Ésaïe 54:10 - Mbeti ti Nzapa - Tënë so amu fini

¹⁰ Ataa ahoto ahon na mbeni ndo nde, ataa akete hoto ayingi, fade ndoye ti mbi na mbage ti mo ayeke hunzi laoko pepe, *mbuki ti siriri ti mbi na mo ayeke yingi laoko pepe. Mbi KOTA GBIA so mbi yeke baa mawa ti mo laa mbi tene tënë so na mo.”

Ésaïe 54:10 ပူးပေါင်းရင်းမြစ်များ

2 Samuel 23:5

Sewa ti mbi ayeke tongaso na le ti Nzapa pepe? Ndali ti so mbi na lo, e sara *mbuki ti lakue lakue, a leke andia ti mbuki ni kue awe. Asongo benda nga na aye ti nzoni kue ti mbi, lo lingbi ti sara si amai maingo pepe?

Abia (Psaumes) 102:26

Mo laa mo lu gere ti sese ando giriri, yayu ayeke ye so maboko ti mo asara.

Abia (Psaumes) 46:2

Nzapa ayeke ndo so e kpe daa ti bata tere ti e, lo yeke ngangu ti e. Lo yeke lakue nduru ti mu maboko na e na ngoi ti ye ti ngangu.

Abia (Psaumes) 46:3

Ndani laa, mbeto ayeke sara e oko pepe, ataa sese ayingi na ndo kue, ataa ahoto alondo ati na be ti kota ngu-ingo,

Ésaïe 49:10

Nzara ti kobe na nzara ti ngu ayeke kiri ti sara ala pepe; pupu ti wâ ti benyama na sungo ti lâ ayeke zö ala pepe. Biani, mbi yeke baa mawa ti ala si mbi yeke fa lege na ala, mbi yeke gue na ala na ndo so li ti ngu ayeke daa.

Ésaïe 49:15

Me KOTA GBIA akiri tënë: “Be ti wali alingbi ti girisa na molenge ti lo so angba ti nyon me? Molenge so asigigi na ya ti lo, lo yeke zia ti baa mawa ti lo? Ataa be ti mama ni agirisa na molenge ni, mbi, be ti mbi ayeke girisa na mo laoko pepe.

Ésaïe 54:8

Ngonzo asara mbi lani mingi na tere ti mo, na mbeni kete ngoi, mbi ke ti baa mo na le ti mbi. Me na lege ti ndoye so angba lakue lakue, mbi yeke baa mawa ti mo. Mbi KOTA GBIA, mbi so mbi zi mo, mbi laa mbi tene tënë so na mo.”

Ésaïe 55:12

Fade ala yeke londo na Babilone na ngia, a yeke kiri na ndo ti ala na siriri. Na hongo ti ala, ahoto na akete hoto ayeke dekongo na ngia, akeke kue ti ngonda ayeke pika sako.

Ésaïe 55:3

Ala dingi mê ti ala, ala ma mbi, ala ga na mbi. Ala ma mbi si fade ala yeke duti na fini. *KOTA GBIA atene: “Mbi na ala, e yeke sara *mbuki so ayeke ngba lakue lakue; mbi yeke mu na ala anzoni ye so mbi mu zendo ni na David.

Ésaïe 55:7

Alingbi zo ti sioni azia lege ti sioni ti lo; zo ti sarango sioni azia asioni tënë ti be ti lo. Ayeke nzoni ala kiri na KOTA GBIA si fade lo baa mawa ti ala. Ayeke nzoni lo kiri na Nzapa ti e si lo zi tënë na li ti ala biani biani.

Ésaïe 59:21

KOTA GBIA atene: “Tënë ti *mbuki so mbi na ala e yeke sara laa: yingo ti mbi ayeke duti na ndö ti ala, mbi yeke zia tënë ti mbi na yanga ti ala; tënë ni ayeke hon yongoro na yanga ti ala pepe, na yanga ti amolenge ti ala pepe, na yanga ti amolenge ti amolenge ti ala pepe, ti londo fadeso ti gue na ni, kpu na kpu. Tënë so mbi KOTA GBIA, mbi tene laa.”

Ésaïe 61:8

Biani, mbi KOTA GBIA, mbi ye titene azo asara ye na lege ti ndia, me mbi ke titene a nzi ye ti zo na lege ti fango lo. Fade mbi yeke futa ala alingbi na ye so ala sara; mbi na ala e yeke sara *mbuki so angba lakue lakue.”

