Ésaïe 52:14 - Mbeti ti Nzapa - Tënë so amu fini

¹⁴ Na bango lo, azo mingi asara mbeto ahon ndoni, ngbanga ti so a buba ndö ti le ti lo; lo kiri lo kpa zo pepe.

Ésaïe 52:14 ပူးပေါင်းရင်းမြစ်များ

Abia (Psaumes) 22:15

Ngangu ti mbi ahon tongana ngu so ayeke sua; abio ti mbi kue awoko wokongo. Be ti mbi ayeke tongana puru ti wotoro, aga tongana ngu na ya ti mbi.

Abia (Psaumes) 22:17

Gba ti azo ti sioni angoro mbi kue, ala yeke tongana ambo so angoro tere ti mbi; ala koro ya ti amaboko ti mbi na agere ti mbi.

Abia (Psaumes) 71:7

Azo mingi abaa mbi tongana mbeni ye ti dongo be, me mo yeke tongana ngangu gbagba so mbi kpe daa ti bata tere ti mbi.

Ésaïe 50:6

Mbi zia peko ti mbi na azo so ayeke pika mbi, mbi yoro ngbangba ti mbi na azo so ayeke gboto kua ti yanga ti mbi. Azo so ayeke zonga mbi si ala yeke tuku ngu ti yanga na le ti mbi, mbi honde le ti mbi na ala pepe.

Matthieu 26:67

Na pekoni, ala tuku ngu ti yanga ti ala na le ti lo si ala kpo lo na gobo, ambeni apika ngbangba ti lo,

Matthieu 27:14

Me Jésus akiri tënë oko na lo pepe, nilaa li ti govoronere ni kue akpe.

Matthieu 7:28

So Jésus atene tënë so awe, li ti azo so abongbi kâ akpe ndali ti fango ye ti lo.

Marc 10:26

Na ndö ti tënë so, li ti adisiple ti Jésus akiri akpe kue si ala hunda tere na popo ti ala, atene: “So ye ni ayeke tongaso so, zo wa laa alingbi ti soo kuâ, zo wa?”

Marc 10:32

Jésus na adisiple ti lo ayeke na lege ti gue na Jérusalem; lo yeke tambula na dawa ti ala. Be ti ala ado, mbeto agbu azo so kue amu peko ti ala. Jésus akiri amu adisiple baleoko na use na tere ti lo si lo to nda ti fa na ala tënë ti ye so fade ayeke si na lo.

Marc 5:42

Gi hio tongaso, molenge-wali ni alondo si lo tambula. Lo yeke lani na ngu baleoko na use. So azo abaa ye so asi, li ti ala kue akpe.

Marc 6:51

Na pekoni, lo ko na ya ti ngo na tere ti ala si pupu ni akai. Li ti adisiple ti lo kue akpe,

Marc 7:37

Azo so ama tënë ni, li ti ala kue akpe si ala tene: “Ye so kue lo yeke sara ayeke nzoni mingi! Lo yeke sara nga si azo so mê ti ala akanga ama ndo si abuburu atene tënë!”

Nzoni Tënë so Luc asu na mbeti 2:47

Azo so kue ayeke ma lo, li ti ala kue akpe ndali ti hingango ye ti lo nga ndali ti atënë so lo yeke kiri na ni na ala.

Nzoni Tënë so Luc asu na mbeti 22:64

Ala kanga le ti lo na bongo si ala hunda lo, atene: “Sara tongana wayanga-Nzapa! Zo wa laa apika mo?”

Nzoni Tënë so Luc asu na mbeti 4:36

Li ti azo ni kue akpe si ala tene na popo ti ala, atene: “So mara ti tënë ti nyen laa? Lo yeke mu yanga na ngangu tongana gbia na asioni yingo si ala yeke sigigi!”

Nzoni Tënë so Luc asu na mbeti 5:26

Li ti azo ni kue akpe; ala yeke gonda Nzapa, mbeto agbu ala si ala tene: “Laso, e baa akota ye ti kpene!”