Ésaïe 52:8 - Mbeti ti Nzapa - Tënë so amu fini

⁸ Azo so mo zia ala ti sara sanziri so, mo ma go ti ala! Ala kue yanga oko, ala yeke dekongo na ngia, ngbanga ti so ala baa na le ti ala wani *KOTA GBIA so ayeke kiri na *Sion.

Ésaïe 52:8 ပူးပေါင်းရင်းမြစ်များ

Abia (Psaumes) 102:22

Tongaso, fade azo ayeke vunga iri ti KOTA GBIA na ya ti gbata ti Sion kue; ala yeke vunga tënë ti sepelango lo na Jérusalem

B. ti abia 3:3

Asanziri so ayeke hon na ya ti gbata awara mbi si mbi hunda ala, mbi tene: “Lo so be ti mbi aye lo so, ala baa lo?”

B. ti abia 5:7

Asanziri so ayeke tambula na ya ti gbata awara mbi, asanziri so ayeke bata ngangu gbagba so; ala pika mbi, ala zia ka na tere ti mbi, ala zi mapia-bongo so ayeke na ndö ti go ti mbi.

Ésaïe 24:14

Tanga ti azo so angba na fini amu go ti ala na nduzu ti he bia, ala yeke fa gonda ti *KOTA GBIA; ala londo na ya ti akodro ti mbage ti Do si ayeke ga, ala yeke dekongo na ngia, ala tene:

Ésaïe 26:1

Na lango ni so, na kodro ti Juda, azo ayeke he bia so: “Gbata ti e ayeke ngangu gbata. *KOTA GBIA asara gbagba ti ya ni na gbagba ti use ni na tere ni ti bata na e.

Ésaïe 27:2

Na lango ni so, ala he bia ndali ti yaka ti *vinye so vin ti lo anzere mingi.

Ésaïe 30:26

Na lango so KOTA GBIA ayeke kanga le ti ka ti azo ti lo si lo yeke sara titene ka ni amu, fade nze ayeke su tongana lâ, lumiere ti lâ ti lango oko ayeke lingbi na lumiere ti lâ ti lango mbarambara.

Ésaïe 35:10

Azo so KOTA GBIA ayeke zi ande ala, ala yeke mu lege ni so ti kiri. Na singo ti ala na *Sion, ala yeke dekongo na ngia. Ngia so ayeke hunzi laoko pepe, ayeke su na ndö ti le ti ala. Ngia so ahon ndoni ayeke si be ti ala singo, pasi na demango tere ayeke hon.

Ésaïe 40:9

Mo gbata ti *Sion, mo so mo yeke ga na nzoni tënë, mo ma na li ti kota hoto. Mo Jérusalem, mo so mo yeke ga na nzoni tënë, mo yo go ti mo na nduzu na ngangu ti mo kue. Mo yo go ti mo na nduzu, sara mbeto pepe. Tene na agbata ti Juda: “Baa, Nzapa ti ala laa!

Ésaïe 48:20

Ala londo na Babilone asigigi! Ala londo hio na popo ti azo ni, ala kpe! Ala dekongo na ngia, ala fa tënë so, ala to mbela na ni ngbii asi na nda ti sese kue, ala tene: “*KOTA GBIA azi Jacob, zo ti kua ti lo awe.”

Ésaïe 56:10

Asanziri ti Israel kue ayeke awaziba, ala hinga ye oko pepe. Ala yeke ambo so ayeke buburu, ala lingbi ti dekongo pepe. Ala yeke lango na sese, ala yeke baa li ti ala; ala ye gi ti lango.

Ésaïe 58:1

*KOTA GBIA atene: “Mo dekongo na kota go, mo ngba gi daa! Sara si azo ama go ti mo tongana tatalita! Fa na azo ti mbi kengo ndia ti ala, fa na amolenge ti Jacob siokpari ti ala.

Ésaïe 62:6

Jérusalem, na ndö ti gbagba ti mo ti bira, mbi zia asanziri. Na kota lâ wala na bi, ala lingbi ti duti kpoo pepe. “Ala so ayeke dabe ti KOTA GBIA na Jérusalem, ala wu tere ti ala pepe!

Jérémie 31:12

Fade ala yeke ga, ala yeke dekongo na ngia na ndö ti hoto ti *Sion; yanga ti ala ayeke na ngia ti wara anzoni ye so KOTA GBIA ayeke mu na ala: ble, fini vin, mafuta, ataba, angasa na abagara. Fini ti ala ayeke duti tongana yaka so a tuku ngu daa; ala yeke kiri ti woko pepe.

Jérémie 32:39

Fade mbi yeke mu na ala be oko si lege ti sarango ye ti ala ayeke ga oko titene ala kpe mbeto ti mbi lakue. Tongaso si fade ala yeke baa nzoni, ala na amolenge ti peko ti ala.

