Ésaïe 56:11 - Mbeti ti Nzapa - Tënë so amu fini

¹¹ Ala yeke nga ambo so ayeke gbongo ti kobe, ya ti ala ayeke si ka laoko pepe. Andaa ala laa ayeke azo ti batango azo ti mbi, me ala hinga nda ti ye oko pepe; ala kue ayeke sara gi ye so anzere na be ti ala, zo oko oko ayeke gi gi nzoni ti lo wani.

Ésaïe 56:11 ပူးပေါင်းရင်းမြစ်များ

Sigingo 23:3

Na le ti ngbanga, ala mu mbage ti zo pepe, ataa zo ni ayeke zo ti mawa.

Zo ti bongbingo azo 5:10

Tongana aye ti zo awu mingi, azo ti tengo ni akiri awu mingi. Nzoni ye ti nyen laa lo yeke wara na pekoni, nyen? Gi ti baa ni na le!

Ésaïe 1:3

Bagara ahinga wa ti lo; lele ahinga ndo so wa ti lo ayeke mu na lo kobe ti tengo ni daa. Me azo ti Israel ahinga ndo pepe, li ti azo ti mbi ayeke daa pepe.”

Ésaïe 28:7

Ndali ti vin so asara ala, ataa awayango-sandaga na awayanga-Nzapa agirisa lege. Ndali ti ngangu samba, ala yeke tambula kirikiri. Samba asara si ala girisa lege. Ndali ti vin, li ti ala aga kirikiri, tongana ala baa ye na ya ti mbeni ye tongana bango-li, ala yeke girisa lege, ala hinga li ti ala na ngbanga so ala yeke fâ pepe.

Ésaïe 57:17

Ndali ti sioni nzara ti warango ye ti Israel, ngonzo agbu mbi ngangu. Na ya ti ngonzo ti mbi, mbi pika lo, mbi ye ti kiri ti baa lo pepe. Me lo ngba ti sara ngangu li, lo ngba ti sara ye ti be ti lo.

Jérémie 22:17

Me ti mo, mo yeke gi gi nzoni ti mo wani; nilaa azo so tënë ayeke na li ti ala pepe, mo ye gi ti tuku mene ti ala senge senge; mo ye gi ti sara ngangu na azo, ti sara ala na ngangu, na ngangu.”

Jérémie 6:13

ngbanga ti so, ti londo na kete zo na popo ti ala asi na kota zo, ala kue ayeke gi gi nzoni ti ala wani. Ti londo na wayanga-Nzapa asi na wayango-sandaga, ala kue ayeke sara gi aye ti nzi.

Jérémie 8:10

“Ndani laa, KOTA GBIA atene: mbi yeke mu awali ti ala na ambeni zo nde; mbi yeke mu ayaka ti ala na azo si ayaka ni aga ti azo ni biani. Biani, ti londo na kete zo asi na kota zo, ala kue ayeke gi gi nzoni ti ala wani. Ti londo na wayanga-Nzapa asi na wayango-sandaga, ala kue ayeke sara gi aye ti nzi.

Ezekiel 13:19

Ala bi buba na tere ti mbi na le ti azo ti mbi ndali ti kete le ti *orze nga ndali ti nduru mapa. Ala yeke tene mvene na azo ti mbi so ayeda ti ma atënë ti mvene ti ala, awali ni. Tongaso ala yeke fâ azo so alingbi na kuâ pepe si ala yeke bata azo so alingbi na kuâ.

Osée 4:8

Ala yeke te asandaga so azo ti mbi amu ndali ti siokpari ti ala wani. Nilaa nzara ti be ti awayango-sandaga kue ayeke titene azo ti mbi asara asioni ye.

Mishe 3:11

Amakonzi ti agbata ni ayeke fâ ngbanga gi ndali ti warango goro; awayango-sandaga ti ala ayeke fa ye gi ti wara ye na pekoni; awayanga-Nzapa ti ala ayeke fa ye so ayeke si gi ndali ti warango nginza. Na ndö ni kue, ala yeke luti na ndö ti *KOTA GBIA si ala tene: “KOTA GBIA ayeke na popo ti e pepe? Fade ye ti sioni alingbi ti si na e pepe.”

Malashii 1:10

Tongana mbeni zo na popo ti ala alondo fade akanga ayanga ti kota da ti mbi titene ala ngba ti tingo wâ na ndö ti gbalaka ti mbi senge senge pepe, ka ayeke nzoni mingi! Biani, be ti mbi anzere na ala pepe. Tënë so KOTA GBIA so ayeke na ndö ti dunia kue atene laa. Aye ti ala so ala yeke ga na ni na mbi na sandaga so, anzere na be ti mbi pepe.

Wungo ti azo 22:7

Azo ti tokua ni, akangba ti Moab na ti Madian ague, amu ambeni ye na maboko ti ala ti futa na zo ti bango nda ti aye ni. Ala gue, asi na ndo ti Balaam si ala tene na lo peko ti tokua ti Balak.

