Ésaïe 55:7 - Mbeti ti Nzapa - Tënë so amu fini

⁷ Alingbi zo ti sioni azia lege ti sioni ti lo; zo ti sarango sioni azia asioni tënë ti be ti lo. Ayeke nzoni ala kiri na KOTA GBIA si fade lo baa mawa ti ala. Ayeke nzoni lo kiri na Nzapa ti e si lo zi tënë na li ti ala biani biani.

Ésaïe 55:7 ပူးပေါင်းရင်းမြစ်များ

Tongo nda ti aye 6:5

KOTA GBIA abaa so sioni ti zo ahon ndoni na ndö ti sese. Ti londo na ndaperere ngbii asi na lakui, be ti lo aye gi ti sara sioni.

2 Mbai 15:2

Lo gue, lo wara Asa si lo tene na lo: “Gbia Asa, mo na azo ti Juda nga na azo ti Benjamin kue, ala ma mbi si! *KOTA GBIA ayeke na ala, tongana ala yeke na lo. Tongana ala gi lo, fade lo yeke zi lege na ala ti wara lo; me tongana ala zia lo, fade lo nga lo yeke zia ala.

2 Mbai 15:4

Me lani, na ya ti ye ti ngangu so ala yeke daa, ala kiri na mbage ti KOTA GBIA, Nzapa ti Israel; ala kiri agi lo si lo zia lege na ala titene ala wara lo.

2 Mbai 30:6

Awatokua amu ambeti so gbia na amakonzi ti lo asu so si ala gue na ni na sese ti Israel kue nga na ti Juda. Na lege ti yanga so gbia amu, ala tene: “Ala azo ti Israel, ala so akpe na maboko ti azo ti Asirii so, ala kiri na mbage ti KOTA GBIA, Nzapa ti Abraham, ti Isaac na ti Jacob si fade lo kiri na mbage ti ala.

2 Mbai 33:13

Lo voro KOTA GBIA ti baa mawa ti lo. KOTA GBIA azia ngonzo ti lo, lo ma toto ti lo si lo kiri na lo na Jérusalem titene lo kiri lo sara kua ti lo ti gbia. Tongaso Manase ahinga atene, KOTA GBIA laa ayeke taa Nzapa.

2 Mbai 7:14

tongana azo ti mbi so a di iri ti mbi na ndö ti ala asara tere ti ala kete, ala sambela mbi, ala gi le ti mbi si ala zia sioni lege ti sarango ye ti ala, mbi so mbi yeke na yayu kâ, fade mbi yeke ma sambela ti ala, mbi yeke zi siokpari na li ti ala si mbi yeke sara titene kodro ti ala aga nzoni.

Mbeti ti Job 22:23

Tongana mo kiri na mbage ti lo so ngangu ti lo ahon angangu kue, fade lo yeke zia mo na ndo ti mo. Me ye ti sioni, mo zia yongoro na da ti mo.

Abia (Psaumes) 130:4

Me mo laa mo yeke zi tënë na li ti azo, tongaso si azo akpe mbeto ti mo.

Abia (Psaumes) 130:7

Azo ti Israel, ala zia be ti ala ti ku KOTA GBIA, ngbanga ti so lo yeke na nzoni be; lege so lo yeke soo na azo ayeke gbani gbani.

Abia (Psaumes) 51:1

Bia so ayeke ndali ti makonzi-bia; bia ti David.

Abia (Psaumes) 66:18

Tongana mbi bata fade sioni ye na be ti mbi, ka Kota Gbia ama mbi pepe.

Amato 28:13

Zo so ahonde asioni ti lo, aye ti lo ayeke ga nzoni pepe; me zo so afa ni na gigi si lo zia lege ni, fade Nzapa ayeke sara nzoni be na lo.

Ésaïe 1:19

Tongana ala yeda si ala ma tënë ti mbi, fade ala yeke te anzoni kobe ti kodro ni.

Ésaïe 14:1

Biani, fade *KOTA GBIA ayeke baa mawa ti Jacob; lo yeke kiri ti soro Israel. Lo yeke zia azo ti Israel ti duti na kodro ti ala wani. Awande ayeke bongbi oko na ala si ala kue ayeke ga azo ti Jacob.

