Ésaïe 56:2 - Mbeti ti Nzapa - Tënë so amu fini

² Ti lo nzoni, zo so asara ye alingbi na tënë so mbi tene, zo so agbu tënë ni ngangu, zo so asara ye alingbi na *lango ti wungo tere, lo sara si lango ni aga sioni pepe si lo kpe lege ti sarango sioni ye.”

Ésaïe 56:2 ပူးပေါင်းရင်းမြစ်များ

Néhémie 13:17

Mbi suku na akota zo ti sese ti Juda, mbi tene: “Ala baa sioni ye so ala yeke sara so? Ala sara si lango ti wungo tere aga sioni!

Abia (Psaumes) 106:3

Ti ala nzoni, azo so ayeke sara ye na lege ti ndia si ala yeke sara ye ti mbirimbiri na ngoi kue!

Abia (Psaumes) 112:1

Aleluya! Ti lo nzoni, zo so ayeke kpe mbeto ti KOTA GBIA si atënë ti ndia ti *KOTA GBIA anzere na lo!

Abia (Psaumes) 119:101

Mbi kpe alege ti sioni kue, tongaso si mbi sara ye alingbi na tënë ti mo.

Abia (Psaumes) 128:1

A yeke he bia so na ndembe ti guengo ni na Jérusalem. Ti ala nzoni, azo so kue ayeke kpe mbeto ti *KOTA GBIA si ala yeke mu lege so lo fa na ala!

Abia (Psaumes) 34:14

Alingbi mo bata yanga ti mo na sioni tënë, mo bata yanga ti mo na atënë ti mvene.

Abia (Psaumes) 37:27

Mo kpe lege ti sioni, mo sara nzoni ye, fade mo yeke ngba na ya ti kodro ni lakue.

Sigingo 20:10

Me lango mbarambara ni ayeke lango ti wungo tere ndali ti mbi KOTA GBIA, Nzapa ti mo. Na lango ni so, alingbi mo sara kua oko pepe; ataa mo, ataa molenge ti mo ti koli, ataa molenge ti mo ti wali, ataa zo ti kua ti mo ti koli, ataa zo ti kua ti mo ti wali, ataa anyama ti mo, ataa wande so ayeke lango na kodro ti mo.

Sigingo 20:8

“Alingbi mo dabe ti mo na *lango ti wungo tere, mo zia ni nde ndali ti mbi.

Amato 14:16

Mbeto ti sioni ye ayeke sara zo ti ndara; lo yeke kpe lege ni. Me zo ti buba alondo ti sara ye hio hio, ngbanga ti so lo baa lo tene, mbeni ye ti sioni ti si na ni ayeke daa pepe.

Amato 16:17

Azo so sarango ye ti ala ayeke na legeni, ala yeke kpe lege ti sioni ye; zo so aye ti bata fini ti lo, lo yeke sara hange na lege ti dutingo ti lo.

Amato 16:6

Zo so asara nzoni be na amba ti lo si azo alingbi ti zia be ti ala na ndö ti lo, a yeke zi sioni ti lo. Kpengo mbeto ti KOTA GBIA asara si zo akpe lege ti sioni ye.

Amato 4:13

Wango so a mu na mo, mo bata ni ngangu, mo zia lege ni pepe. Mo bata ni, ngbanga ti so fini ti mo laa!

Amato 4:27

Mo zia lege ni ti hon mbage na mbage pepe; mo kpe lege ti sioni ye.

Zo ti bongbingo azo 7:18

Ayeke nzoni mo ye mbeni wango si mo ke mbeni pepe, ngbanga ti so zo so ayeke kpe mbeto ti Nzapa awara lege ti sara aye so kue.

Ésaïe 56:4

Biani, tënë so KOTA GBIA atene ayeke so: “Ambaiwa so ayeke sara ye alingbi na lango ti wungo tere, ala so asoro ti sara ye so anzere na be ti mbi, ala so agbu tënë ti *mbuki ti mbi ngangu,

Ésaïe 56:6

Ti awande so amu tere ti ala na KOTA GBIA ti sara kua na lo, ti ye lo, ti ga azo ti kua ti lo, KOTA GBIA atene: “Ala so kue abata lango ti wungo tere, ala sara si lango ni aga sioni pepe, ala so agbu tënë ti mbuki ti mbi ngangu,

Ésaïe 58:13

*KOTA GBIA atene: “Tongana mo ke ti sara kua na *lango ti wungo tere, mo ke ti sara ye so mo lingbi ti baa nzoni na peko ni na lango so a zia nde ndali ti mbi; tongana mo iri lango ti wungo tere ‘Lango ti ngia’, mo iri *lango ti KOTA GBIA ‘Nengo lango’, tongana mo ne lango ni so, mo ke ti sara kua, mo ke ti sara ye so mo lingbi ti baa nzoni na peko ni, mo ke ti papa,

Ezekiel 20:12

Mbi mu nga na ala *lango ti wungo tere ti ga mbeni ye ti fa atene, songo ayeke na popo ti mbi na ala si ala hinga atene, mbi laa mbi yeke KOTA GBIA so mbi zia ala nde ndali ti mbi.

Ezekiel 20:20

Ala zia *lango ti wungo tere nde ndali ti mbi; lango ni afa songo so ayeke na popo ti mbi na ala, tongaso si ala hinga atene, mbi laa mbi yeke KOTA GBIA, Nzapa ti ala.’

Awayango-sandaga 19:30

Alingbi ala bata lango ti wungo tere, ala ne ndo so a zia nde ndali ti mbi. Mbi laa mbi yeke KOTA GBIA.

Nzoni Tënë so Luc asu na mbeti 11:28

Me Jésus atene na lo: “Ti ala nzoni, azo so ama tënë ti Nzapa si ala sara ye alingbi na ni!”

Nzoni Tënë so Luc asu na mbeti 12:43

Ti zo ti kua ni so nzoni, tongana makonzi ti lo akiri si awara lo na yanga ti kua ni!

Jean 13:17

Fadeso ala hinga ye ni awe. Ti ala nzoni tongana ala sara ye alingbi na ni!

Rome 12:9

Ala ye azo na be use pepe. Ala ke ye ti sioni na be ti ala oko, me ala mu tere ti ala kue na ye so ayeke nzoni.

Aye so Nzapa afa 22:14

Ti ala nzoni, ala so asukula bongo ti ala avuru, tongaso si ala wara lege ti te lengo ti keke so ayeke mu fini na zo si ala wara nga lege ti li na ayanga ti gbagba ni ti gue na ya ti gbata ni.