Jean 8:43

Ala ma ya ti tënë ti mbi pepe, ngbanga ti nyen? Ngbanga ti so ala lingbi ti ma tënë ti mbi pepe.

Awatokua 20:29

Mbi hinga, mbi tene, na peko ti mbi, fade ambeni sioni mbo ti ngonda ayeke ga na popo ti ala ti fâ ataba ni.

Awatokua 20:33

Mbi sara nzara ti nginza, wala nzara ti lôro wala nzara ti bongo ti mbeni zo oko pepe.

2 Korente 4:4

azo so ake ti ma na be. Sioni nzapa ti sese so akanga lege ti hingango ndo ti ala titene ala baa zango ti Nzoni Tënë pepe. Andaa Nzoni Tënë ni ayeke fa gonda ti Christ, lo so lo yeke limo ti Nzapa.

Filipe 3:19

Lege ti kuâ laa ala yeke gue daa so. Nzapa ti ala ayeke gi ya ti ala, ye so ayeke zia kamene na le ti azo ni so, ala yeke wara ti ala gonda daa. Ala zia be ti ala kue gi na ndö ti aye ti dunia so.

Filipe 3:2

Ala sara hange na azo ti sarango sioni kua! Ala sara hange na ambo so! Ala sara hange na azo so afâ mbirimbiri *ganza pepe so!

1 Timothée 3:3

lo yeke ngbaa ti samba pepe, lo yeke zo ti tiri pepe, me lo yeke zo ti nzoni be, lo yeke sara ngangu na amba ti lo pepe; nzara ti nginza ahon ndö ti lo pepe;

1 Timothée 3:8

Alingbi *adiakre nga aduti azo so ayeke ne tere ti ala; tënë ti yanga ti ala ayeke use use pepe, ala yeke angbaa ti samba pepe, ala gi ti wara ye na lege ti sioni pepe.

Tite 1:11

Alingbi mo kanga yanga ti ala, ngbanga ti so ala sara si mabe ti azo kue na ya ti ambeni sewa ati. Ala ye ti gi nginza na lege ti sioni, nilaa ala yeke fa tënë so zo alingbi fade ti fa pepe.

Tite 1:7

Zo ti li ti Eglize ayeke wabatango lege ti aye ti Nzapa, nilaa alingbi lo yeke zo so tënë ayeke na li ti lo pepe. Lo yeke zo ti pikango kate pepe, zo ti ngonzo pepe, ngbaa ti samba pepe, zo ti tiri pepe; lo yeke zo ti warango nginza na lege ti likisi pepe.

1 Pierre 5:2

Ala bata bongbi ti azo ti Nzapa so lo zia na maboko ti ala. Ala sara ni na nzoni be, tongana ti so be ti Nzapa aye; mbeni zo agbu ala na ngangu ti sara ni pepe. Ala sara kua ni ndali ti nzara ti nginza pepe, me ala mu tere ti ala kue na kua ni.

2 Pierre 2:3

Ndali ti nzara ti nginza, azo so ayeke handa ala ti te ala na lege ti atënë ti mvene. Me ti azo ni, aninga mingi so ngbanga ti ala alondo awe, ngbanga so aga nduru ti ti na ndö ti ala: kpale so ayeke mingo ala ade yongoro pepe.

Jude 1:11

Mawa na azo ni so! Ala mu peko ti Kain. Ndali ti nginza, ala girisa lege tongana Balaam; ala kui, ngbanga ti so ala sara ngangu li tongana azo ti Kore.

Jude 1:16

Be ti azo ni anzere laoko pepe, demango tere ti ala ahon ndoni; ala ye ti sara ye alingbi gi na asioni nzara ti be ti ala; ala yeke tene gi atënë ti baba si ala yeke diko apendere tënë ti handa na azo ngbanga ti warango ye.

Aye so Nzapa afa 22:15

Na gigi, azo so sarango ye ti ala akpa ti mbo, azo ti guengo na gbe ti yoro, azo ti sarango aye ti ndumba, azo ti fango zo nga na azo so aye mvene si ayeke tene mvene!

Awafango-ngbanga 18:20

So wayango-sandaga ni ama tënë so, be ti lo asi na kota ngia. Lo mu ayanda, aye nde nde ti sambelango nzapa nga na yanda so ala sara ni si lo li na popo ti azo ni.

1 Samuel 2:29

Ngbanga ti nyen laa mo na amolenge ti mo ayeke baa sandaga ti mbi na ye so mbi mu yanga si azo aga na ni na ya ti da ti mbi, tongana mbeni buba ye na le ti ala so? Ngbanga ti nyen laa mo ne amolenge ti mo ahon mbi? Azo ti mbi so ayeke azo ti Israel aga na mbi anzoni ye ti mu na sandaga. Ngbanga ti nyen laa mo na amolenge ti mo ayeke te ni si ala yeke kono na ni so?