Ésaïe 54:17 - Mbeti ti Nzapa - Tënë so amu fini

¹⁷ Aye ti bira so kue a leke ti tiri na ni na mo, alingbi ti sara ye oko na mo pepe. Zo so kue ayeke bi tënë na li ti mo na le ti ngbanga, mo yeke sara si ngbanga ati na li ti lo. Baa ye so mbi bata ndali ti azo ti kua ti mbi, KOTA GBIA laa. Baa lege so mbi yeke fâ ngbanga ti ala laa; so tënë ti yanga ti mbi KOTA GBIA laa.”

Ésaïe 54:17 ပူးပေါင်းရင်းမြစ်များ

Mbeti ti Job 1:11

Me mo yoro maboko ti mo, mo ndu aye so kue lo yeke na ni, e baa! Mbi hinga so fade lo yeke deba mo taa na le ti mo.”

Mbeti ti Job 2:5

Me mo yoro maboko ti mo, mo ndu bio ti lo na kasa ti tere ti lo, e baa! Mbi hinga so fade lo yeke deba mo taa na le ti mo.”

Mbeti ti Job 42:7

So *KOTA GBIA atene tënë so na Job awe, lo tene na Elifaz, zo ti kodro ti Teman, atene: “Ngonzo ti mbi ti wâ alondo na tere ti mo nga na tere ti amba ti mo use, ngbanga ti so ala tene taa-tënë na ndö ti mbi pepe; Job, zo ti kua ti mbi laa atene taa-tënë.

Abia (Psaumes) 32:6

Nilaa zo so kue ayeke zo ti mo, alingbi lo sambela mo na lango so lo hinga sioni ti lo. Ataa akpale aga tongana ngu so asuku amu ndo kue, fade akpale ni ayeke si na lo pepe.

Abia (Psaumes) 61:5

Mbi ye ti duti na ya ti da ti mo kpu na kpu, ti honde tere ti mbi na gbe ti *kpangi ti mo.

Abia (Psaumes) 71:16

Kota Gbia NZAPA, fade mbi yeke ga ti tene tënë ti akota ye so mo sara; mbi yeke kiri ti tene na azo gi tënë ti mo oko, mo so mo yeke bata tënë ti yanga ti mo.

Abia (Psaumes) 71:19

Nzapa, batango tënë ti yanga ti mo so mo yeke bata ague ngbii asi na le ti nduzu! Mo sara akota ye mingi! Nzapa, zo wa laa alingbi na mo, zo wa?

Ésaïe 17:12

So mawa ti nyen! Gba ti amara ayeke sara wusuwusu, wusuwusu ni ayeke tongana toto ti kota ngu-ingo. Amara nde ayeke sara wusuwusu, wusuwusu ni ayeke tongana toto ti ngu so ayeke sua ngangu.

Ésaïe 26:2

Alingbi ala zi ayanga ti gbagba ni si mara so ama yanga ti Nzapa, mara so asara ye alingbi na tënë ti lo, alingbi ti li na ya ti gbata ni.

Ésaïe 29:8

Zo so nzara asara lo, lo baa li ti lo, lo yeke te kobe, me tongana lo zingo, ye oko ayeke na ya ti lo pepe; wala zo so nzara ti ngu asara lo, lo baa li ti lo, lo yeke nyon ngu, me tongana lo zingo, lo woko kue, lege ti go ti lo ahole kasakasa. Ye ni ayeke duti tongaso ndali ti gba ti azo so ayeke tiri lani bira na hoto ti *Sion.

Ésaïe 3:10

Ala lingbi ti tene: ti zo ti mbirimbiri nzoni! Fade lo yeke baa nzoni na peko ti aye so lo sara.

Ésaïe 40:2

Ala tene tënë ti mu ngangu na be ti Jérusalem, ala dekongo na lo atene: “Kua ti lo ti ngbaa ahunzi awe, a zi sioni ti lo na li ti lo awe. Biani, asioni so lo sara, *KOTA GBIA asara si lo wara futa ni fani use.”

Ésaïe 41:11

Baa, azo so kue asara ngonzo na tere ti mo, fade kamene ayeke gbu le ti ala si ala yeke ti buba. Azo so agi tënë na mo, ala yeke kiri ti ngba pepe, ala yeke kui.

Ésaïe 46:13

Mbi yeke sara titene mbirimbiri ti mbi aga; akiri angba yongoro pepe. Tënë ti songo zo na kuâ aga nduru awe. Mbi yeke ga na tënë ti songo zo na *Sion. Biani, mbi yeke ga na ye so ayeke pendere mingi na Israel.

Ésaïe 50:8

*KOTA GBIA ayeke nduru na mbi, lo so lo yeke sara si mbi ga mbirimbiri. Zo wa laa aye ti bi tënë na li ti mbi, zo wa? Ayeke nzoni mbi na lo, e gue na ngbanga! Zo wa laa aye ti ga wato ti mbi na le ngbanga, zo wa? Ayeke nzoni lo ga na dawa ti mbi!

Ésaïe 50:9

Kota Gbia NZAPA laa ayeke mu na mbi maboko. Zo wa laa alingbi ti fâ ngbanga na li ti mbi? Biani, fade awato ti mbi ayeke buba kue tongana gbagba bongo so akangi ate ni kue.

Ésaïe 51:5

Zingo azo so mbi yeke zi ala aga nduru awe, songo azo na kuâ so mbi yeke soo ala asigigi awe. Mbi yeke fâ ngbanga ti azo na ngangu. Fade azo ti azoa ayeke zia be ti ala ti ku mbi, ala yeke ku ngangu ti maboko ti mbi.

