Ésaïe 54:7 - Mbeti ti Nzapa - Tënë so amu fini

⁷ Gi na ya ti kete ngoi, mbi zia mo lani; me mbi baa mawa ti mo mingi, mbi yeke kiri ti mu mo.

Ésaïe 54:7 ပူးပေါင်းရင်းမြစ်များ

Abia (Psaumes) 106:47

KOTA GBIA Nzapa ti e, mo soo e maa! Zi e na popo ti amara nde, mo bongbi e na ndo oko, tongaso fade e yeke sepela iri ti mo so ayeke nde si ayeke nzoni kue. Fade e yeke pika kate ti e, ngbanga ti so e yeke sepela mo.

Abia (Psaumes) 107:3

Ala so lo mu ala na ya ti akodro kue ti To na ti Do, ti Banga na ti Mbongo si lo bongbi ala na ndo oko so, ayeke nzoni ala tene tongaso.

Abia (Psaumes) 30:5

Ala azo ti KOTA GBIA, ala he bia ti gonda na lo; ala sepela lo, ala dabe ti ala so lo yeke nde si lo yeke nzoni kue.

Abia (Psaumes) 30:6

Ngonzo ti lo ayeke ninga gi kete, me lo yeke sara nzoni be na zo na lango ti fini ti zo ni kue. Na lakui, azo angba ti toto, me na ndaperere, ala yeke dekongo na ngia.

Ésaïe 11:11

Na lango ni so, *KOTA GBIA ayeke yoro maboko ti lo ti fani use ti zi tanga ti azo ti lo ti kiri na ala na kodro ti ala: azo ti lo so angba na fini na sese ti Asirii, ti Ezipte, ti Patros, ti Kush, ti Elam, ti Shinear nga na ti Hamat na ala so ayeke na ya ti azoa so ayeke na le ti kota ngu-ingo.

Ésaïe 11:12

Fade lo yeke yo bendere na nduzu ndali ti azo ti amara nde, lo yeke bongbi azo ti Israel so a gbu ala a gue na ala na kodro wande, lo yeke bongbi na ndo oko azo ti Juda so akangbi na ndangoro osio ti sese kue.

Ésaïe 12:1

Na lango ni so, fade mo yeke tene: “*KOTA GBIA, mbi mu na mo singila, ngbanga ti so mo sara lani ngonzo na tere ti mbi, me ngonzo ni ade awe, mo de be ti mbi awe.

Ésaïe 14:1

Biani, fade *KOTA GBIA ayeke baa mawa ti Jacob; lo yeke kiri ti soro Israel. Lo yeke zia azo ti Israel ti duti na kodro ti ala wani. Awande ayeke bongbi oko na ala si ala kue ayeke ga azo ti Jacob.

Ésaïe 26:20

Azo ti mbi, ala gue na da ti ala, ala kanga yanga ti da ni na li ti ala. Ala honde tere ti ala na ya ti kete ngoi ngbii ngonzo ti KOTA GBIA ahon si.

Ésaïe 27:12

Na lango ni so, *KOTA GBIA ayeke pika ale ti kobe titene ale ni asigigi, ti londo na *bale ti Efrate ngbii asi na ngu ti Ezipte. Ti ala azo ti Israel, lo yeke ro ala oko na oko tongana ti so a yeke ro ale ti kobe.

Ésaïe 27:8

Ên-en! Me lo fâ ngbanga na li ti ala, lo tumba ala, ala gue na kodro wande. Na lege ti ngangu pupu ti yanga ti lo, na mbeni lango ti pupu ti To, lo tumba ala.

Ésaïe 40:11

Tongana wabatango-taba, lo yeke gue na ataba ti lo na ndo ti tengo pere, lo yeke sara maboko ti lo ti bongbi ala; lo yeke yo akete taba ni na ya ti maboko ti lo, lo yeke gue yeke-yeke na ataba so ayeke mu me na amolenge ti ala.”

Ésaïe 49:13

Yayu, he bia na ngia! Sese, dodo na ngia! Ahoto, ala dekongo na ngia! Biani, KOTA GBIA asara si be ti azo ti lo akiri ade, lo baa mawa ti azo so ayeke baa pasi.

Ésaïe 49:18

Yo le ti mo na nduzu, mo baa ndo na tere ti mo: amolenge ti mo kue abongbi, ala yeke ga na mbage ti mo. KOTA GBIA atene: Fini ti mbi! Amolenge ni ayeke ga ande tongana ye ti go so zo ayeke zia na go ti lo; ala yeke ga tongana pendere kamba ti ndö ti bongo so wali so aye ti mu koli ayeke kanga na ya ti lo.

Ésaïe 49:21

Tongaso, fade mo yeke hunda tere ti mo, mo tene: ‘Amolenge so kue so, zo wa laa adu ala na mbi, zo wa? A gbanzi mbi lani na amolenge, mbi yeke wali ti dungo ni pepe, a gbu mbi lani, a gue na mbi na kodro wande, a zia gi mbi oko. Zo wa laa abata ala so, zo wa? Mbi ngba lani gi mbi oko, amolenge so, ala yeke lani na ndo wa?’ ”

Ésaïe 50:1

Tënë so *KOTA GBIA atene ayeke so: “Ala tene: mbi tumba Jérusalem, mama ti ala. Me mbeti ti kangbingo tere ni ayeke na ndo wa? Ala fa ni na mbi! Ala tene nga: mbi ka ala na ngbaa ti futa boon na li ti mbi; zo wa laa mbi ka ala na lo, zo wa? Tongana a ka ala, ayeke ndali ti sioni ti ala; tongana a tumba mama ti ala, ayeke ndali ti ngangu li ti ala.

