Ésaïe 55:5 - Mbeti ti Nzapa - Tënë so amu fini

⁵ Mo Israel, fade mo yeke iri mara so mo hinga ni pepe; mara so ahinga mo pepe ayeke mu loro ti ga na mbage ti mo. Lo yeke ga ndali ti mbi KOTA GBIA, Nzapa ti mo, Nzapa ti Israel so ayeke nde si ayeke nzoni kue, lo so lo sara si mo wara gonda.”

Ésaïe 55:5 ပူးပေါင်းရင်းမြစ်များ

Tongo nda ti aye 49:10

Mbata ti gbia ayeke ngba lakue na ya ti sewa ti Juda. *Ahale ti lo ayeke ngba lakue na komandema, ngbii taa wa ti komandema ni asi. Lo laa azo ti mara kue ayeke ma yanga ti lo.

2 Samuel 22:44

Azo ti kodro ti mbi so atomboka na tere ti mbi so mo yeke zi mbi na maboko ti ala; mo zia mbi na ndö ti amara nde. Azo ti mara so mbi hinga ala pepe aga azo ti gbe ti mbi.

Abia (Psaumes) 18:43

Mbi nika ala si ala ga tongana fuku ti sese so pupu amu ahon na ni; mbi tuku ala na ngonda tongana zende ti ndö ti lege.

Ésaïe 45:14

Tënë so *KOTA GBIA atene ayeke so: “Israel, lengo ti kua ti azo ti Ezipte, ye ti ngere ti azo ti Etiopii, azo ti Seba, ayongoro zo so, ala so kue ayeke hon na ndo ti mo, ala yeke ga ti mo. Fade a yeke kanga ala kangango na zingiri si ala yeke tambula na peko ti mo; ala yeke kuku na gbe ti mo si ala yeke tene tënë so na mo tongana sambela: ‘Nzapa ayeke gi na ndo ti mo oko, mbeni nzapa nde ayeke daa pepe, gi lo oko.’ ”

Ésaïe 45:22

Ala azo so kue ayeke lango na nda ti sese, ala kiri na mbage ti mbi si fade mbi soo ala. Biani, mbi yeke Nzapa, mbeni nde ayeke daa pepe.

Ésaïe 45:23

Mbi deba na iri ti mbi wani, tënë so asigigi na yanga ti mbi ayeke taa-tënë; mbi yeke sanze ye oko daa pepe: fade azo ayeke kuku na gbe ti mbi, azo kue ayeke deba yanga ti ala na iri ti mbi.

Ésaïe 49:12

Baa! Ala londo yongoro si ala yeke ga: ambeni alondo na mbage ti Banga, ambeni na mbage ti Do, ambeni na mbage ti Mbongo, na mbage ti Ezipte.”

Ésaïe 49:6

Lo tene na mbi: “Titene mo ga gi zo ti kua ti mbi ti yo azo ti mara ti Jacob na nduzu, ti mu tanga ti azo ti Israel so angba na fini ti ga na ala, so alingbi pepe. Mbi yeke sara titene mo ga lumiere ti amara kue, tongaso si mbi yeke soo azo na kuâ ngbii asi na nda ti sese kue.”

Ésaïe 52:15

Me fadeso, li ti azo ti mara mingi akpe ndali ti lo, tënë ahunzi na yanga ti agbia. Biani, ye so a tene ando tënë ni na ala pepe, ni laa ala yeke baa ni; ye so ala ma ando tënë ni pepe, ni laa ala yeke baa ni.”

Ésaïe 55:4

Mbi zia lo na tere ti amara tongana zo so ahinga ngangu ti mbi; mbi zia lo makonzi nga na zo so ayeke na komandema na ndö ti amara.

Ésaïe 56:8

Kota Gbia NZAPA so abongbi azo ti Israel so a gbu ala ando a gue na ala na kodro wande, tënë so lo tene ayeke so: “Mbi bongbi azo na tere ti ala awe, mbi yeke kiri ti bongbi ambeni zo na tere ti ala.”

Ésaïe 60:5

Tongana mo baa ala, mo yeke wara ngia mingi, be ti mo ayeke do si ayeke si singo na ngia. Biani, fade a yeke mu anzoni ye ti kota ngu-ingo ti ga na ni na mo; amosoro ti amara nde ayeke ga ngbii ti si mo.

