Ésaïe 56:1 - Mbeti ti Nzapa - Tënë so amu fini

¹ Tënë so *KOTA GBIA atene ayeke so: “Ala bata ndia, ala sara ye so ayeke mbirimbiri, ngbanga ti so mbi ga nduru ti soo ala awe, ala ga nduru ti baa mbirimbiri ti mbi awe.

Ésaïe 56:1 ပူးပေါင်းရင်းမြစ်များ

Abia (Psaumes) 106:3

Ti ala nzoni, azo so ayeke sara ye na lege ti ndia si ala yeke sara ye ti mbirimbiri na ngoi kue!

Abia (Psaumes) 50:23

Zo so sandaga ti lo ayeke singila so lo mu na mbi, lo laa lo yeke zo ti gondango mbi. Zo so abata lege ti lo mbirimbiri, mbi yeke fa na lo so mbi yeke wasongo- azo.

Abia (Psaumes) 85:9

Mbi ye ti ma tënë so KOTA GBIA Nzapa atene: lo tene tënë ti siriri na azo ti lo, na azo ti lo ti nzoni be. Me ayeke nzoni ala kiri asara ye ti buba ti ala pepe.

Ésaïe 33:5

A ya iri ti KOTA GBIA, ngbanga ti so lo yeke duti na nduzu kâ. Lo sara si sarango ye na legeni na fango ngbanga ti mbirimbiri asi singo na ya ti Jérusalem kue.

Ésaïe 46:13

Mbi yeke sara titene mbirimbiri ti mbi aga; akiri angba yongoro pepe. Tënë ti songo zo na kuâ aga nduru awe. Mbi yeke ga na tënë ti songo zo na *Sion. Biani, mbi yeke ga na ye so ayeke pendere mingi na Israel.

Ésaïe 51:5

Zingo azo so mbi yeke zi ala aga nduru awe, songo azo na kuâ so mbi yeke soo ala asigigi awe. Mbi yeke fâ ngbanga ti azo na ngangu. Fade azo ti azoa ayeke zia be ti ala ti ku mbi, ala yeke ku ngangu ti maboko ti mbi.

Ésaïe 55:7

Alingbi zo ti sioni azia lege ti sioni ti lo; zo ti sarango sioni azia asioni tënë ti be ti lo. Ayeke nzoni ala kiri na KOTA GBIA si fade lo baa mawa ti ala. Ayeke nzoni lo kiri na Nzapa ti e si lo zi tënë na li ti ala biani biani.

Ésaïe 61:8

Biani, mbi KOTA GBIA, mbi ye titene azo asara ye na lege ti ndia, me mbi ke titene a nzi ye ti zo na lege ti fango lo. Fade mbi yeke futa ala alingbi na ye so ala sara; mbi na ala e yeke sara *mbuki so angba lakue lakue.”

Ésaïe 64:5

E kue, e yeke tongana azo so aga *sioni awe, aye ti mbirimbiri so kue e sara ayeke tongana bongo so awali ayeke yu na ndembe so ala yeke baa ya ti ala. E kue, e woko tongana kugbe, sioni ti e ayeke hon na e kirikiri tongana ti so pupu ayeke hon na ye.

Daniel 9:24

A diko ngoi mbarambara fani balembarambara ndali ti azo ti mo nga ndali ti gbata ti mo so ayeke nde si ayeke nzoni kue. A diko ngoi ni titene sioni sarango ye na siokpari akai, titene a zi siokpari na li ti azo si mbirimbiri ti Nzapa angba lakue lakue, titene aye so zo abaa na ya ti mbeni ye tongana bango-li na tenengo peko ti tënë ti yanga ti Nzapa aga taa-tënë, titene kota da ti Nzapa so ayeke nde si ayeke nzoni kue, azo akiri azia ni nde ndali ti lo.

Osée 12:7

“Ti mo Jacob, alingbi mo kiri na mbi, Nzapa ti mo. Sara ye na lege ti nzoni be, sara ye na legeni; zia be ti mo lakue ti ku Nzapa ti mo.”

Mishe 6:8

Mo zo, a fa na mo ye so ayeke nzoni awe. Ye so KOTA GBIA ahunda na mo ayeke gi so: sara ye so ayeke mbirimbiri, ye tënë ti sarango ye ti nzoni be, tambula na Nzapa ti mo na lege ti sarango tere ti mo kete.

Mishe 7:9

Ayeke nzoni mbi kanga be ti mbi na ngonzo ti KOTA GBIA, ngbanga ti so mbi sara siokpari ti ke ti lo. Me mbeni lango ayeke ga so fade lo yeke mu tënë ti mbi na maboko ti lo, lo yeke sara si fango ngbanga ti mbi aduti na legeni. Lo yeke zi mbi na ya ti vukongo ndo ti zia mbi na ya ti lumiere si fade mbi yeke baa aye ti lo so lo sara ni na lege ti mbirimbiri.

Matthieu 3:2

lo tene: “Ala zia ngbene lege ti sarango ye ti ala, ngbanga ti so *Kodro-gbia ti yayu aga nduru awe!”

Matthieu 4:17

Gi na ndembe ni so, Jésus ato nda ti fa tënë, lo tene: “Ala zia ngbene lege ti sarango ye ti ala, ngbanga ti so *Kodro-gbia ti yayu aga nduru awe!”

Marc 1:15

Lo tene: “Ngbonga ni alingbi awe, *Kodro-gbia ti Nzapa aga nduru awe. Ala zia ngbene lege ti sarango ye ti ala, ala ma na be na Nzoni Tënë!”

Jean 7:17

Zo so aye ti sara ye so be ti Nzapa aye, fade lo yeke hinga atene, ye so mbi yeke fa alondo na Nzapa wala mbi yeke tene gi tënë so alondo na mbi wani.

Rome 1:17

Biani, Nzoni Tënë ni afa na le ti azo lege so Nzapa asara titene azo aga mbirimbiri na le ti lo: gi na lege ti mabe, na tongo ndani ngbii asi na ndani, tongana ti so Mbeti ti Nzapa atene: “Zo so aga mbirimbiri na lege ti mabe, fade lo yeke duti na fini.”