Ésaïe 54:15

Tongana mbeni zo aga ti tiri na mo, mbi laa mbi yeke tokua lo pepe. Zo so ayeke tiri na mo, lo yeke ti na dawa ti mo.

Ésaïe 54:16

Baa, zo ti pikango ndao, lo so lo yeke huru le ti wâ si lo yeke sara na aye ti bira nde nde, mbi laa mbi sara lo. Zo so ayeke mu aye ti bira ni ti buba na aye, mbi nga laa mbi sara lo.

Ésaïe 58:14

tongaso, fade mo yeke wara ngia ti mo na lege ti mbi KOTA GBIA; mbi yeke sara titene mo tambula na ndö ti ayongoro hoto ti kodro ni. Mbi yeke sara titene mo baa nzoni na lege ti sese so a mu ando na kotara ti mo Jacob si aga ye ti lo so.” Tënë so asigigi na yanga ti KOTA GBIA laa.

Ésaïe 60:21

Azo ti mo, ala kue ayeke duti azo ti mbirimbiri, sese ni ayeke ga ye ti ala kpu na kpu. Ala kpa kete keke so mbi lu; ala yeke azo so mbi wani, mbi sara ala na maboko ti mbi titene ala fa gonda ti mbi.

Ésaïe 61:10

Mbi yeke na ngia mingi ndali ti *KOTA GBIA. Be ti mbi asi singo na ngia ndali ti Nzapa ti mbi. Biani, lo soo mbi na kuâ si aga tongana bongo ti matanga na tere ti mbi. Lo yu mbirimbiri na tere ti mbi tongana kota bongo. Mbi kpa koli so amu wali na fini ni si lo zia kpoto ti gbia na li ti lo tongana ti wayango-sandaga, wala wali so amu koli na fini ni si lo yu aye ti pendere.

Jérémie 23:6

Na ngoi ti lo, fade a yeke soo kodro-gbia ti Juda, mbeni ye ti sioni ti si na Israel ayeke duti daa pepe. Iri so fade azo ayeke iri na lo laa: ‘KOTA GBIA ayeke mbirimbiri ti e.’

Daniel 3:26

Na pekoni, Nabukodonosor aga nduru na tere ti yanga ti du ti kota wâ ni si lo dekongo, lo tene: “Shadrak, Meshak na Abed-Nego, azo ti kua ti Nzapa so ayeke na ndö ti aye kue, ala sigigi aga ge!” Tongaso Shadrak, Meshak na Abed-Nego alondo na ya ti wâ ni si ala sigigi.

Daniel 6:20

Na ndaperere, so ndo angba kâ, gbia alondo si lo gue hio na du ti abamara ni.

Matthieu 16:18

Tongaso mbi tene na mo: mo yeke Pierre. Na ndö ti têne so, mbi yeke leke ande *Eglize ti mbi; fade kuâ ayeke na ngangu pepe ti hon ndö ti Eglize ti mbi.

Rome 10:4

Biani, Christ asara si *Ndia ti Moïse asi na nda ni, tongaso si azo so kue ama na be, ala ga mbirimbiri na le ti Nzapa.

Rome 3:22

Nzapa asara si azo aga mbirimbiri na le ti lo na lege so ala ma na be na Jésus Christ. Lo sara ni ndali ti azo so kue ama na be na Christ, ngbanga ti so kangbi ayeke na popo ti ala pepe:

Rome 8:1

Fadeso, azo so aga oko na Jésus Christ awe, ngbanga ayeke na li ti ala mbeni pepe.

1 Korente 1:30

Me Nzapa asara si ala, a-ita, ala ga oko na Jésus Christ si lo sara titene Christ aga ndara ti e. Na lege ti Christ, Nzapa asara si e ga mbirimbiri na le ti lo, e ga azo so ayeke duti nde ndali ti so lo laa lo zi e na ya ti siokpari.

2 Korente 5:21

Christ asara siokpari oko pepe, me Nzapa asara si siokpari ti e akiri na li ti lo. Tongaso na lege ti Christ, Nzapa asara si e ga mbirimbiri.

Filipe 3:9

si mbi na lo, e ga oko. Batango ndia ti ga mbirimbiri, so laa amu lege na mbi ti ga oko na Christ pepe, me mbi ga oko na Christ na lege ti mabe. Nzapa laa ayeke mu na zo lege ti gango mbirimbiri tongana zo ni ama na be.

Josué 24:10

Me mbi ke ti ma Balaam. Balaam asara gi tufa na ndö ti ala; tongaso mbi zi ala na maboko ti Balak.

2 Pierre 1:1

Mbi Simon Pierre, zo ti kua nga na *watokua ti Jésus Christ, mbi tokua mbeti so na azo so awara gi oko mabe ti kota ngere tongana e. Ala wara ni na lege ti mbirimbiri ti Jésus Christ, lo so lo yeke Nzapa ti e na Wasongo e.

Aye so Nzapa afa 12:10

Na pekoni, mbi ma mbeni kota go so alondo na yayu, atene: “Fadeso ngoi titene Nzapa asoo e asi awe! Fadeso lo fa ngangu ti lo ti gbia awe! Fadeso *Mesii ti lo afa so lo yeke na komandema awe! Zo ti bingo tënë na li ti a-ita ti e, lo so lo yeke luti na le ti Nzapa ti bi tënë na li ti ala bi na lâ so, a mu lo na yayu, a bi lo na gigi awe.

1 Samuel 23:17

Lo tene na David: “Sara mbeto pepe. Fade maboko ti babâ ti mbi Saul ayeke ndu mo pepe. Mo laa mo yeke ga ande gbia ti Israel; mbi si mbi yeke ga na peko ti mo. Babâ ti mbi Saul ahinga ni kue.”