Ésaïe 55:1 - Mbeti ti Nzapa - Tënë so amu fini

¹ Ala so kue nzara ti ngu asara ala, baa ngu laa, ala ga! Ataa ala yeke na nginza pepe, ala ga! Ala mu kobe, ala te; ala mu vin, ala mu ngu ti me ti bagara senge senge, ala yeke vo ni vongo pepe.

Ésaïe 55:1 ပူးပေါင်းရင်းမြစ်များ

Abia (Psaumes) 143:6

Mbi yoro maboko ti mbi na mbage ti mo, mbi laa na dawa ti mo tongana sese so aye ngu. Luti kete

Abia (Psaumes) 63:1

Bia ti David. Lo he ni na ndembe so lo yeke na benyama ti Juda.

Amato 8:4

“Ala azo laa, mbi yeke iri ala; mbi yeke tene tënë so na ala kue.

Amato 9:1

Ndara aleke *angbongboro yongoro gere ti da mbarambara; lo sara da ti lo awe.

Amato 9:5

“Ala ga, ala te kobe ti mbi, ala nyon vin so mbi leke ni awe so!

B. ti abia 1:2

Su yanga ti mbi, su yanga ti mbi ma! Yengo so mo ye na mbi anzere ahon vin,

B. ti abia 1:4

Gbu maboko ti mbi, e kpe loro. Gbia ti mbi, gue na mbi na ya ti kubu ti mo, e sara si tere ti e anzere, e sara si e duti na ngia ndali ti mo. Ngia so mo sara na tere ti mbi so, e gonda ni ahon vin. Taa-tënë, amaseka-wali aye mo na legeni.

B. ti abia 5:1

Ita ti mbi ti wali, mo so mo yeke ga wali ti mbi so, mbi yeke li na yaka ti mbi, mbi yeke ko *mire ti mbi nga na yombo ti mbi, mbi yeke te da ti wotoro ti mbi, mbi yeke su mafuta ti wotoro ti mbi; mbi yeke nyon vin ti mbi, na ngu ti me ti mbi. A-ita, ala te ye, ala nyon ye, ala sule ndali ti yengo tere.

Ésaïe 1:19

Tongana ala yeda si ala ma tënë ti mbi, fade ala yeke te anzoni kobe ti kodro ni.

Ésaïe 44:3

Biani, fade mbi yeke tuku ngu na ndö ti sese so ayeke na nzara ti ngu, mbi yeke sara titene akete ngu asua na ndö ti holengo sese. Mbi yeke tokua yingo ti mbi na ndö ti amolenge ti mo si mbi yeke sara tufa na ndö ti *ahale ti mo.

Ésaïe 52:3

Biani, tënë so *KOTA GBIA atene ayeke so: “Lani so a ka ala tongana angbaa, a futa mbeni ye pepe; fade a yeke futa nginza nga pepe ti zi ala.”

Abia ti demango tere 5:4

Titene e nyon ngu ti du-ngu ti e wani, e kiri e yeke vo ni vongo na nginza. Titene e wara akeke ti wâ ti e wani, e kiri e yeke futa mbeni nginza si.

Ezekiel 47:1

Koli ni amu mbi, akiri na mbi na yanga ti kota da ti Nzapa ni. Mbi baa ngu ayeke sigigi na gbe ti yanga ti kota da ni na mbage ti To, ngbanga ti so dawa ti kota da ni ayeke na mbage ti To. Ngu ni ayeke sua na mbage ti maboko ti koli ti da ni si ayeke hon na mbage ti Mbongo ti gbalaka.

Ezekiel 47:9

Na ndo so kue ngu ni ayeke si daa, anyama so kue ayeke duti na fini awu. Fade asusu kue ayeke ga gbani gbani. Biani, ngu ni ayeke si kâ si ngu ti kota ngu-ingo ni ayeke ga nzoni; na ndo so kue ngu ni asi daa, aye so kue ayeke na fini awu.

Osée 14:4

Asirii alingbi ti soo e na kuâ pepe. Fade e yeke kiri ti ko na ndö ti mbarata ti bira pepe; ayanda so e sara na maboko ti e so, e yeke kiri ti iri ala ‘Nzapa ti e’ pepe. Gi mo Nzapa oko laa, mo yeke baa mawa ti nyindu.”

Zakarii 10:7

Azo ti mara ti Efraim ayeke duti na ngangu tongana angangu zo ti bira; be ti ala ayeke si singo na ngia tongana ti zo so anyon vin. Na bango ala, tere ti amolenge ti ala ayeke nzere si ala yeke dodo na ngia ndali ti KOTA GBIA.

Zakarii 2:6

Mbi hunda lo, mbi tene: “Mo yeke gue na ndo wa?” Lo kiri tënë na mbi, lo tene: “Mbi yeke gue ti haka gbata ti Jérusalem, ti hinga yongoro ni na nduru ni.”

