Ésaïe 54:1 - Mbeti ti Nzapa - Tënë so amu fini

¹ Jérusalem, mo wali ti dungo ni pepe, dekongo na ngia! Mo so mo hinga lani songo ti dungo ni pepe, he bia na ngia, mo duti na ngia. Biani *KOTA GBIA atene na mo: “Mo wali so koli ado mo azia, fadeso, mo yeke na amolenge gbani ahon wali so angba na da ti koli.

Ésaïe 54:1 ပူးပေါင်းရင်းမြစ်များ

Tongo nda ti aye 21:6

Sara atene: “Nzapa asara titene mbi he ngia. Azo so kue ayeke ma tënë ti Isaac ayeke bongbi na mbi ti he ngia ni.”

Abia (Psaumes) 113:9

Lo sara si wali so ayeke wali ti dungo ni pepe aga wali ti da, lo ga mama ti amolenge si lo duti na ngia. Aleluya!

B. ti abia 8:8

E yeke na ngambe ti e ti wali, me ti lo ade ti sigigi pepe. E yeke sara ande nyen na ita ti e ti wali ni na lango so koli atene tënë ti mungo lo?

Ésaïe 12:6

Ala, azo so alango na *Sion, ala dekongo na ngia, ala dodo na ngia, ngbanga ti so Nzapa ti Israel so ayeke na popo ti ala, lo yeke kota, lo yeke nde si lo yeke nzoni kue.

Ésaïe 24:14

Tanga ti azo so angba na fini amu go ti ala na nduzu ti he bia, ala yeke fa gonda ti *KOTA GBIA; ala londo na ya ti akodro ti mbage ti Do si ayeke ga, ala yeke dekongo na ngia, ala tene:

Ésaïe 44:23

Biani, *KOTA GBIA ayeke sara ye. Tongaso yayu, mo dekongo na ngia; gbe ti sese so alinda mingi, mo dodo na ngia! Ahoto, ala dekongo na ngia; ala agbako, ala na akeke ti ala, ala dekongo na ngia. Biani, KOTA GBIA azi Jacob awe, lo fa gonda ti lo na sese ti Israel.

Ésaïe 49:13

Yayu, he bia na ngia! Sese, dodo na ngia! Ahoto, ala dekongo na ngia! Biani, KOTA GBIA asara si be ti azo ti lo akiri ade, lo baa mawa ti azo so ayeke baa pasi.

Ésaïe 49:19

Ti fadeso, mo yeke na popo ti aye so abuba awe, kodro ti mo aga ngonda awe, sese so aga ndo ti gba ti atêne; fade ndo ni ayeke ga kete mingi, ayeke lingbi na azo so ayeke lango daa pepe. Me azo so lani abuba mo so ayeke hon yongoro na tere ti mo.

Ésaïe 49:20

Amolenge so lani a gbanzi ala na mo so, ala yeke tene ande na mo, atene: ‘Ndo ni ayeke kete mingi ndali ti e, mo pusu si e lingbi ti wara mbeni ndo ti duti daa.’

Ésaïe 62:4

Azo ayeke kiri ti iri mo pepe, “Gbata so azo ado azia”, azo ayeke kiri ti di iri ti kodro ti mo pepe, “Sese so aga ngonda awe”. Me azo ayeke di iri ti mo, “Wali so mbi yeke wara ngia na lege ti lo”, azo ayeke di iri ti sese ti mo, “Wali ti koli”. Biani, fade KOTA GBIA ayeke wara ngia na lege ti mo si sese ti mo ayeke ga wali ti koli.

Ésaïe 66:7

Kozo titene ya ti wali aso, lo du molenge awe! Kozo titene lo baa pasi, lo du molenge-koli awe!

Sofonii 3:14

Mo gbata ti *Sion, mo dekongo na ngia! Ala azo ti Israel, ala pika maboko ti ala na ngia. Mo gbata ti Jérusalem, mo duti na ngia na be ti mo kue!

Zakarii 9:9

Dodo na ngia, mo gbata ti *Sion! Dekongo na ngia, mo gbata ti Jérusalem! Baa, gbia ti mo ayeke ga na mbage ti mo; lo yeke mbirimbiri, lo so benda, lo sara tere ti lo tongana senge zo, lo duti na ndö ti lele, lo duti na ndö ti molenge ti lele.

Galasii 4:27

Biani, Mbeti ti Nzapa atene: “Mo, wali so mo du pepe, ayeke nzoni mo duti na ngia! Mo so mo hinga songo ti dungo ni pepe, ayeke nzoni mo dekongo na ngia, ndali ti so wali so koli ake lo, lo yeke wara amolenge mingi ahon wali so angba na da ti koli!”

1 Samuel 2:5

Azo so ayeke te ye lani ya ti ala asi so, ala kiri ayeke gi kua ndali ti kobe ti yanga ti ala. Me azo so lani nzara ahon ndö ti ala, ala yeke wu tere ti ala fadeso. Wali so ya ti lo akanga lani, lo du fadeso amolenge mbarambara. Me wali so adu lani gba ti amolenge, lo yeke kiri ti du fadeso pepe.