Ésaïe 55:2 - Mbeti ti Nzapa - Tënë so amu fini

² Ndani nyen si ala yeke buba nginza ndali ti ye so ayeke kobe pepe so? Ndani nyen si ala yeke baa pasi ndali ti ye so ayeke si ya ti zo pepe so? Ala ma mbi nzoni, fade ala yeke duti na nzoni kobe ti tengo ni, ala yeke te anzerengo kobe.

Ésaïe 55:2 ပူးပေါင်းရင်းမြစ်များ

Abia (Psaumes) 22:26

KOTA GBIA, ndali ti mo, mbi lingbi ti gonda mo, mbi gonda mo na ya ti kota bongbi ti azo ti mo. Ye so mbi deba yanga ti mbi ti sarango ni, mbi yeke sara ni na le ti azo so akpe mbeto ti mo:

Abia (Psaumes) 34:11

Ye ayeke tia ka abamara tiango si nzara ayeke sara ka ala sarango. Me azo so ayeke gi KOTA GBIA, nzoni ye ayeke tia ala oko pepe.

Abia (Psaumes) 36:8

Nzapa, ndoye ti mo ayeke nzoni mingi, nzoni mingi! Azo ayeke kpe na mo ti bata tere ti ala na gbe ti maboko ti mo tongana ti so amolenge ti ndeke ayeke kpe ti bata tere ti ala na gbe ti *kpangi ti mama ti ala.

Abia (Psaumes) 63:5

Na lango ti fini ti mbi kue, fade mbi yeke mu singila na mo, mbi yeke yoro maboko na nduzu ti gonda iri ti mo.

Sigingo 15:26

Lo tene na ala, lo tene: “Tongana ala ma tënë ti mbi KOTA GBIA, Nzapa ti ala nzoni, tongana ala sara ye so ayeke mbirimbiri na le ti mbi, tongana ala dingi mê ti ala ti ma atënë ti yanga ti mbi, tongana ala sara ye alingbi na ambela ti mbi kue, fade mbi yeke zia mbeni kobela oko na tere ti ala pepe; kobela so lani mbi zia na tere ti azo ti Ezipte so. Biani, mbi KOTA GBIA laa mbi yeke kai kobela ti ala.”

Amato 1:33

Me zo so ama mbi, mbeni ye ti sioni ayeke si na lo pepe, lo yeke duti kpoo, mbeto ti sioni ye ayeke sara lo oko pepe.”

Amato 7:23

ngbii mbeni le ti kokora akoro be ti lo. Lo ga tongana ndeke so ahuru ti ti na ya ti gbanda, me lo hinga ni pepe.

Amato 8:32

“Fadeso amolenge ti mbi, ala ma mbi si! Ti ala nzoni, azo so ayeke sara ye alingbi na atënë ti mbi!

Amato 9:5

“Ala ga, ala te kobe ti mbi, ala nyon vin so mbi leke ni awe so!

Zo ti bongbingo azo 6:2

Nzapa amu na mbeni zo mosoro, na aye mingi, azo ayeke ne lo, aye so kue lo sara nzara ni, lo wara ni. Me Nzapa azia lege na lo ti te ye ni pepe, mbeni zo nde laa ayeke te ni. Ye so nga ayeke gi senge senge; so ayeke sioni ye mingi.

Ésaïe 1:19

Tongana ala yeda si ala ma tënë ti mbi, fade ala yeke te anzoni kobe ti kodro ni.

Ésaïe 10:27

Na lango ni so, kungba so ayeke na ndö ti go ti ala, azo ti mbi, ayeke zi; *zuge so ane na go ti ala ayeke fâ ndali ti konongo ti ala.

Ésaïe 25:6

Na ndö ti hoto ti *Sion, *KOTA GBIA so ayeke na ndö ti dunia kue ayeke leke matanga ndali ti azo kue, matanga ti nyama ti mafuta na ti vin ti nzoni ni, ti nyama ti mafuta so awoko pendere na vin so ayeke nzoni mingi.

Ésaïe 44:20

Azo ni so amu tere ti ala gi na senge mburu ti wâ; gbungo-li ti ala ti kirikiri asara si ala girisa lege. Nzapa ti ala ni alingbi ti zi ala pepe. Me azo ni wani ayeke tene pepe: “Ye so ayeke na ya ti maboko ti mbi so, ayeke gi ye ti mvene.”

Ésaïe 46:6

Ambeni zo ayeke sigigi na lôro ti bozo ti ala kue, ala yeke haka wen ti nginza na kilo, ala yeke futa mbeni wakode-kua ti kporo lôro ti sara na mbeni nzapa. Na pekoni, ala yeke kuku na gbe ti lo ti voro lo.

Ésaïe 51:1

*KOTA GBIA atene: “Ala so ayeke gi titene a soo ala, ala so ayeke gi mbi, ala ma mbi si! Ala baa kota têne so a de tere ni si a sara na ala; ala gbu li ti ala na ndö ti du ti têne so a gboto ala na ya ni si a sigigi na ala.

Ésaïe 51:4

KOTA GBIA atene: “Ala azo ti mbi, ala ma mbi nzoni! Ala azo ti mara ti mbi, ala zi mê ti ala, ala ma mbi! Mbi laa mbi yeke mu ndia na azo, fango ngbanga so mbi yeke sigigi na ni ayeke ga lumiere ndali ti azo.

Ésaïe 51:7

Ala so ahinga ye so ayeke mbirimbiri, ala so ndia ti mbi ayeke na be ti ala, ala ma mbi! Tongana azo ahe ala, ala sara mbeto ni pepe, be ti ala ado ndali ti zonga ti ala pepe.

