Ésaïe 55:4 - Mbeti ti Nzapa - Tënë so amu fini

⁴ Mbi zia lo na tere ti amara tongana zo so ahinga ngangu ti mbi; mbi zia lo makonzi nga na zo so ayeke na komandema na ndö ti amara.

Ésaïe 55:4 ပူးပေါင်းရင်းမြစ်များ

2 Samuel 22:44

Azo ti kodro ti mbi so atomboka na tere ti mbi so mo yeke zi mbi na maboko ti ala; mo zia mbi na ndö ti amara nde. Azo ti mara so mbi hinga ala pepe aga azo ti gbe ti mbi.

Abia (Psaumes) 18:43

Mbi nika ala si ala ga tongana fuku ti sese so pupu amu ahon na ni; mbi tuku ala na ngonda tongana zende ti ndö ti lege.

Abia (Psaumes) 2:6

si lo tene: “Mbi wani laa mbi zia gbia ti mbi na ndö ti hoto ti *Sion, hoto ti mbi so ayeke nde si ayeke nzoni kue.”

Ésaïe 16:5

Tongaso, ndali ti nzoni be ti mo, fade mbata ti gbia ti *hale ti David ayeke kpengba. Lo yeke duti ti fâ ngbanga mbirimbiri, lo yeke sara ye na lege ti ndia, lo yeke nduru ti fâ ngbanga mbirimbiri.”

Ésaïe 43:10

Ala laa ayeke azo ti tenengo tënë ti ye so ala hinga na ndö ti mbi, so tënë ti yanga ti *KOTA GBIA laa; ala laa ayeke azo ti kua ti mbi so mbi soro ala. Mbi ye titene ala hinga mbi, ala zia be ti ala na ndö ti mbi si ala hinga biani so mbi yeke Nzapa. Kozo ti mbi, mbeni nzapa oko ayeke daa pepe, na peko ti mbi, mbeni nzapa oko ayeke duti daa pepe.

Ésaïe 43:12

Mbi laa mbi soo azo na kuâ, mbi laa mbi fa tënë ni, mbi sara si ala hinga tënë ni. Na ndo ti ala, a yeke wara mbeni nzapa nde pepe, gi mbi oko. Ala laa ayeke azo ti tenengo tënë ti ye so ala hinga na ndö ti mbi atene, mbi yeke Nzapa, so tënë ti yanga ti KOTA GBIA laa.

Jérémie 30:9

me ala yeke sara na mbi, KOTA GBIA Nzapa ti ala. Ala yeke sara nga na mbeni hale ti David, gbia so mbi yeke zia lo na ndö ti ala.”

Ezekiel 37:24

Zo ti kua ti mbi David laa ayeke le-gbia na ndö ti ala si wabatango ala kue ayeke duti gi oko. Fade ala yeke sara ye alingbi na aye so mbi fa nga na lege ti atënë ti ndia ti mbi si ala yeke sara ye alingbi na ni.

Ezekiel 37:25

Ala yeke duti na sese so mbi mu na zo ti kua ti mbi Jacob, sese so akotara ti ala aduti ando daa. Ala yeke duti daa kpu na kpu, ala na amolenge ti ala, na amolenge ti amolenge ti ala. Fade David, zo ti kua ti mbi ayeke duti makonzi ti ala lakue lakue.

Daniel 9:25

Alingbi mo hinga ye so si mo ma ya ni: mbeni lâ, a mu yanga titene azo akiri na kodro ti ala na peko ti so a gbu ala, a gue na ala na kodro wande; a mu nga yanga titene azo akiri aleke gbata ti Jérusalem. Ti londo na ngoi ni so ngbii asi na ngoi so a tuku mafuta na li ti mbeni zo titene a zia lo makonzi, ngoi mbarambara ti ngu mbarambara ayeke hon. Na pekoni, na ya ti mbeni ngoi baleomene na use ti ngu mbarambara, a yeke kiri ti leke gbata ni na agbagba ti bira ti gbata ni; me ayeke duti angoi ti ngangu.

