Ésaïe 55:11 - Mbeti ti Nzapa - Tënë so amu fini

¹¹ Tënë so ayeke sigigi na yanga ti mbi ayeke legeoko tongaso: tënë ni ayeke kiri na mbi senge pepe, tënë ni ayeke sara ye so mbi ye, tënë ni ayeke sara kua so mbi tokua lo ti sara.”

Ésaïe 55:11 ပူးပေါင်းရင်းမြစ်များ

Ésaïe 40:8

Pere ayeke hole, kongo ayeke ti, me tënë ti Nzapa ti e ayeke ngba kpu na kpu.”

Ésaïe 45:23

Mbi deba na iri ti mbi wani, tënë so asigigi na yanga ti mbi ayeke taa-tënë; mbi yeke sanze ye oko daa pepe: fade azo ayeke kuku na gbe ti mbi, azo kue ayeke deba yanga ti ala na iri ti mbi.

Ésaïe 46:10

Aye so ayeke si ande, mbi fa tënë ni gi na tongo nda ni. Ye so ade ti si pepe, mbi tene tënë ni ngbene ye aninga awe. Mbi tene: “Pialo ti mbi ayeke si alingbi na ni. Ye so kue mbi ye ti sara, mbi yeke sara ni.”

Ésaïe 53:10

Me KOTA GBIA ayeda ti nika lo na lege ti pasi. Zo so lani amu fini ti lo na *sandaga ndali ti azo, KOTA GBIA akiri na lo na kozo ndo ti lo. Fade zo ti kua ti lo ayeke baa *ahale ti lo si lo yeke kiri ti te gigi aninga. Na lege ti lo, KOTA GBIA ayeke sara ye so be ti lo aye.

Ésaïe 54:9

“Mbi yeke sara ye tongana ti so mbi sara ando na ngoi ti Noe. Ando, mbi deba yanga ti mbi, mbi tene, fade ngu ayeke kiri ti suku ti mu ndö ti sese kue pepe. Legeoko nga, mbi deba yanga ti mbi, mbi tene, fade mbi yeke kiri ti sara ngonzo na tere ti mo pepe, mbi yeke kiri ti suku na mo pepe.

Ésaïe 59:21

KOTA GBIA atene: “Tënë ti *mbuki so mbi na ala e yeke sara laa: yingo ti mbi ayeke duti na ndö ti ala, mbi yeke zia tënë ti mbi na yanga ti ala; tënë ni ayeke hon yongoro na yanga ti ala pepe, na yanga ti amolenge ti ala pepe, na yanga ti amolenge ti amolenge ti ala pepe, ti londo fadeso ti gue na ni, kpu na kpu. Tënë so mbi KOTA GBIA, mbi tene laa.”

Jérémie 1:11

Tënë ti KOTA GBIA asi na mbi, atene: “Jérémie, nyen laa mo baa, nyen?” Mbi kiri tënë: “Mbi baa maboko ti keke ti amande.”

Jérémie 1:12

KOTA GBIA atene na mbi: “Mo baa ye ni nzoni! Fade le ti mbi ayeke kpengba na ndö ti tënë ti mbi, ti sara si aga taa-tënë.”

Jérémie 1:13

Tënë ti KOTA GBIA akiri asi na mbi ti fani use ni, atene: “Nyen laa mo baa, nyen?” Mbi kiri tënë: “Mbi baa kota tawa so ye ayeke kporo na ya ni; tawa ni ayeke na mbage ti Banga si adingi na mbage ti mbi.”

Jérémie 23:20

Ngonzo ti KOTA GBIA ayeke kai ande pepe ngbii ye so lo leke na be ti lo ti sara, lo sara ni kue si. Gbanda si ala yeke ma ya ti tënë so nzoni.

Jérémie 25:13

Akpale so kue mbi tene tënë ni si a su tënë ni na ya ti buku so, fade mbi yeke sara si akpale ni ati na ndö ti kodro so. Jérémie atene tënë ni na peko ti yanga ti mbi na tere ti amara so kue awe.