Ésaïe 60:9

Biani, akodro so ayeke na ya ti azoa azia be ti ala ti ku mbi. Amangboko ti Tarsis ahon kozo, ala londo yongoro si ayeke ga na amolenge ti mo; ala yeke ga na wen ti nginza nga na lôro. Ala ga ti gonda KOTA GBIA, Nzapa ti mo, Nzapa ti Israel so ayeke nde si ayeke nzoni kue, Nzapa so amu nengo na mo.

Jérémie 30:19

Na popo ti ala, fade a yeke ma go ti azo so ayeke he bia ti mungo singila si ala yeke dekongo na ngia. Ala *ahale ti Jacob, fade mbi yeke sara si ala kiri awu mingi, wungo ti ala ayeke kiri na peko pepe; mbi yeke sara si azo ane ala, zo ayeke kiri ti baa ala tongana abuba zo pepe.

Ezekiel 39:7

Mbi yeke sara titene azo ti Israel so ayeke azo ti mbi ahinga so iri ti mbi ayeke nde si ayeke nzoni kue. Mbi yeke kiri ti zia lege pepe titene azo akiri abuba iri ti mbi, iri ti mbi so ayeke nde si ayeke nzoni kue so. Tongaso, fade amara nde ayeke hinga atene, mbi laa mbi yeke KOTA GBIA, Nzapa ti Israel, lo so lo yeke nde si lo yeke nzoni kue.

Zakarii 2:11

He, ala azo ti *Sion, ala londo, ala kpe, ala so aduti kâ na Babilone so!”

Nzoni Tënë so Luc asu na mbeti 24:26

Alingbi fade titene *Mesii abaa pasi kozoni si lo li na ya ti gonda ti lo pepe?”

Jean 17:1

Na peko ti tënë so, Jésus ayo le ti lo na nduzu si lo tene: “Babâ, ngbonga ni alingbi awe. Gonda Molenge ti mo si Molenge ti mo agonda mo.

Awatokua 3:13

Nzapa ti Abraham, ti Isaac na ti Jacob, Nzapa ti akotara ti e, amu gonda na Jésus, zo ti kua ti lo. Me ala azo ti Israel, ala zia lo na maboko ti akota zo, ala ke lo na dawa ti Pilate, ataa so Pilate aye ti zi lo.

Awatokua 5:31

Nzapa aya lo na nduzu na lege ti ngangu ti lo, lo zia lo Makonzi na Wasongo-zo, ti mu lege na azo ti Israel ti zia ngbene lege ti sarango ye ti ala si Nzapa azi siokpari na li ti ala.

Rome 15:20

Tënë so agbu be ti mbi si mbi ye mingi ti sara ni ayeke ti fa Nzoni Tënë ni gi na ndo so ambeni zo ade ti di iri ti Christ daa pepe. Mbi sara tongaso si mbi sara da pepe na ndö ti gere ti da so mbeni zo aleke kozoni awe.

Efeze 2:11

Azuife ayeke azo so afâ *ganza; ganza ni ayeke ye so maboko ti zo laa asara, ala ye titene azo airi ala “aganza”. Ala so a du ala amara nde, ala yeke fâ ganza pepe si azuife ayeke iri ala “apopö.” Ayeke nzoni ala dabe ti ala na lege ti dutingo ti ala ti kozoni:

Efeze 3:5

Na ya ti angoi so ahon, Nzapa afa tënë ni na azo pepe; me fadeso, na lege ti Yingo ti lo, lo fa tënë ni na *awatokua ti lo nga na awayanga-Nzapa so lo zia ala nde ndali ti lo.

Ahebro 5:5

Ti Christ ayeke nga tongaso: lo mu tere ti lo wani ti si na kota ndo pepe ti ga kota wayango-sandaga; me Nzapa laa amu lo ti ga kota wayango-sandaga, Nzapa so atene na lo: “Mo yeke Molenge ti mbi, laso mbi ga Babâ ti mo awe.”

1 Pierre 1:11

Yingo ti Christ ayeke na ya ti awayanga-Nzapa si ayeke fa na ala kozoni tënë ti pasi so fade Christ ayeke baa, nga na tënë ti gondango so a yeke gonda lo na peko ti pasi ni. Nilaa, ala gi lege ngangu ti hinga ngoi ti singo ti aye so Yingo ti Christ afa tënë ni na ala; ala gi nga ti hinga aye ni ayeke si ande tongana nyen?