amai maingo pepe?

Abia (Psaumes) 119:111

Aye so mo hunda na mbi aga ye ti mbi biani biani; aye ni ayeke zia ngia na be ti mbi.

Abia (Psaumes) 25:10

Alege ti KOTA GBIA kue afa so lo yeke bata tënë ti yanga ti lo si lo yeke tene taa-tënë na azo so abata atënë ti mbuki ti lo.

Ésaïe 27:5

Me tongana mbeni zo amu mbi tongana gbagba ti batango lo, lo yeke sara si mbi na lo, e duti na siriri; biani, mbi na lo, e yeke duti na siriri!”

Ésaïe 55:3

Ala dingi mê ti ala, ala ma mbi, ala ga na mbi. Ala ma mbi si fade ala yeke duti na fini. *KOTA GBIA atene: “Mbi na ala, e yeke sara *mbuki so ayeke ngba lakue lakue; mbi yeke mu na ala anzoni ye so mbi mu zendo ni na David.

Ésaïe 56:2

Ti lo nzoni, zo so asara ye alingbi na tënë so mbi tene, zo so agbu tënë ni ngangu, zo so asara ye alingbi na *lango ti wungo tere, lo sara si lango ni aga sioni pepe si lo kpe lege ti sarango sioni ye.”

Ésaïe 56:6

Ti awande so amu tere ti ala na KOTA GBIA ti sara kua na lo, ti ye lo, ti ga azo ti kua ti lo, KOTA GBIA atene: “Ala so kue abata lango ti wungo tere, ala sara si lango ni aga sioni pepe, ala so agbu tënë ti mbuki ti mbi ngangu,

Ésaïe 58:13

*KOTA GBIA atene: “Tongana mo ke ti sara kua na *lango ti wungo tere, mo ke ti sara ye so mo lingbi ti baa nzoni na peko ni na lango so a zia nde ndali ti mbi; tongana mo iri lango ti wungo tere ‘Lango ti ngia’, mo iri *lango ti KOTA GBIA ‘Nengo lango’, tongana mo ne lango ni so, mo ke ti sara kua, mo ke ti sara ye so mo lingbi ti baa nzoni na peko ni, mo ke ti papa,

Jérémie 50:5

Ala yeke hunda lege ti guengo na *Sion, le ti ala ayeke baa ndo na mbage ti gbata ni. Ala yeke ga ti bongbi oko na mbi na lege ti *mbuki so angba lakue lakue, mbuki so be ti ala ayeke girisa na ni laoko pepe.

Nzoni Tënë so Luc asu na mbeti 10:42

Taa nzoni ye ayeke gi oko. Marie laa asoro ti lo taa nzoni ye ni: fade mbeni zo ti zi ni na maboko ti lo ayeke daa pepe.”

Ahebro 6:17

Andaa, azo so Nzapa amu zendo ti mu aye na ala, lo ye ti fa biani na ala so be ti lo angba lakue na ndö ti zendo ni. Ndani laa lo deba yanga ti lo na ndö ti zendo ni.

Josué 24:15

Tongana sarango kua ti KOTA GBIA anzere na ala pepe, ala soro laso anzapa so ala ye ti sara kua na ala: wala ala ye ti voro anzapa so akotara ti ala avoro ala ando na mbage ti ngu ti Efrate, wala ala ye ti voro anzapa ti mara ti Amori so ala ayeke na popo ti ala. Me ti mbi na azo ti da ti mbi, fade e yeke sara kua na KOTA GBIA.”