Zakarii 9:15

Fade KOTA GBIA so ayeke na ndö ti dunia kue ayeke bata azo ti lo. Azo ti lo ni ayeke kinda awato ti ala tongana ti so zo ayeke zia têne na ya ti *mvingi ti bi ni; ala yeke nyon mene ti awato ti ala tongana ti so zo ayeke nyon vin; mene ni ayeke si ya ti ala tongana mene ti anyama so a tuku na ya ti kopo si a yeke fi na ndö ti adidi osio ti gbalaka.

Matthieu 10:8

Ala kai kobela na tere ti azo, ala zingo akuâ, ala sara si tere ti azo ti buruma aga nzoni, ala tumba asioni yingo. Nzapa amu ye na ala senge senge, ala mu nga ye na azo senge senge.

Matthieu 13:44

“*Kodro-gbia ti yayu ayeke tongana mosoro so a honde ni na ya ti yaka. Mbeni zo awara ni si akiri ahonde ni. Be ti lo anzere mingi si lo gue, lo ka aye so kue lo yeke na ni si lo vo yaka so.

Matthieu 26:29

Mbi tene na ala: fade mbi yeke kiri ti nyon ngu ti le ti *vinye pepe, ngbii asi na lango so fade mbi na ala, e yeke nyon fini vin na ya ti *Kodro-gbia ti Nzapa, Babâ ti mbi.”

Matthieu 5:6

Ti ala nzoni, ala so nzara ti sarango ye ti mbirimbiri ayeke sara ala tongana ti so nzara ti kobe na ti ngu ayeke sara zo, ngbanga ti so Nzapa ayeke mu ande na ala ye so be ti ala aye!

Awatokua 8:20

Me Pierre akiri tënë na lo, atene: “Mo na nginza ti mo ni kue, ala gue na le ti wâ, ngbanga ti so nzoni ye so Nzapa ayeke mu na zo senge so, mo baa ti mo, mo tene, zo ayeke vo ni vongo na nginza!

Rome 3:24

Me na lege ti nzoni be ti Nzapa, lo sara si azo aga mbirimbiri gi senge senge na lege ti Jésus Christ so azi ala na ya ti siokpari.

1 Korente 3:2

Ngu ti me laa mbi mu na ala ti nyon, mbi mu na ala kpengbango kobe pepe, ngbanga ti so ala lingbi ti te ni pepe. Ataa fadeso, ala lingbi nga ti te ni pepe,

1 Pierre 2:2

Ala duti tongana akete molenge so a du ala fafadeso: alingbi nzara ti tënë ti Nzapa asara ala tongana ti so nzara ti nyongo me ayeke sara kete molenge; tënë ti Nzapa so sioni ye oko ayeke daa pepe. Tongaso, na lege ni, fade ala yeke ga kota si ala soo kuâ.

Aye so Nzapa afa 21:6

Lo kiri lo tene na mbi: “Awe! Mbi yeke *Alfa na *Omega, mbi yeke tongo nda ti aye kue si mbi yeke nga kongo nda ti aye kue. Zo so nzara ti ngu asara lo, fade mbi yeke mu na lo ngu senge senge, ngu ti li ti ngu so ayeke mu fini na zo.

Aye so Nzapa afa 22:1

Na pekoni, *ange ni afa na mbi kota *bale so ayeke mu fini na zo; zo ayeke baa ndo na ya ti bale ni kue. Ngu ni alondo na mbage ti mbata ti Gbia Nzapa na ti Molenge ti Taba si ayeke sigigi.

Aye so Nzapa afa 22:17

Yingo-Vuru na wali so amu koli na fini ni atene: “Ga!” Ayeke nzoni zo so ama tënë so, atene: “Ga!” Zo so nzara ti ngu asara lo, ayeke nzoni lo ga. Zo so ayeda, ayeke nzoni lo mu ngu senge senge lo nyon, ngu so ayeke mu fini na zo.

Aye so Nzapa afa 3:18

Ndani laa mbi yeke mu wango na mo titene mo vo lôro so a kporo ni na wâ si a zi asioni ye kue daa so; vo ni na maboko ti mbi si mo ga zo ti mosoro. Vo nga abongo na maboko ti mbi titene mo yu si azo abaa tere ti mo so ayeke senge so pepe. Vo yoro ti le na maboko ti mbi, mo zia na le ti mo si mo kiri mo baa ndo nzoni.

Ruth 4:1

Booz ague, aduti na yanga ti kodro ni, na ndo so azo ayeke leke ka tënë daa. Andaa zo ti sewa ti Elimelek ayeke hon, lo so lo lingbi fade ti mu Ruth ti bata lo, lo so lani Booz atene tënë ti lo na Ruth so. Booz airi lo, atene: “Koli, ga, mo duti ge.” Koli ni aga si aduti.