Ezekiel 24:14

Mbi KOTA GBIA, mbi tene tënë awe. Ye so kue ayeke si; mbi yeke sara ye ni. Mbi yeke zia ni ahon senge pepe; mbi yeke baa mawa ti ye oko pepe, be ti mbi ayeke so oko pepe. A yeke fâ ngbanga na li ti mo alingbi na lege ti dutingo ti mo nga na asarango ye ti mo. So tënë ti yanga ti Kota Gbia NZAPA laa.”

Amos 6:11

Biani, KOTA GBIA amu gi yanga: akota da ayeke tuku na sese gburrr; ataa akete da ayeke suru kirikiri.

Zakarii 1:6

Me atënë ti mbi na ambela ti mbi so mbi zia na yanga ti awayanga-Nzapa, azo ti kua ti mbi, ti tene na ala so, atënë ni andu akotara ti ala. Nilaa, akotara ti ala akiri na mbage ti mbi si ala yeda, atene: ‘KOTA GBIA so ayeke na ndö ti dunia kue aleke lani na be ti lo ti sara ye na e alingbi na lege ti dutingo ti e nga na asarango ye ti e. Ye so lo sara na e laa.’ ”

Wungo ti azo 23:19

Nzapa ayeke zo pepe titene lo tene mvene, lo yeke senge zo ti sese pepe ti duti na yanga use use. Tënë so lo tene, fade lo yeke sara ni pepe? Tënë so lo tene, fade lo yeke sara ye ti peko ni pepe?

Matthieu 24:35

Fade yayu na sese ayeke hon, me atënë ti mbi ayeke hon oko pepe.”

Jean 6:63

Yingo ti Nzapa laa ayeke mu fini na zo; zo alingbi ti wara fini na ngangu ti lo wani pepe. Atënë so mbi tene na ala ayeke tënë ti Yingo na tënë ti fini.

Rome 10:17

Tongaso, mabe aga na lege ti mango tënë, mango tënë aga na lege ti fango tënë ti Christ.

1 Korente 1:18

Biani, tënë ti keke ti kroa so e yeke fa ayeke buba tënë na le ti azo so ayeke mu lege ti kuâ; me ti e so e yeke soo kuâ, tënë ni ayeke ngangu ti Nzapa.

Ndia ti fani use ni 32:2

Ayeke nzoni atënë so mbi yeke fa asua tongana ngu-Nzapa, ayeke nzoni atënë ti mbi ni atuku tongana ngu ti pere na ndö ti pere.

1 Tesalonike 2:13

Ndani laa, e nga, e yeke mu singila na Nzapa lakue ndali ti ye so: na ndembe so e fa lani na ala tënë ti Nzapa, ala ma ni si ala yamba ni tongana tënë ti zo pepe, me tongana tënë ti Nzapa biani: tënë ni ayeke tënë ti Nzapa so ayeke sara kua na be ti ala so ama na be.

Ahebro 6:7

E mu tapande ti yaka: tongana ngu apika fani mingi na ndö ti sese si sese ni asara titene anzoni le ti kobe asigigi ndali ti azo so alu ye daa, andaa Nzapa asara tufa na ndö ti sese ni awe.

Jacques 1:18

Tongana ti so be ti lo wani aye, lo mu na e fini na lege ti tënë ti lo so ayeke taa-tënë, tongaso si e ga tongana akozo zo ti lo na popo ti aye so kue lo sara.

1 Pierre 1:23

Biani, a kiri a du ala mbeni awe; zo so ayeke kui kuingo laa akiri adu ala pepe, me tënë ti Nzapa. Tënë ni ayeke na fini, ayeke kui pepe si ayeke ngba lakue lakue.

1 Samuel 3:19

Samuel angba ti kono. KOTA GBIA ayeke na lo. Tongaso, atënë ti KOTA GBIA so kue Samuel atene, peko ni angba senge pepe.