Ésaïe 62:8

KOTA GBIA adeba, atene: “Na lege ti maboko ti mbi ti koli nga na ngangu ti mbi, mbi yeke kiri ti zia lege na awato ti mo pepe titene ala te ale ti *ble ti mo. Vin ti mo so mo baa pasi ndali ni so, fade awande ayeke kiri ti nyon ni pepe.

Ésaïe 62:9

Me azo so ayeke fâ ale ti ble ni, ala yeke te ni si ala he bia ti sepela KOTA GBIA. Azo so ayeke fâ ale ti vinye, ala yeke nyon vin ni na ya ti gbagba ti kota da ti mbi so ayeke nde si ayeke nzoni kue.”

Ésaïe 65:23

Ala yeke kiri ti baa pasi senge senge pepe, ala yeke kiri ti du amolenge pepe titene amolenge ni akui kuingo. Biani, ala yeke asewa so KOTA GBIA asara tufa na ndö ti ala, ala na amolenge ti ala.

Jérémie 12:13

Ala lu *ble, me ala wara akeke ti ki. Ala baa pasi senge senge, ye ti peko ni ayeke daa oko pepe. Aye so ala wara so aga ye ti kamene na ala ndali ti ngonzo ti wâ ti KOTA GBIA.

Jérémie 17:24

‘Me ti ala, ala ma mbi nzoni; so tënë ti yanga ti KOTA GBIA laa. Na lango ti wungo tere, alingbi ala hon na akungba na ayanga ti gbagba ti gbata so pepe. Ala bata lango ni so nde ndali ti mbi, ala sara nga mbeni kua na lango ni so pepe.

Jérémie 2:13

Azo ti mbi asara asioni ye use: ala do mbi azia, mbi so mbi yeke li ti ngu so ayeke mu fini na zo; ala gue ti zi du ti ngu ndali ti ala wani; andaa du ti ngu ni akoro korongo; du ni alingbi ti bata ngu pepe.”

Jérémie 31:14

Mbi yeke mu na awayango-sandaga gba ti kasa ti mafuta, mbi yeke sara si aye ti nzoni asi singo na azo ti mbi; so tënë ti yanga ti KOTA GBIA laa.

Osée 12:1

KOTA GBIA atene: “Azo ti Efraim angoro mbi na tënë ti mvene, azo ti Israel angoro mbi na tënë ti handango ndo. Azo ti Juda angba ti tambula na Nzapa, me ala ngba ti sara na anzapa nde.”

Osée 8:7

So ala yeke gi kete pupu, fade ala yeke wara kota pupu ti ngu-Nzapa. Mbeni *mato atene: “Tongana *ble ale pepe, zo ayeke wara farini pepe”. Ataa ble ni ale kete, awande laa ayeke te ni kue.

Habakuk 2:13

Ndani laa, kua so amara asara ayeke hunzi na le ti wâ, azo ayeke baa pasi na kua senge senge. Aye so kue alondo na KOTA GBIA pepe? Lo so lo yeke na ndö ti dunia kue so.

Matthieu 15:9

Vorongo so ala yeke voro mbi so, ayeke gi senge senge, ngbanga ti so ala yeke fa gi andia so azo laa asigigi na ni.’ ”

Matthieu 22:4

Lo kiri lo tokua ambeni zo ti kua ti tene na azo ni, atene: ‘Mbi leke aye ti matanga ni awe, mbi fâ abagara ti mafuta, mbi leke ye kue awe. Ala ga na matanga ni fadeso!’

Matthieu 5:6

Ti ala nzoni, ala so nzara ti sarango ye ti mbirimbiri ayeke sara ala tongana ti so nzara ti kobe na ti ngu ayeke sara zo, ngbanga ti so Nzapa ayeke mu ande na ala ye so be ti ala aye!

Marc 7:14

Na pekoni, Jésus airi gba ti azo ni si lo tene na ala: “Ala ma mbi nzoni si ala ma ya ti tënë so nzoni:

Nzoni Tënë so Luc asu na mbeti 15:23

Ala mu bagara ti mafuta afâ lo, e te, e sara matanga,

Jean 6:27

Ayeke nzoni ala sara kua ndali ti kobe so ayeke buba pepe, me ndali ti kobe so ayeke ngba si ayeke mu na zo fini so angba lakue lakue. *Molenge ti Zo laa ayeke mu ande na ala kobe ni so, ngbanga ti so Babâ, lo so lo yeke Nzapa wani laa amu na lo ngangu ni.”

Rome 10:17

Tongaso, mabe aga na lege ti mango tënë, mango tënë aga na lege ti fango tënë ti Christ.

Rome 9:31

Me azo ti Israel so ayeke gi ando ti ga mbirimbiri na le ti Nzapa na lege ti *Ndia, ala girisa lege ti ye so Ndia afa tënë ni so awe.

Ndia ti fani use ni 11:13

Tongana ala sara ye alingbi na atënë ti yanga ti KOTA GBIA so mbi yeke fa na ala laso, tongana ala ye KOTA GBIA Nzapa ti ala si ala sara na lo na be ti ala kue, na yingo ti ala kue,

Ahebro 13:9

Ala zia lege na ambeni zo pepe ti handa ala na lege ti afango ye ti kirikiri nde nde. Titene be ti zo awara ngangu na lege ti nzoni ye so Nzapa asara, so laa ayeke nzoni, me na lege ti kobe pepe; azo so ayeke bata andia ti kobe, ala wara nzoni ye na peko ni pepe.