Ésaïe 56:8

Kota Gbia NZAPA so abongbi azo ti Israel so a gbu ala ando a gue na ala na kodro wande, tënë so lo tene ayeke so: “Mbi bongbi azo na tere ti ala awe, mbi yeke kiri ti bongbi ambeni zo na tere ti ala.”

Ésaïe 60:10

Jérusalem, fade awande ayeke kiri ti leke gbagba ti bira ti mo, agbia ti ala ayeke sara kua na mo. Lani ngonzo agbu mbi sioni si mbi pika mo, me fadeso, na lege ti nzoni be ti mbi, mbi yeke baa mawa ti mo.

Ésaïe 60:4

Mo yo le ti mo na nduzu, mo baa ndo na tere ti mo: azo kue abongbi si ala yeke ga na mbage ti mo. Amolenge ti mo ti koli alondo yongoro si ala yeke ga; a yo amolenge ti mo ti wali na ya ti maboko si a yeke ga na ala.

Ésaïe 62:4

Azo ayeke kiri ti iri mo pepe, “Gbata so azo ado azia”, azo ayeke kiri ti di iri ti kodro ti mo pepe, “Sese so aga ngonda awe”. Me azo ayeke di iri ti mo, “Wali so mbi yeke wara ngia na lege ti lo”, azo ayeke di iri ti sese ti mo, “Wali ti koli”. Biani, fade KOTA GBIA ayeke wara ngia na lege ti mo si sese ti mo ayeke ga wali ti koli.

Ésaïe 63:7

Fade mbi yeke dabe ti azo na nzoni be ti *KOTA GBIA, mbi yeke fa nda ni so azo alingbi ti sepela lo: anzoni ye so kue lo sara na e, akota nzoni ye so lo sara na azo ti Israel, aye so kue lo sara na lege ti ndoye, na lege ti kota nzoni be ti lo.

Ésaïe 66:18

*KOTA GBIA atene: “Mbi hinga ye so ala yeke sara nga na tënë ti be ti ala. Lango ni alingbi awe ti bongbi amara kue na azo ti ayanga ti kodro kue. Ala yeke ga ti baa gonda ti mbi.

Jérémie 51:5

Biani, kodro ti ala asi singo na sioni so ala sara ti ke Nzapa ti Israel, lo so lo yeke nde si lo yeke nzoni kue. – Me Nzapa, KOTA GBIA so ayeke na ndö ti dunia kue, ado Israel na Juda azia ala pepe titene ala ga tongana wali-mua. –

Abia ti demango tere 3:31

Biani, KOTA GBIA ayeke ke zo biani biani pepe.

Abia ti demango tere 3:32

Tongana lo zia vundu na be ti zo, fade lo yeke baa mawa ti zo ni, ngbanga ti so ndoye ti lo ayeke kota.

Ezekiel 36:24

“Fade mbi yeke zi ala na popo ti amara nde, mbi yeke mu ala na sese nde nde, mbi yeke bongbi ala si mbi yeke kiri na ala na sese ti ala.

Mishe 4:6

So tënë ti yanga ti *KOTA GBIA laa: “Na lango ni so, fade mbi yeke bongbi azo so gere ti ala abuba, mbi yeke bongbi ala so a gbu ala si ague na ala na kodro wande, ala so mbi sara ngangu na ala.

Matthieu 23:37

“Jérusalem! Jérusalem! Mo so mo yeke fâ awayanga-Nzapa; azo so Nzapa atokua ala na mo, mo bo ala na têne ti fâ ala. Lege mingi, mbi ye fade ti bongbi azo ti mo na gbe ti mbi tongana ti so mama ti kondo ayeke bongbi amolenge ti lo na gbe ti maboko ti lo, me mo yeda pepe!

2 Korente 4:17

Pasi so e yeke baa fadeso ayeke gi ndali ti kete ngoi. Pasi ni ayeke leke e ndali ti kota gonda so ayeke ngba lakue lakue si ayeke kota ahon ndoni.

Efeze 1:10

Lo leke na be ti lo titene, tongana lango ni alingbi awe, lo yeke bongbi ye kue ti yayu na ti sese na gbe ti makonzi oko so ayeke Christ.

Ndia ti fani use ni 30:3

Tongaso, fade KOTA GBIA ayeke sara titene dutingo ti ala aga nde na ti kozoni, lo yeke baa mawa ti ala si lo yeke zi ala na popo ti amara so kue lo kangbi ala lani daa ti kiri ti bongbi ala na ndo oko.

Jacques 4:6

Me Nzapa akiri asara na e nzoni be mingi ahon ti so. Biani, Mbeti ti Nzapa atene: “Nzapa ake tënë ti azo ti baba, me lo yeke sara nzoni be na azo so asara tere ti ala kete.”

2 Pierre 3:8

A-ita ti mbi so mbi ye ala mingi, mbeni tënë ayeke daa so alingbi ala girisa ni pepe: na le ti Kota Gbia, lango oko ayeke tongana ngu saki oko si ngu saki oko ayeke tongana lango oko.