Ésaïe 63:7

Fade mbi yeke dabe ti azo na nzoni be ti *KOTA GBIA, mbi yeke fa nda ni so azo alingbi ti sepela lo: anzoni ye so kue lo sara na e, akota nzoni ye so lo sara na azo ti Israel, aye so kue lo sara na lege ti ndoye, na lege ti kota nzoni be ti lo.

Ésaïe 9:6

Fade lengo-gbia ti lo ayeke mu ndo ti gue na ni, lo yeke mu siriri so ayeke hunzi pepe, lo yeke duti na ndö ti mbata ti gbia David si lo yeke le-gbia na kodro ti lo. Lo yeke sara titene kodro-gbia ni akpengba na lege ti sarango ye so ayeke na legeni nga na lege ti sarango ye ti mbirimbiri, ti to nda ni laso ti gue na ni ngbii kpu na kpu. Ye so KOTA GBIA so ayeke na ndö ti dunia kue ayeke sara na lege ti kota nzara ti be ti lo laa.

Jérémie 31:36

So tënë ti yanga ti KOTA GBIA laa: “Mbeni lâ, tongana mbi lingbi ti yeda titene ngangu ti andia ti dunia so amingo, andaa mbi lingbi nga ti yeda titene azo ti Israel kue akiri abongbi mbeni pepe ti ga mara oko!

Jérémie 33:20

“So tënë ti yanga ti KOTA GBIA laa: Ala lingbi ti fâ ya ti mbuki so mbi na kota lâ nga na bi e sara? Ala lingbi ti kanga lege titene kota lâ na bi aga na ndembe ni? – Oko pepe!

Ezekiel 16:42

Le ti mbi ayeke be na ngonzo ti wâ na tere ti ala ngbii be ti mbi ade si. Na pekoni, mbanda so mbi yeke sara na tere ti mo ayeke hunzi, be ti mbi ayeke de, mbi yeke kiri ti sara ngonzo pepe.

Ezekiel 34:25

“Fade mbi yeke sara *mbuki ti siriri na ala, mbi yeke zi asioni nyama na ya ti kodro ni. Tongaso, fade ataba ti mbi alingbi ti duti na siriri na ya ti benyama si ala lango na ya ti ngonda.

Malashii 2:5

Na lege ti mbuki so, mbi sara lani si ala duti na fini nga na siriri; ala kpe mbeto ti mbi. Biani, lani ala kpe mbeto ti mbi si na le ti mbi, ala do na mbeto.

Wungo ti azo 25:12

Ndani laa, tene na lo, mo tene: Mbi sara *mbuki ti mbi na lo titene lo duti na siriri.

Matthieu 16:18

Tongaso mbi tene na mo: mo yeke Pierre. Na ndö ti têne so, mbi yeke leke ande *Eglize ti mbi; fade kuâ ayeke na ngangu pepe ti hon ndö ti Eglize ti mbi.

Matthieu 24:35

Fade yayu na sese ayeke hon, me atënë ti mbi ayeke hon oko pepe.”

Matthieu 5:18

Mbi tene na ala taa-tënë: kozoni si yayu na sese ahon, fade gere ti mbeti ti Ndia wala mbeni kete ye ti tere ni oko ayeke hon pepe, ngbii asi na nda ti aye kue.

Rome 11:29

Biani, tongana Nzapa amu ye na zo awe, lo yeke kiri ti zi ni na maboko ti lo pepe; tongana Nzapa airi mbeni zo awe, lo yeke kiri ti ke lo pepe.

Tite 3:5

lo soo e na kuâ. Mbeni ye ti nzoni so e wani, e sara na lege ti mbirimbiri ti e titene lo soo e ndali ni ayeke daa pepe, me lo soo e, ngbanga ti so lo baa mawa ti e. Lo soo e, lo sukula e na lege ti Yingo-Vuru so asara si e ga fini zo si e wara fini kode ti dutingo ni.

Ahebro 12:27

Tënë ti yanga ti Nzapa so atene: “Fade mbi yeke kiri” so aye ti fa atene, aye so kue lo leke ni alingbi ti yingi si fade ayeke hon; me aye so alingbi ti yingi pepe, ni laa ayeke ngba.

Aye so Nzapa afa 6:14

Le ti nduzu arule tere ti lo si ayeke hon tongana mbeti so azo ayeke rule ni; ahoto na azoa kue alondo na ndo so ala yeke daa si ahon.