Ésaïe 21:12

Sanziri ni akiri tënë: “Ndo ayeke han si na pekoni, ndo ayeke kiri ti vuko. Tongana ala ye ti kiri ti hunda ndo, ala hunda senge! Ala lingbi ti kiri ti ga mbeni lâ.”

Ésaïe 31:6

Ala azo ti Israel, ala ke lani KOTA GBIA mingi! Ala kiri fadeso na mbage ti lo ma!

Ésaïe 32:7

Ti zo ti handango ndo, kua ti lo ayeke ti sarango sioni mingi na zo: lo yeke leke aye na mayere ti sara sioni na wayere na tenengo mvene na li ti wayere ni. Andaa wayere ni ahunda gi ye so ayeke ti lo.

Ésaïe 40:2

Ala tene tënë ti mu ngangu na be ti Jérusalem, ala dekongo na lo atene: “Kua ti lo ti ngbaa ahunzi awe, a zi sioni ti lo na li ti lo awe. Biani, asioni so lo sara, *KOTA GBIA asara si lo wara futa ni fani use.”

Ésaïe 43:25

Me mbi, gi mbi oko, mbi wani laa mbi yeke zi siokpari na li ti mo; fade mbi yeke kiri ti dabe ti mbi na sioni ti mo pepe.

Ésaïe 44:22

Asioni ti mo, mbi mbo ni tongana mbinda ti le ti nduzu; asiokpari ti mo, mbi zi ni tongana mbinda so ayeke hon hongo. Kiri na mbi, ngbanga ti so mbi soo mo awe.”

Ésaïe 54:10

Ataa ahoto ahon na mbeni ndo nde, ataa akete hoto ayingi, fade ndoye ti mbi na mbage ti mo ayeke hunzi laoko pepe, *mbuki ti siriri ti mbi na mo ayeke yingi laoko pepe. Mbi KOTA GBIA so mbi yeke baa mawa ti mo laa mbi tene tënë so na mo.”

Ésaïe 54:8

Ngonzo asara mbi lani mingi na tere ti mo, na mbeni kete ngoi, mbi ke ti baa mo na le ti mbi. Me na lege ti ndoye so angba lakue lakue, mbi yeke baa mawa ti mo. Mbi KOTA GBIA, mbi so mbi zi mo, mbi laa mbi tene tënë so na mo.”

Ésaïe 58:6

Kengo kobe so mbi ye ayeke so: ti zi zingiri na tere ti azo so a kanga ala na mbana, ti zi ala na gbe ti nengo kungba, ti zi azo so amba ti ala asara ngangu na ala, ti fâ ya ti *zuge kue,

Ésaïe 59:7

Ala yeke mu loro ti sara sioni, ala yeke kpe ti gue ti tuku mene ti zo so asara sioni pepe. Gbungo-li ti ala ayeke gi ti sara sioni; na ndö ti alege so kue ala yeke hon daa, gi sarango ngangu na zo nga na bubango ye.

Jérémie 3:14

“Amolenge ti pupulenge, ala kiri maa! Biani, mbi yeke wa ti ala; so tënë ti yanga ti *KOTA GBIA laa. Fade mbi yeke mu na popo ti ala, zo oko na ya ti mbeni gbata, zo use na ya ti mbeni kete mara ti kiri na ala na *Sion.

Jérémie 3:3

Ndani laa le ti nduzu akanga si ngu-Nzapa ti ndani apika pepe. Me le ti mo angba ti za tongana ti wali-ndumba; kamene asara nga mo kete pepe.

Jérémie 4:14

“Jérusalem, tongana mo ye titene a soo mo, ayeke nzoni mo *sukula sioni na be ti mo. Sioni tënë ayeke ngba ande na be ti mo ngbii asi lawa?

Abia ti demango tere 3:40

E baa lege ti sarango ye ti e mbirimbiri, e gi ti hinga nda ni nzoni, na pekoni e kiri na mbage ti KOTA GBIA.

