Ésaïe 55:9 - Mbeti ti Nzapa - Tënë so amu fini

⁹ Tongana ti so le ti nduzu ayo mingi na sese, lege ti sarango ye ti mbi ayo legeoko tongaso ahon lege ti sarango ye ti ala, tënë ti be ti mbi ayo legeoko tongaso ahon tënë ti be ti ala.

Ésaïe 55:9 ပူးပေါင်းရင်းမြစ်များ

2 Samuel 7:19

Kota Gbia NZAPA, ye ni akiri alingbi na le ti mo pepe. Tongaso, mo kiri mo mu zendo ndali ti ahale ti mbi ndali ti angoi so ayeke ga gbanda. Kota Gbia NZAPA, so ayeke mbeni fango ye so alondo na zo?

Abia (Psaumes) 103:11

Tongana ti so le ti nduzu ayo mingi na sese, nzoni be ti lo ndali ti azo so akpe mbeto ti lo ayeke kota mingi legeoko tongaso.

Abia (Psaumes) 36:5

Na bi, so lo yeke na ndö ti gbogbo ti lo, lo yeke gbu li ti lo na ndö ti sioni ye so lo ye ti sara. Lo ngba gi na lege so ayeke nzoni oko pepe, lo yeke ke ye ti sioni pepe.

Abia (Psaumes) 77:19

So bekpa ti mo asungba ngangu, awâ ti bekpa aza na ndö ti dunia kue, sese ado si ayingi.

Abia (Psaumes) 89:2

*KOTA GBIA, fade mbi yeke he bia lakue ti fa nzoni be ti mo; mbi yeke fa na azo ti angoi kue so mo yeke bata tënë ti yanga ti mo.

Abia (Psaumes) 92:6

KOTA GBIA, aye so mo sara ayeke kota mingi! Atënë ti be ti mo ali mingi!

Ésaïe 14:24

*KOTA GBIA so ayeke na ndö ti dunia kue adeba yanga ti lo, atene: “Ye so mbi leke na be ti mbi ti sarango ni ayeke si; ye so mbi ye ti sara, mbi yeke sara ni.

Matthieu 11:25

Na ndembe ni so, Jésus akiri atene: “Mbi gonda mo Babâ, mo so mo yeke *Kota Gbia ti yayu na ti sese, ndali ti so mo honde ye so na azo ti ndara nga na azo ti hingango ye si mo sigigi na nda ni na akete molenge.