Ésaïe 52:6 - Mbeti ti Nzapa - Tënë so amu fini

⁶ Ndani laa, na lango ni so, azo ti mbi ayeke hinga iri ti mbi; ala yeke hinga atene, mbi laa mbi tene: Mbi laa mbi yeke ga so!”

Ésaïe 52:6 ပူးပေါင်းရင်းမြစ်များ

Abia (Psaumes) 48:10

Nzapa, so e yeke na ya ti kota da ti mo, e yeke dabe ti e na nzoni be ti mo.

Sigingo 3:13

Moïse atene na Nzapa: “Nzoni ma! Fade mbi yeke gue ti wara azo ti Israel si mbi yeke tene na ala: ‘Nzapa ti akotara ti ala atokua mbi na ala’. Me tongana ala hunda mbi, atene: ‘Iri ti lo ayeke nyen?’ Fade mbi yeke tene na ala nyen?”

Sigingo 33:19

KOTA GBIA akiri tënë: “Mbi yeke hon na dawa ti mo titene mo baa nzoni be ti mbi kue si mbi yeke di iri ti mbi so ayeke ‘KOTA GBIA’ na mo. Fade mbi yeke sara nzoni be na zo so mbi ye ti sara nzoni be na lo, mbi yeke baa mawa ti zo so mbi ye ti baa mawa ti lo.”

Sigingo 6:3

Ando mbi si na Abraham, na Isaac nga na Jacob tongana ‘Nzapa so ngangu ti lo ahon angangu kue’. Me iri ti mbi so ayeke ‘KOTA GBIA’ so, mbi fa ni na ala pepe.

Ésaïe 40:9

Mo gbata ti *Sion, mo so mo yeke ga na nzoni tënë, mo ma na li ti kota hoto. Mo Jérusalem, mo so mo yeke ga na nzoni tënë, mo yo go ti mo na nduzu na ngangu ti mo kue. Mo yo go ti mo na nduzu, sara mbeto pepe. Tene na agbata ti Juda: “Baa, Nzapa ti ala laa!

Ésaïe 42:9

Akozo ye so asi ahon awe. Fadeso, mbi yeke kiri ti fa na ala afini ni. Kozo si ye ni asi, mbi yeke tene tënë ni na ala.

Ésaïe 49:23

Agbia ayeke ga ababâ ti batango ala, amolenge ti agbia ti wali ayeke ga amama ti batango ala. Agbia ni ayeke kuku, akpo li ti ala na sese na dawa ti mo, ala yeke su sese so ayeke na tere ti gere ti mo. Tongaso fade mo yeke hinga, mo tene: mbi yeke KOTA GBIA; azo so azia be ti ala na ndö ti mbi, kamene ayeke gbu le ti ala pepe.”

Ésaïe 60:16

Fade mo yeke nyon ngu ti me ti bagara ti amara nde, mo yeke te anzoni ye ti agbia ti ala. Tongaso, fade mo yeke hinga, mo tene, mbi KOTA GBIA laa mbi yeke wasongo mo, wazingo mo, ngangu Nzapa ti Jacob.

Jérémie 31:34

Zo oko na popo ti ala ayeke kiri ti fa ye na mba ti lo wala na ita ti lo pepe, atene: ‘Ala hinga KOTA GBIA!’ Biani, ti londo na kete zo asi na kota zo, fade ala kue ayeke hinga mbi; so tënë ti yanga ti KOTA GBIA laa. Mbi yeke zi sioni ti ala, mbi yeke kiri ti dabe ti mbi na siokpari ti ala pepe.”

Ezekiel 20:44

Ala azo ti Israel, fade mbi yeke baa ndo na sioni lege ti dutingo ti ala pepe nga na asioni sarango ye ti ala pepe. Me mbi yeke sara na ala ndali ti nengo ti iri ti mbi. Tongaso, fade ala yeke hinga atene, mbi laa mbi yeke KOTA GBIA. So tënë ti yanga ti Kota Gbia NZAPA laa.”

Wungo ti azo 23:19

Nzapa ayeke zo pepe titene lo tene mvene, lo yeke senge zo ti sese pepe ti duti na yanga use use. Tënë so lo tene, fade lo yeke sara ni pepe? Tënë so lo tene, fade lo yeke sara ye ti peko ni pepe?