Ezekiel 14:6

Ndani laa, alingbi mo tene na azo ti Israel, mo tene: ‘Tënë so Kota Gbia NZAPA atene ayeke so: ala zia ngbene lege ti sarango ye ti ala, ala zia lege ti ayanda ti ala, ala zia peko ti ala na asioni sarango ye ti ala so zo alingbi ti baa na le ti lo fani use pepe so!’

Ezekiel 33:11

Tene na ala, mo tene: Fini ti mbi! So tënë ti yanga ti Kota Gbia NZAPA laa. Mbi yeke wara ngia ndali ti kuâ ti zo ti sioni? Ye so anzere na be ti mbi ayeke titene zo ti sioni azia sioni lege ti sarango ye ti lo si lo duti na fini. Ala azo ti Israel, ala zia sioni lege ti sarango ye ti ala, ala zia ni! Ala ye ti kui ngbanga ti nyen?

Daniel 4:27

Lo mu tënë si lo tene: “So Babilone pepe? Kota gbata so mbi sara ni titene aga ndo ti lango ti gbia so! Mbi sara ni na lege ti ngangu ti mbi ti gbia. Mbi sara ni titene azo agonda iri ti mbi.”

Jonas 3:10

Nzapa abaa aye so kue azo ti Ninive asara ti fa atene, ala zia sioni lege ti sarango ye ti ala awe. Tongaso sioni ye so Nzapa atene tënë ti sarango ni na ala so, lo zia ti sarango ni.

Zakarii 8:17

Ayeke nzoni ala gbu li ti ala pepe ti sara sioni na popo ti ala. Ala ke tënë ti dengo ba ti mvene, ngbanga ti so mbi ke aye so kue”; so tënë ti yanga ti KOTA GBIA laa.

Matthieu 9:13

Ala gue, agi ti hinga nda ti tënë so atene: ‘Mbi ye si zo abaa mawa ti amba ti lo, me mbi ke tënë ti *sandaga ti anyama.’ Mbi ga ti iri azo ti mbirimbiri pepe, me mbi ga ti iri azo ti siokpari.”

Marc 7:21

Biani, asioni tënë ti be alondo na ya ti zo, na be ti lo si afa na lo lege ti sarango asioni ye: sarango ye ti ndumba, nzi, fango zo,

Marc 7:23

Asioni ye so kue alondo gi na ya ti zo si asara titene lo ga *sioni.”

Nzoni Tënë so Luc asu na mbeti 15:10

Ndani laa mbi tene na ala: ngia ayeke na popo ti *a-ange ti Nzapa, ndali ti zo ti siokpari oko so azia ngbene lege ti sarango ye ti lo.”

Nzoni Tënë so Luc asu na mbeti 15:24

ngbanga ti so molenge ti mbi so ala baa lo so, lo kui si lo zingo na kuâ; lo girisa si mbi wara lo.’ Ala to nda ti sarango matanga ni.

Nzoni Tënë so Luc asu na mbeti 7:47

Ndani laa mbi tene na mo: kota ndoye so lo yeke na ni afa atene, gba ti asiokpari so lo sara, Nzapa azi ni na li ti lo awe. Me zo so a zi tënë na li ti lo gi kete, lo yeke na ndoye gi kete.”

Awatokua 26:20

Me mbi to nda ti fa tënë ti Nzapa kozoni na azo ti Damas nga na azo ti Jérusalem. Na pekoni, mbi fa tënë ni na azo ti sese ti Judée kue nga na azo ti amara nde; mbi hunda na ala titene ala zia ngbene lege ti sarango ye ti ala ti kiri na mbage ti Nzapa, ala sara ye so afa atene, ala zia ngbene lege ti sarango ye ti ala awe.

Awatokua 3:19

Tongaso, ala zia ngbene lege ti sarango ye ti ala, ala kiri na lege ti Nzapa, tongaso si lo zi siokpari ti ala.

Jacques 1:15

Tongana nzara ti be ti zo amu ngo awe, ayeke du siokpari. Tongana siokpari ni ahon ndoni awe, ayeke gue na zo na kuâ.