Jérémie 33:11

bia ti azo so tere ti ala anzere, bia ti azo so ayeke na ngia, bia ti akoli na awali so amu tere fini ni. A yeke ma nga bia ti azo so ayeke ga na *sandaga ti mungo singila na ya ti kota da ti KOTA GBIA, atene: ‘Ala mu singila na KOTA GBIA so ayeke na ndö ti dunia kue, ngbanga ti so lo yeke nzoni, nzoni be ti lo angba kpu na kpu!’ Biani, fade mbi yeke sara titene kodro so akiri na kozo ndo ti lo”; tënë so KOTA GBIA atene laa.

Jérémie 33:7

Mbi yeke sara titene azo ti Juda na azo ti Israel akiri na kozo ndo ti ala, mbi yeke kiri ti leke ala na nduzu tongana ti kozoni.

Jérémie 6:17

Mbi zia asanziri na ndö ti ala ti tene na ala ti sara hange; asanziri ni atene: ‘Ala dingi mê ti ala ti ma toto ti didi!’ Me ala kiri tënë: ‘Ngbanga ti e ayeke daa ape!’

Ezekiel 3:17

“Molenge ti zo, mbi zia mo sanziri ndali ti azo ti Israel. Tongana mo ma mbeni tënë na yanga ti mbi, fade mo yeke gboto mê ti ala na iri ti mbi.

Ezekiel 33:7

“Molenge ti zo, mo laa mbi zia mo sanziri ndali ti azo ti Israel. Fade mo yeke ma tënë ti yanga ti mbi si mo yeke gboto mê ti ala na mbi.

Sofonii 3:9

“Tongaso, fade mbi yeke ndu poro ti yanga ti amara titene aga *nzoni si ala kue alingbi ti di iri ti mbi *KOTA GBIA, ala kue ayeke sara kua ti mbi na be oko.

Zakarii 12:8

Na lango ni so, fade KOTA GBIA ayeke bata azo ti Jérusalem: azo so ayeke na popo ti ala si ayeke na ngangu pepe, ala yeke ga azo ti ngangu tongana David. Ahale ti David ayeke duti na le ti azo ni tongana Nzapa, tongana *ange ti KOTA GBIA so ayeke tambula na dawa ti ala.

Awatokua 2:1

So lango ti *Pantekote asi awe, azo ti Jésus kue abongbi tere ti ala na ndo oko.

Awatokua 4:32

Azo so ama na be gbani gbani so, tënë ti be ti ala ayeke gi oko, ye so ala ye ayeke nga gi oko. Zo oko atene pepe, atene: “Ye ti mbi ayeke gi ti mbi!” Me ye so kue ala yeke na ni, ala yeke bongbi ni si aga ye ti ala kue.

1 Korente 1:10

A-ita, mbi hunda na ala mingi na iri ti *Kota Gbia ti e Jésus Christ titene ala kue ama tere si kangbi aduti na popo ti ala pepe; ala duti gi tongana zo oko, tënë ti be ti ala nga na bango ndo ti ala ague gi oko.

1 Korente 13:12

Ti fadeso, ye so e yeke baa ayeke tongana ye so zo ayeke baa na ya ti tatara; e yeke baa ye ni nzoni kue pepe. Me gbanda, e yeke baa Nzapa le na le. Ti fadeso, mbage ti hingango ye ti mbi atia; me gbanda, mbi yeke hinga ye kue tongana ti so Nzapa ahinga na mbi so.

Ahebro 13:17

Ala ma yanga ti azo ti li ti Eglize, ala sara ye so azo ni ahunda na ala. Azo ni ayeke baa ndo na ndö ti ala, ngbanga ti so fade Nzapa ayeke hunda ala ndali ni. Tongana ala yeke ma yanga ti azo ti li ti Eglize, fade azo ni ayeke sara kua ti Nzapa na nzerengo be si ala dema tere ti ala pepe. Me tongana azo ni adema tere, fade ala a-ita, ala yeke baa nzoni pepe.

Aye so Nzapa afa 18:20

Ala so kue ayeke na yayu, ala duti na ngia ndali ti so Babilone ati awe! Ala azo ti Nzapa, *awatokua ti Nzapa, awayanga-Nzapa, ala duti na ngia ndali ti so Nzapa afâ ngbanga na li ti Babilone ndali ti ye so lo sara na ala!

Aye so Nzapa afa 19:4

*Akangba baleuse na osio na aye osio so ayeke na fini akuku si ala voro Nzapa so ayeke duti na ndö ti mbata ti gbia so, ala tene: “Amen! Aleluya!”