Ésaïe 52:4 - Mbeti ti Nzapa - Tënë so amu fini

⁴ Tënë so Kota Gbia NZAPA akiri atene ayeke so: “Kozoni, azo ti mbi ague na Ezipte ti duti kâ tongana awande. Na ndani, azo ti Asirii asara ngangu na ala mingi.

Ésaïe 52:4 ပူးပေါင်းရင်းမြစ်များ

Tongo nda ti aye 46:6

Ala mu anyama ti ala na akungba ti ala so ala wara na sese ti Kanaan si ala gue na ni. Jacob na *ahale ti lo kue laa ague na Ezipte;

Tongo nda ti aye 46:7

lo mu amolenge ti lo ti koli na ti wali na atara ti lo ti koli na ti wali si lo na ala ague. Lo na ahale ti lo kue ague na Ezipte.

Mbeti ti Job 2:3

KOTA GBIA ahunda lo, atene: “Mo baa dutingo ti Job, zo ti kua ti mbi awe? Na ndö ti sese so, mbeni zo ti lingbi na lo ayeke daa pepe. Koli so ayeke sara ye na legeni, tënë ayeke na li ti lo pepe; lo yeke kpe mbeto ti Nzapa si lo yeke kpe lege ti sarango sioni. Lo ngba ti sara ye na legeni; mo pusu mbi lani titene mbi buba lo senge senge.”

Abia (Psaumes) 25:3

Azo so azia be ti ala ti ku mo, kamene ayeke gbu ka ala pepe. Me ala so aka mo senge senge, ala laa kamene ayeke gbu ala.

Abia (Psaumes) 44:12

Mo zia e na maboko ti ala tongana ataba ti fango ni; mo kangbi e kirikiri na popo ti amara nde.

Abia (Psaumes) 69:4

Mbi dekongo ngbii mbi woko awe, go ti mbi kue gi wâ, le ti mbi abaa ndo na mbage ti mo, Nzapa ti mbi gbaa.

Ésaïe 14:25

Fade mbi yeke buba ngangu ti azo ti Asirii taa na ya ti kodro ti mbi; mbi yeke do ala na gbe ti gere ti mbi na ndö ti ahoto ti mbi. Ala zia ando anengo kungba na ndö ti azo ti mbi tongana *zuge, fade mbi yeke zi ni. Ala zia ando nengo kungba na ndö ti go ti azo ti mbi, mbi yeke zi ni na ndö ti go ti ala.”

Jérémie 50:17

Israel ayeke lani tongana taba so agirisa si abamara ayeke tumba peko ti lo. Kozo bamara so ate Israel ayeke gbia ti Asirii. Na pekoni Nabukodonosor, gbia ti Babilone aga, lo kungbi abio ti lo.

Jean 15:25

Me aye so asi titene tënë ti *Ndia ti ala aga taa-tënë; Ndia ni atene: ‘Ala ke mbi gi senge senge.’