Ésaïe 54:3 - Mbeti ti Nzapa - Tënë so amu fini

³ Biani, mo yeke sara si sese ti mo akono mbage na mbage kue; amolenge ti mo ayeke mu sese ti amara so ayeke nduru na ala ti ga ti ala; agbata so azo ayeke na ya ni pepe, amolenge ti mo ayeke kiri ti duti na ya ni.

Ésaïe 54:3 ပူးပေါင်းရင်းမြစ်များ

Tongo nda ti aye 26:22

Lo londo na ndo so, lo gue, lo zi mbeni du ti ngu ni nde. Ti so papa alondo ndali ni pepe. Lo di iri ti du ti ngu ni Rehobot. Lo tene na be ti lo, lo tene: “Fadeso KOTA GBIA amu na e kota ndo. Aye ti e kue ayeke gue na legeni na ya ti kodro ni.”

Tongo nda ti aye 28:14

Fade ahale ti mo ayeke wu mingi tongana fuku ti sese. Ala yeke mu ndö ti sese ni kue, na mbage ti Do, na mbage ti To, na mbage ti Banga, nga na mbage ti Mbongo. Fade a yeke sara tufa na ndö ti amara ti dunia kue na lege ti mo, na ahale ti mo.

Tongo nda ti aye 49:10

Mbata ti gbia ayeke ngba lakue na ya ti sewa ti Juda. *Ahale ti lo ayeke ngba lakue na komandema, ngbii taa wa ti komandema ni asi. Lo laa azo ti mara kue ayeke ma yanga ti lo.

Ésaïe 14:1

Biani, fade *KOTA GBIA ayeke baa mawa ti Jacob; lo yeke kiri ti soro Israel. Lo yeke zia azo ti Israel ti duti na kodro ti ala wani. Awande ayeke bongbi oko na ala si ala kue ayeke ga azo ti Jacob.

Ésaïe 14:2

Amara nde ayeke ga ti mu azo ti Israel ti kiri na ala na kodro ti ala. Na sese so ayeke ti KOTA GBIA, azo ti Israel ayeke mu amara ni ti ga angbaa ti ala, akoli na awali. Azo so lani agbu azo ti Israel na kanga so, fade azo ti Israel ayeke gbu ala ti ga azo ti kanga; ala yeke sara komandema na ndö ti azo so asara lani ngangu na ala.

Ésaïe 26:15

KOTA GBIA, mo sara si mara ti e awu mingi, mo fa gonda ti mo; mo sara si mara ti e awu mingi, mo sara ya ti kodro ti e akono na mbage kue.

Ésaïe 45:14

Tënë so *KOTA GBIA atene ayeke so: “Israel, lengo ti kua ti azo ti Ezipte, ye ti ngere ti azo ti Etiopii, azo ti Seba, ayongoro zo so, ala so kue ayeke hon na ndo ti mo, ala yeke ga ti mo. Fade a yeke kanga ala kangango na zingiri si ala yeke tambula na peko ti mo; ala yeke kuku na gbe ti mo si ala yeke tene tënë so na mo tongana sambela: ‘Nzapa ayeke gi na ndo ti mo oko, mbeni nzapa nde ayeke daa pepe, gi lo oko.’ ”

Ésaïe 48:19

Ka *ahale ti mo ayeke ga tongana mbutu ti yanga ti kota ngu-ingo, ka amolenge ti ya ti mo ayeke ga tongana le ti mbutu; na dawa ti mbi, ka a zi iri ti ala pepe, a mingo iri ti ala pepe.”

Ésaïe 49:12

Baa! Ala londo yongoro si ala yeke ga: ambeni alondo na mbage ti Banga, ambeni na mbage ti Do, ambeni na mbage ti Mbongo, na mbage ti Ezipte.”

Ésaïe 49:8

Tënë so KOTA GBIA atene ayeke so: “Na ndembe so alingbi, mbi kiri tënë na mo; na lango ti songo azo na kuâ, mbi mu na mo maboko. Mbi bata mo titene na lege ti mo, mbi na azo, e ga *ambuki. Mbi yeke yo kodro ti Israel na nduzu, mbi yeke kiri ti kangbi na azo sese so lani ayeke ti ala si abuba so.

Ésaïe 52:9

Ando ti Jérusalem so abuba so, ala dekongo na ngia! KOTA GBIA ayeke de be ti azo ti lo, lo yeke zi Jérusalem na gbe ti ngbaa.

Ésaïe 53:10

Me KOTA GBIA ayeda ti nika lo na lege ti pasi. Zo so lani amu fini ti lo na *sandaga ndali ti azo, KOTA GBIA akiri na lo na kozo ndo ti lo. Fade zo ti kua ti lo ayeke baa *ahale ti lo si lo yeke kiri ti te gigi aninga. Na lege ti lo, KOTA GBIA ayeke sara ye so be ti lo aye.

Ésaïe 55:5

Mo Israel, fade mo yeke iri mara so mo hinga ni pepe; mara so ahinga mo pepe ayeke mu loro ti ga na mbage ti mo. Lo yeke ga ndali ti mbi KOTA GBIA, Nzapa ti mo, Nzapa ti Israel so ayeke nde si ayeke nzoni kue, lo so lo sara si mo wara gonda.”

Daniel 7:27

Kodro, komandema na dutingo na kota ndo na ya ti akodro nde nde so ayeke na ndö ti sese, fade a mu ni na azo so Nzapa asoro ala; Nzapa so ayeke na yayu kâ na ndö ti aye kue so. Komandema ti azo ti Nzapa ayeke ngba lakue lakue; fade angangu kue ti dunia ayeke ma yanga ti ala si ayeke sara kua na ala.’

Rome 10:18

Tongaso mbi hunda ndo, mbi tene: azo ti Israel ama tënë so a yeke fa so pepe? Biani, ala ma tënë ni kue! Mbeti ti Nzapa atene: “Azo ama go ti azo ti fango tënë na ndö ti sese kue, tënë ti ala asi na nda ti dunia kue.”

Rome 11:12

Ndali ti so azuife ake ti ma yanga ti Nzapa, azo ti dunia awara anzoni ye mingi; na lege ti tingo ti ala, azo ti amara nde awara nga anzoni ye mingi. Tongana azuife kue akiri ande ti soo kuâ, fade anzoni ye ni ayeke kiri ti hon ndoni pepe?

Kolose 1:23

Me alingbi ala ngba na lege ti mabe, ala luti ngangu na ndö ni si ala kpengba. Na ndembe so ala ma Nzoni Tënë, ala wara lege ti zia be ti ala ti ku, ala zia lege ni, ala hon nde pepe. A fa Nzoni Tënë so na azo ti dunia kue si mbi Paul, mbi ga zo ti kua ti fango Nzoni Tënë ni.