Ésaïe 52:12 - Mbeti ti Nzapa - Tënë so amu fini

¹² Ti so ni, ala yeke sigigi na loro pepe; ala yeke sigigi na ya ti kodro ni pepe tongana azo ayeke kpe kpengo, ngbanga ti so KOTA GBIA laa ayeke tambula na dawa ti ala; Nzapa ti Israel laa ayeke tambula na peko ti ala.

Ésaïe 52:12 ပူးပေါင်းရင်းမြစ်များ

1 Mbai 14:15

Tongana mo ma toto ti mbeni ye tongana toto ti gere ti zo na li ti akeke ni, fade mo yeke sigigi ti to nda ti bira ni, ngbanga ti so mbi Nzapa, mbi hon kozo ti mo awe ti tiri bira na aturugu ti Filistii.”

Sigingo 12:11

Lege so ala yeke te na nyama ni ayeke so: ala kanga kamba na ndö ti bongo ti ala, ala yu poro na gere ti ala, ala gbu keke na maboko ti ala. Ala te ni na loro. So ayeke *matanga ti Pake so ala yeke sara ndali ti mbi, KOTA GBIA laa.

Sigingo 12:33

Azo ti Ezipte abaa atene, ala yeke kui kue. Nilaa ala hunda na azo ti Israel ti londo na kodro ti ala hio ti hon.

Sigingo 12:39

Farini so ala gbu ya ni si ala mu na Ezipte aga na ni so, ala sara na mapa so mama ni ayeke daa pepe. Biani, na ndembe so a tumba ala na Ezipte, ala wara lege ti ku titene farini ni asuku pepe; ala wara nga lege ti mu kobe ti tengo ni na lege pepe.

Sigingo 14:8

KOTA GBIA asara si be ti Faraon, gbia ti Ezipte akpengba si lo to nda ti tumba peko ti azo ti Israel. Me azo ti Israel asigigi na Ezipte, ala yoro maboko ti ala na nduzu ti fa atene, ala sigigi na gbe ti ngbaa awe.

Ésaïe 26:7

*KOTA GBIA, zo ti mbirimbiri, lege ti lo ayeke mbirimbiri; mo yeke sara si lege ti zo ti mbirimbiri aba pepe.

Ésaïe 28:16

Ndani laa, tënë so Kota Gbia NZAPA atene ayeke so: “Baa, mbi zia na *Sion têne so mbi tara ni awe, ngangu têne ti gere ti da so a lu ni ngangu. Zo so aluti na ndö ni, fade lo yeke ti pepe.

Ésaïe 42:16

Mbi yeke sara si awaziba atambula na ndö ti lege so ala hinga pepe; mbi yeke sara si ala hon na ndö ti alege so ala hinga pepe. Na dawa ti ala, mbi yeke sara si vukongo ndo aga lumiere, lege so aba bango aluti mbirimbiri. Apialo so, fade mbi yeke sara ni, mbi yeke zia ni oko pepe.

Ésaïe 45:2

Fade mbi wani, mbi yeke tambula na dawa ti mo, alege so ayeke kûtukûtu, mbi yeke sara si aga kpangbara; ayanga ti gbagba so a sara na bengba wen, mbi yeke kungbi ni. Kota wen ti kangango na yanga ti gbagba, mbi yeke fâ ya ni.

Ésaïe 49:10

Nzara ti kobe na nzara ti ngu ayeke kiri ti sara ala pepe; pupu ti wâ ti benyama na sungo ti lâ ayeke zö ala pepe. Biani, mbi yeke baa mawa ti ala si mbi yeke fa lege na ala, mbi yeke gue na ala na ndo so li ti ngu ayeke daa.

Ésaïe 49:11

Mbi yeke sara titene ahoto kue aga nzoni lege, mbi yeke kiri ti kanga adu ti alege.

Ésaïe 51:14

Zo ti kanga so ye ahon ndö ti lo, fafadeso, a yeke zi lo; lo yeke kui na ya ti sururu ti lo pepe, kobe ayeke kiri ti tia lo pepe.

Ésaïe 57:18

Mbi baa lege ti sarango ye ti lo awe, me mbi yeke kai kobela ti lo. Mbi yeke fa lege na lo, mbi yeke sara titene be ti lo ade. Ti azo so ayeke sara mua ti lo,

Ésaïe 58:8

Tongaso, fade lumiere ti mo ayeke za tongana lâ ti ndaperere, ka ti mo ayeke mu hio. Mbirimbiri ti mo ayeke tambula na dawa ti mo, gonda ti KOTA GBIA ayeke tambula na peko ti mo.

Mishe 2:13

Lo so lo yeke zi lege, lo yeke tambula na dawa ti ala; a zi ala awe, ala hon yanga ti gbagba ni awe si ala sigigi awe. KOTA GBIA so ayeke Gbia ti ala laa amu li ti tambula ti ala ni.”

Wungo ti azo 10:25

Na peko ti ala kue ayeke azo ti mara ti Dan, ala na aturugu ti ala laa alondo ti hon. Ala yeke tambula na peko ti bendere ti mara ti ala. Ala laa ako nda ti tambula ni. Makonzi ti aturugu ti ala ayeke Ahiezer, molenge ti Amishadai.

Ndia ti fani use ni 16:3

Na ndembe ti matanga ni, mapa so a sara na mama ni, fade ala yeke te ni pepe. Na ya ti lango mbarambara, ala yeke te gi mapa so a sara na mama ni pepe, ngbanga ti so ala sigigi na loro na sese ti Ezipte. Tongana ala yeke te mapa ti ye ti vundu so, ala yeke dabe ti ala na lango so ala sigigi na sese ti Ezipte; ala yeke dabe ti ala na ni na lango ti fini ti ala kue.

Ndia ti fani use ni 20:4

Biani, KOTA GBIA Nzapa ti ala ayeke tambula legeoko na ala, lo yeke tiri bira na awato ti ala ndali ti ala ti sara si ala, azo ti Israel, ala so benda.”

Josué 4:11

So azo ni kue asi na mbage ti ngu ni awe, awayango-sandaga akiri amu li ti tambula ni, na sanduku ti mbuki ti KOTA GBIA.

Josué 6:9

Aturugu so amu li ni ayeke tambula na dawa ti awayango-sandaga so ayeke huru didi. Aturugu so ayeke tambula na peko ayeke mu peko ti sanduku ti mbuki ni. So ala yeke tambula, awayango-sandaga ayeke huru didi.

Awafango-ngbanga 4:14

Debora atene na Barak: “Londo! Baa, lango so KOTA GBIA aleke titene Sisra ati na maboko ti mo alingbi awe! KOTA GBIA wani laa ayeke tambula na dawa ti mo.” Barak alondo na li ti hoto ti Tabor si lo zu, lo na aturugu saki baleoko so ayeke na peko ti lo.