Ésaïe 56:3 - Mbeti ti Nzapa - Tënë so amu fini

³ Wande so amu tere ti lo na KOTA GBIA, alingbi lo tene na be ti lo pepe, lo tene: “KOTA GBIA ayeke zi mbi na popo ti azo ti lo.” Alingbi *mbaiwa atene nga pepe, atene: “Mbi yeke ti mbi holengo keke.”

Ésaïe 56:3 ပူးပေါင်းရင်းမြစ်များ

2 Mbai 6:32

“Tongana wande, lo so lo yeke na popo ti azo ti Israel pepe, azo ti mo, tongana lo ma tënë ti kota iri ti mo, tënë ti ngangu ti maboko ti mo, maboko ti mo so mo yoro, tongana lo londo na mbeni kodro yongoro, lo ga na mbage ti kota da so ti sambela mo,

Esther 9:27

Ala sara si alango use so aga mbeni ndia ndali ti ala wani, ndali ti ahale ti ala nga na azo so kue ayeke ga azuife; ala yeke bata ande alango ni so tongana alango ti matanga. Ala yeke sara ande ni lakue lakue taa gi na lango ni so, na ngu oko oko alingbi na yanga so Mardochée amu na ala.

Ésaïe 14:1

Biani, fade *KOTA GBIA ayeke baa mawa ti Jacob; lo yeke kiri ti soro Israel. Lo yeke zia azo ti Israel ti duti na kodro ti ala wani. Awande ayeke bongbi oko na ala si ala kue ayeke ga azo ti Jacob.

Ésaïe 39:7

Na popo ti amolenge ti mo, ala so mo wani, mo du ala, fade a yeke mu ambeni ti gue na ala titene ala ga *ambaiwa na yangbo ti gbia ti Babilone.’ ”

Ésaïe 56:5

fade mbi yeke mu na ala mbeni ndo na ya ti kota da ti mbi, mbi yeke zia mbeni têne na tere ti dere ti da ni titene ala su iri ti ala na ndö ni; so ayeke duti nzoni ahon amolenge-koli na amolenge-wali. Iri so mbi yeke mu na ala ayeke ngba lakue lakue, mbeni ye ayeke zi ni oko pepe.”

Ésaïe 56:6

Ti awande so amu tere ti ala na KOTA GBIA ti sara kua na lo, ti ye lo, ti ga azo ti kua ti lo, KOTA GBIA atene: “Ala so kue abata lango ti wungo tere, ala sara si lango ni aga sioni pepe, ala so agbu tënë ti mbuki ti mbi ngangu,

Jérémie 50:5

Ala yeke hunda lege ti guengo na *Sion, le ti ala ayeke baa ndo na mbage ti gbata ni. Ala yeke ga ti bongbi oko na mbi na lege ti *mbuki so angba lakue lakue, mbuki so be ti ala ayeke girisa na ni laoko pepe.

Awayango-sandaga 21:20

zo ti kunguruba, zo so ange ngengo, zo so mbeni kobela ayeke so le ti lo, zo so koto-mo-lango ayeke na tere ti lo, zo so dartere ayeke na tere ti lo, wala zo so le ti korobo ti lo abuba.

Awayango-sandaga 25:45

Ala lingbi nga ti vo ala na popo ti amolenge ti agene so aga ti duti na ndo ti ala, wala na popo ti azo ti akete mara ti ala so adu ala na ya ti kodro ti ala, azo ti Israel. Angbaa ni ayeke ga ye ti ala.

Sofonii 2:11

Fade KOTA GBIA ayeke zia kota mbeto na be ti ala, lo yeke hunzi anzapa ti sese kue. Tongaso, ataa amara so kue ayeke na yongoro ndo, ala yeke kuku akpo li ti ala na sese na dawa ti lo, zo oko oko na kodro ti lo.

Wungo ti azo 18:4

Ala yeke mu maboko na mo na kua ti ya ti da ti bongo so mbi na azo ti mbi, e yeke wara tere daa, ala yeke sara akua kue ti ya ti da ni. Mbeni senge zo alingbi ti ga nduru na ala pepe.

Wungo ti azo 18:7

Me mo, Aaron na amolenge ti mo, ala yeke sara kua ti ala ti wayango-sandaga na ndo so gbalaka ayeke daa nga na ndo so ayeke nde si ayeke nzoni kue ahon atanga ni; so ti tene na peko ti ridoo so akangbi ya ti da ni so. Mbi laa mbi mu na ala kua ni. Tongana mbeni senge zo aga nduru na ndo ni, fade a yeke fâ lo.”

Awatokua 10:34

Tongaso Pierre amu tënë si lo tene: “Taa-tënë, mbi hinga fadeso mbi tene, Nzapa ayeke gonda zo ndali ti le ti zo ni pepe.

Awatokua 17:4

Ambeni zuife, ala na ambeni wali ti kota ndo na gba ti agreke so ayeke voro Nzapa, ala yeda na tënë ni si ala mu peko ti Paul na Silas.

Awatokua 18:7

Tongaso lo zia ala si lo gue, lo lango na da ti mbeni zo ti mara nde so iri ti lo ayeke Titius Yustus. Lo yeke mbeni zo so lo yeke voro Nzapa; da ti lo agbu tere na da ti sambelango Nzapa.

Rome 15:16

si lo mu mbi ti ga zo ti kua ti Jésus Christ na popo ti azo ti amara nde. Lo zia mbi nde ti fa Nzoni Tënë ti Nzapa. Tongaso, azo ti amara nde alingbi ti ga nzoni *sandaga na le ti Nzapa na lege ti Yingo-Vuru, lo so lo sara si ala ga nzoni kue.

1 Korente 6:17

Me zo so abongbi oko na Kota Gbia, lo na Kota Gbia aga oko na lege ti yingo.

Efeze 2:12

ando, ala yeke yongoro na Christ, mbeni ye ti ala oko so ala lingbi ti wara na popo ti azo ti Israel ayeke daa pepe. Nzapa asara si azo so lo mu zendo na ala, lo sara *ambuki na ala; me ala azo ti amara nde, ala yeke na ya ti ambuki so pepe. Mbeni ye so ala lingbi ti zia be ti ala daa ti ku na dunia so ayeke daa pepe; ala hinga Nzapa pepe.

Efeze 2:22

Na lege ti gango so ala ga oko na lo, a mu ala na atanga ni kue ti sara na da so Yingo ti Nzapa wani ayeke duti daa.

Ndia ti fani use ni 23:9

Ahale ti amara use so a yeke du ala na ya ti kodro ni, fade ala lingbi ti li na ya ti bongbi ti azo ti KOTA GBIA senge, ti to ndani na molongo ota ti dungo ala.

1 Pierre 1:1

Mbi Pierre, *watokua ti Jésus Christ, mbi tokua mbeti so na azo so Nzapa asoro ala, ala so akpe kodro ti ala, ague, aduti na ya ti akodro nde nde na sese ti Pon, ti Galasii, ti Kapadose, ti Azii na ti Bitinii.