Ésaïe 54:15 - Mbeti ti Nzapa - Tënë so amu fini

¹⁵ Tongana mbeni zo aga ti tiri na mo, mbi laa mbi yeke tokua lo pepe. Zo so ayeke tiri na mo, lo yeke ti na dawa ti mo.

Ésaïe 54:15 ပူးပေါင်းရင်းမြစ်များ

Abia (Psaumes) 56:6

Lakue, ala yeke tene atënë ti songo be na mbi, ala yeke gbu li ti ala gi ti sara sioni na mbi.

Ésaïe 40:2

Ala tene tënë ti mu ngangu na be ti Jérusalem, ala dekongo na lo atene: “Kua ti lo ti ngbaa ahunzi awe, a zi sioni ti lo na li ti lo awe. Biani, asioni so lo sara, *KOTA GBIA asara si lo wara futa ni fani use.”

Ésaïe 43:14

*KOTA GBIA so azi ala na gbe ti ngbaa, Nzapa ti Israel, lo so lo yeke nde si lo yeke nzoni kue, baa, tënë so lo tene ayeke so: “Ndali ti ala, mbi tokua mbeni zo ti tiri bira na Babilone. Fade mbi yeke kinda ala si ala kue aga tongana azo so ayeke kpe. Tongaso, fade dekongo ti ngia ti azo ti Babilone ayeke ga bia ti demango tere.

Ésaïe 54:16

Baa, zo ti pikango ndao, lo so lo yeke huru le ti wâ si lo yeke sara na aye ti bira nde nde, mbi laa mbi sara lo. Zo so ayeke mu aye ti bira ni ti buba na aye, mbi nga laa mbi sara lo.

Zakarii 12:3

Biani, na lango ni so, fade mbi yeke sara titene Jérusalem aga tongana mbeni ngbongboro têne ndali ti amara kue; têne so zo alingbi ti yo ni na nduzu pepe. Zo so kue aye ti yo ni, lo yeke wara ka. Tongaso, amara ti sese kue ayeke bongbi oko ti tiri na lo.

Zakarii 12:9

*KOTA GBIA atene: “Na lango ni so, mbi yeke sara kue ti fâ amara so kue ti hunzi ala; amara so ayeke ga ti tiri bira na azo ti Jérusalem.

Zakarii 2:8

Kozo ange ni atene na mbeni so, atene: “Kpe loro, mo tene na maseka-koli so kâ so, mo tene: Fade gbata ti Jérusalem ayeke ngba senge tongaso, a yeke sara gbagba na tere ni pepe, ngbanga ti so azo na anyama so ayeke lango na ya ni ayeke wu ahon ndoni.

Aye so Nzapa afa 16:14

Ayingo so ayeke asioni yingo so ayeke sara aye ti kpene. Ala gue ti wara agbia ti dunia kue ti bongbi ala na ndo oko ngbanga ti bira so ayeke ti ande na kota lango ti Nzapa so ngangu ti lo ahon angangu kue.