Ésaïe 52:5 - Mbeti ti Nzapa - Tënë so amu fini

⁵ Fadeso, nyen laa mbi yeke wara na peko ni, nyen? A mu azo ti mbi a gue na ala na ngbaa, a futa mbeni ye pepe. Azo so asara komandema na ndö ti ala adekongo ti songo benda – so tënë ti yanga ti KOTA GBIA laa. Lakue, ala yeke zonga iri ti mbi.

Ésaïe 52:5 ပူးပေါင်းရင်းမြစ်များ

2 Samuel 12:14

Me ye oko, mo bi buba na tere ti KOTA GBIA, nilaa molenge so a du lo na mo so ayeke kui.”

Abia (Psaumes) 44:12

Mo zia e na maboko ti ala tongana ataba ti fango ni; mo kangbi e kirikiri na popo ti amara nde.

Abia (Psaumes) 44:16

Lakue, buba ti mbi gi na le ti mbi, kamene agbu le ti mbi kue

Abia (Psaumes) 74:10

Nzapa, zo ti kengo mo ayeke ngba ti zonga mo ngbii asi lawa? Fade wato ayeke ngba ti zonga iri ti mo lakue?

Abia (Psaumes) 74:18

*KOTA GBIA, dabe ti mo na ye so: wato ayeke zonga mo, azo so ahinga ndo pepe so ayeke buba iri ti mo.

Sigingo 3:7

KOTA GBIA akiri atene: “Mbi baa biani lege so azo ti mbi ayeke baa pasi na Ezipte; mbi ma toto ti ala ndali ti aye ti ngangu so amakonzi ti kua ti Ezipte ayeke sara na ala. Biani, mbi hinga pasi so ala yeke na ya ni.

Ésaïe 22:16

Nyen laa mo yeke na ni ge, nyen? Zo wa laa ayeke sewa ti mo ge si mo zi du ti kuâ ndali ti mo, mo leke ni ngbii asi na nduzu, mo zi ndangba ndo ti lango ti mo na ya ti têne so?

Ésaïe 37:28

Mbi hinga ye kue na ndö ti mo: tongana mo yeke duti, tongana mo yeke sigigi na da ti mo, tongana mo yeke kiri na da ti mo, nga tongana mo yeke sara ngonzo na tere ti mbi.

Ésaïe 37:6

si lo tene na ala: “Ala gue, atene na wa ti ala, atene: ‘Tënë so KOTA GBIA atene ayeke so: zonga so azo ti kua ti gbia ti Asirii azonga na mbi si mo ma tënë ni so, sara mbeto ni pepe.

Ésaïe 47:6

Mbi sara lani ngonzo na tere ti azo ti mbi. Tongaso mbi zia kamene na le ti azo so ayeke ti mbi si mbi zia ala na maboko ti mo. Me mo baa mawa ti ala oko pepe, mo sara si komandema ti mo ane tongana *zuge na ndö ti ambakoro.

Ésaïe 51:20

Amolenge ti mo alango na sese na ndö ti alege kue. Ala yeke tongana atagba so ati na ya ti gbanda, ala ngba na ya ni, me ala lingbi ti sara ye oko pepe; ala yeke na gbe ti ngonzo ti KOTA GBIA, Nzapa ti mo abe le na ala.

Ésaïe 51:23

Mbi yeke mu kopo ni na azo so lani ayeke sara pasi na mo. Ala yeke tene lani na mo, atene: ‘Lango na sese, e tambula na ndö ti mo!’ Mo yeke zia lani peko ti mo si aga tongana sese, wala tongana lege so azo ayeke hon daa.”

Ésaïe 52:3

Biani, tënë so *KOTA GBIA atene ayeke so: “Lani so a ka ala tongana angbaa, a futa mbeni ye pepe; fade a yeke futa nginza nga pepe ti zi ala.”

Jérémie 50:17

Israel ayeke lani tongana taba so agirisa si abamara ayeke tumba peko ti lo. Kozo bamara so ate Israel ayeke gbia ti Asirii. Na pekoni Nabukodonosor, gbia ti Babilone aga, lo kungbi abio ti lo.

Abia ti demango tere 1:21

KOTA GBIA, so mbi ngba ti dema, azo ama mbi; me mbeni zo ti de be ti mbi ayeke daa pepe. Ye ti mawa so asi na mbi azia ngia na be ti awato ti mbi. Andaa mo laa mo sara ye ni. Lango so mo tene tënë ni ando so, KOTA GBIA, mo sara si lango ni so alingbi si. Ayeke nzoni awato ti mbi aga nga tongana mbi!

Abia ti demango tere 2:3

Ngonzo ti KOTA GBIA alondo tongana wâ; nilaa lo kungbi na sese aye so kue asara ngangu ti azo ti Israel. Lo zi maboko na tere ti azo ti Israel na ndembe so awato aga ti tiri bira na ala. Lo zia wâ na kodro ti azo ti Israel, wâ ni ague, agbi aye mbage na mbage kue.

Ezekiel 20:14

Mbi sara ye ni ti bata nengo ti mbi si iri ti mbi abuba pepe na le ti amara nde so abaa mbi na ngoi so mbi sara si azo ti Israel asigigi na sese ti Ezipte.

Ezekiel 20:9

Mbi sara tongaso ti bata nengo ti mbi si iri ti mbi abuba pepe na le ti amara nde so akotara ti ala alango ando na popo ti ala. Biani, na le ti amara ni so laa mbi sara si ala hinga mbi, na lege so mbi sara si azo ti Israel asigigi na Ezipte.

Sofonii 1:10

So tënë ti yanga ti KOTA GBIA laa: na lango ni so, azo ayeke ma dekongo na yanga ti gbagba Ti-asusu; azo ayeke ma kota dekongo na ya ti Fini Vaka, ala yeke ma go ti aye so ati ngangu na ndö ti akete hoto.

Rome 2:24

Biani, Mbeti ti Nzapa atene: “Ndali ti ala azuife, azo ti amara nde ayeke zonga iri ti Nzapa.”

Awafango-ngbanga 18:3

So ala si nduru na da ti Mika, ala hinga go ti maseka-koli, zo ti mara ti Lévi ni. Ala gue na tere ti lo si ala hunda lo: “Zo wa laa aga na mo ge, zo wa? Mo ga ti sara nyen ge? Nyen laa agbanzi mo ge, nyen?”