Ésaïe 53:9 - Mbeti ti Nzapa - Tënë so amu fini

⁹ A zia lo na du ti kuâ legeoko na azo ti sioni; a lu lo na ndo ti azo ti mosoro, ataa so lo sara sioni oko pepe, ataa so tënë ti mvene asigigi na yanga ti lo oko pepe.

Ésaïe 53:9 ပူးပေါင်းရင်းမြစ်များ

1 Korente 15:4

A lu lo, na lango ota ni, lo zingo na kuâ tongana ti so Mbeti ti Nzapa atene.

2 Korente 5:21

Christ asara siokpari oko pepe, me Nzapa asara si siokpari ti e akiri na li ti lo. Tongaso na lege ti Christ, Nzapa asara si e ga mbirimbiri.

Ahebro 4:15

E yeke na kota wayango-sandaga so alingbi ti baa mawa ti e na ndo so ngangu atia e daa. Biani, aye ti tarango be kue asi na lo tongana ti so ayeke si na e, me lo sara ti lo siokpari oko pepe.

Ahebro 7:26

Mara ti kota wayango-sandaga so alingbi fade na e laa. Lo yeke nde si lo yeke nzoni kue, tënë ayeke na li ti lo oko pepe, lo sara siokpari oko pepe; lo kangbi na azo ti siokpari, Nzapa amu lo si azia lo na yayu kâ na ndö ti aye kue.

1 Pierre 2:22

Christ asara siokpari pepe; tënë ti mvene asigigi na yanga ti lo laoko pepe.

1 Jean 3:5

A-ita, ala hinga atene, Jésus aga ti zi asiokpari ti azo; siokpari ayeke na lo oko pepe.