Osée 3:5

Na pekoni, azo ti Israel ayeke kiri ti gi KOTA GBIA, Nzapa ti ala nga na David, gbia ti ala. Gbanda, fade ala yeke do na mbeto si ala yeke kiri na mbage ti KOTA GBIA ti wara anzoni ye ti lo.

Matthieu 2:6

‘Mo Betlehem, mo so mo yeke na sese ti Juda, mo yeke biani kete kodro pepe na popo ti akota kodro ti Juda, ngbanga ti so, na ya ti mo, fade mbeni gbia ayeke sigigi ti fa lege na azo ti Israel, azo ti Nzapa.’ ”

Jean 10:27

Ataba ti mbi ahinga go ti mbi; mbi hinga ala si ala yeke mu peko ti mbi.

Jean 10:3

Wabatango yanga ti gbagba ni azi yanga ni na lo, ataba ni ama go ti lo. Lo iri ataba ti lo na iri ti ala oko oko si lo sigigi na ala.

Jean 12:26

Zo so aye ti sara kua na mbi, alingbi lo mu peko ti mbi si ndo so mbi yeke daa, lo nga lo yeke daa. Fade Babâ ti mbi ayeke ne zo so ayeke sara kua na mbi.”

Jean 13:13

Ala yeke iri mbi ‘Wafango-ye’ wala ‘*Kota Gbia’, so lege ni laa, ngbanga ti so mbi yeke Wafango-ye si mbi yeke nga Kota Gbia biani.

Jean 18:37

Pilate ahunda lo, atene: “Ye ni, mo yeke gbia?” Jésus akiri tënë: “Gi tënë ni laa mo tene awe so: mbi yeke gbia. A du mbi si mbi ga na dunia so ti fa ye na ndö ti taa-tënë na azo. Zo so ayeke zo ti taa-tënë, fade lo yeke ma tënë ti mbi.”

Jean 3:16

Biani, Nzapa aye azo ti dunia so mingi si lo mu gi oko Molenge ti lo titene zo so ama na be na lo alingbi ti kui pepe, me lo yeke na fini so angba lakue lakue.

Efeze 5:24

Ndani laa, alingbi awali ama yanga ti akoli ti ala na ya ti aye kue, tongana ti so Eglize ayeke ma yanga ti Christ.

2 Tesalonike 1:8

lo yeke ga ande na ya ti menga ti wâ. Biani, azo so ahinga Nzapa pepe si ala ke Nzoni Tënë ti Kota Gbia ti e Jésus so, lo yeke kiri na peko ti sioni ti ala na ala.

1 Timothée 6:13

Mbi mu yanga na mo na le ti Nzapa so ayeke mu fini na aye kue nga na le ti Jésus Christ so atene pendere tënë ti mabe na le ti Ponse Pilate.

Ahebro 2:10

Nzapa asara ye kue, ye kue ayeke ndali ti lo. Lo ye ti mu azo mingi ti li na ala na ya ti gonda ti lo. Biani, alingbi fade lo sara titene Jésus aga nzoni kue na lege ti pasi so lo baa. Andaa Jésus ayeke mu lege na azo titene ala soo kuâ.

Ahebro 5:9

So lo sara aye so kue lo lingbi fade ti sara awe, Jésus aga zo ti songo azo so kue ayeke ma yanga ti lo si lo yeke sara titene ala duti na fini lakue lakue.

Aye so Nzapa afa 1:5

Ayeke nzoni Jésus Christ amu aye ni na ala, lo so lo yeke fa peko ti tënë mbirimbiri! Lo yeke kozo zo so lo zingo na kuâ, lo yeke nga Makonzi ti agbia ti sese. Jésus aye e si lo zi e na gbe ti ngbaa ti asiokpari ti e na lege ti mene ti lo.

Aye so Nzapa afa 3:14

“Su mbeti so, mo tokua na *ange so ayeke na li ti *Eglize ti gbata ti Laodise: “Lo so iri ti lo ayeke Amen, lo so lo yeke taa zo ti fango peko ti tënë na legeni mbirimbiri si lo yeke na tongo nda ti ye so kue Nzapa asara, lo tene: