Ésaïe 51:9 - Mbeti ti Nzapa - Tënë so amu fini

⁹ Zingo, zingo hio si! Maboko ti *KOTA GBIA, mo fa ngangu ti mo! Zingo tongana ti so mo sara ando, tongana ti so mo sara na ngoi ti azo ti giriri. Mo laa mo fâ ando Rahab pepe? Mo laa mo kpo ando kota sioni nyama so akpa ngunde so pepe?

Ésaïe 51:9 ပူးပေါင်းရင်းမြစ်များ

Mbeti ti Job 26:12

Na lege ti ngangu ti lo, lo suru ya ti kota ngu-ingo; na lege ti hingango ndo ti lo, lo kinda Rahab, sioni nyama ti ngu.

Mbeti ti Job 9:13

Tongana Nzapa asara ngonzo, ngonzo ti lo ayeke kai pepe. Asioni nyama ti ngu, aye so amu peko ti Rahab ati na gbe ti Nzapa.

Abia (Psaumes) 21:13

Biani, mo yeke sara si ala kpe kirikiri, mo yeke gboto ya ti kokora ti mo ti pika na ala.

Abia (Psaumes) 44:1

Bia ti azo ti Kore; bia so ayeke ndali ti makonzi-bia. Bia ti fango ye na zo.

Abia (Psaumes) 44:2

Nzapa, e ma na mê ti e wani, ababâ ti e atene na e tënë ti akota ye so mo sara ando na ngoi ti ala, na ngoi ti giriri.

Abia (Psaumes) 44:23

Ndali ti mo laa a yeke fâ e lakue, a mu e tongana ataba so a yeke gue na ala na ndo ti fango ala.

Abia (Psaumes) 44:24

*Kota Gbia, mo zingo na lango ma! Mo lango ngbanga ti nyen? Mo zingo, mo ke e lakue lakue pepe!

Abia (Psaumes) 59:4

*KOTA GBIA, baa, ala honde tere ti ala ti fâ mbi; azo ti ngangu abongbi tere ti ala ti tiri na mbi, ataa so mbi sara sioni wala siokpari pepe.

Abia (Psaumes) 7:6

Tongana mbi sara aye tongaso, ayeke nzoni wato ti mbi atumba peko ti mbi, lo gbu mbi, lo bi mbi na sese, lo do ya ti mbi si lo sara mbi taa potopoto! Luti kete

Abia (Psaumes) 77:5

Mo sara si lango agbu le ti mbi pepe; li ti mbi aga kirikiri, mbi hinga ye so mbi lingbi ti tene pepe.

Abia (Psaumes) 78:65

Na pekoni, KOTA GBIA azingo na lango tongana zo so azingo na lango, tongana ngangu zo ti bira so samba ayapu lo.

Abia (Psaumes) 87:4

“Na popo ti azo so ahinga mbi, mbi diko azo ti Ezipte na ti Babilone, azo ti Filistii, ti Tir na ti Etiopii; a du zo oko oko na kodro ti lo.

Abia (Psaumes) 89:10

Mo laa mo yeke kanga lege na baba ti kota ngu-ingo; tongana *amapo ti lo alondo, mo laa mo yeke kai ni.

Abia (Psaumes) 89:11

Mo laa mo fâ Rahab si mo nika kuâ ti lo nikango. Na lege ti ngangu ti mo, mo sara si awato ti mo akpe kirikiri.

Abia (Psaumes) 93:1

*KOTA GBIA ayeke gbia, lo yu gonda tongana bongo, lo kanga ngangu na tere ti lo tongana kamba ti ndö ti bongo. Biani, sese aluti ngangu, ye ayeke yingi ni pepe.

Sigingo 6:6

Ndani laa, fade mo yeke tene na azo ti Israel, mo tene: ‘Mbi laa mbi yeke KOTA GBIA. Mbi yeke zi ala na gbe ti akua ti ngbaa ti Ezipte; mbi yeke zi ala na gbe ti ngbaa so azo ti Ezipte azia ala daa. Mbi yeke yoro maboko ti mbi si mbi yeke fâ ngbanga ti ngangu na ndö ti azo ti Ezipte si mbi yeke zi ala, azo ti Israel.

Ésaïe 27:1

Na lango ni so, *KOTA GBIA ayeke mu kota yongoro zeme so yanga ni aza mingi si akpengba ti ga na tere ti Leviatan, ngbo so ayeke kpe kpengo; Leviatan, ngbo so ayeke na mayere mingi. Lo yeke fâ sioni nyama so ayeke na ya ti kota ngu-ingo so.

Ésaïe 30:7

Biani, maboko so Ezipte amu ayeke ye senge, alingbi ti sara ye oko pepe. Ndani laa mbi di iri ti kodro ni “Rahab so angba gi ndo oko”.

Ésaïe 51:17

Jérusalem, zingo, zingo hio si! Londo! *KOTA GBIA amu lani na mo kopo so ngonzo ti lo asi ya ni; mo nyon ni, mo nyon ni kue, ni laa asara si li ti mo aga kirikiri so.

Ésaïe 51:5

Zingo azo so mbi yeke zi ala aga nduru awe, songo azo na kuâ so mbi yeke soo ala asigigi awe. Mbi yeke fâ ngbanga ti azo na ngangu. Fade azo ti azoa ayeke zia be ti ala ti ku mbi, ala yeke ku ngangu ti maboko ti mbi.

Ésaïe 52:1

*Sion, zingo, zingo hio si! Mo fa ngangu ti mo! Jérusalem, gbata so ayeke nde si ayeke nzoni kue, yu apendere bongo ti mo! Biani, azo so afâ *ganza pepe nga na azo so aga *sioni awe ayeke kiri ti si na ndo ti mo pepe.

Ésaïe 52:10

Na le ti amara nde kue, KOTA GBIA amu lege na maboko ti lo ti sara kua ti lo so ayeke nde si ayeke nzoni kue. Fade azo ti nda ti sese kue ayeke baa lege so Nzapa ti e ayeke soo e na kuâ.

Ésaïe 53:1

Zo wa laa ayeda na tënë so e ma? Zo wa laa ahinga ngangu ti maboko ti KOTA GBIA?

Ésaïe 62:8

KOTA GBIA adeba, atene: “Na lege ti maboko ti mbi ti koli nga na ngangu ti mbi, mbi yeke kiri ti zia lege na awato ti mo pepe titene ala te ale ti *ble ti mo. Vin ti mo so mo baa pasi ndali ni so, fade awande ayeke kiri ti nyon ni pepe.

Ezekiel 29:3

Mo tene na lo: Tënë so Kota Gbia NZAPA atene ayeke so: Mbi yeke ga na tere ti mo, Faraon, gbia ti Ezipte. Mo yeke tongana kota sioni nyama so akpa ngunde si alango na ya ti angu ti Nil. Mo tene: ‘Ngu ti Nil ayeke ti mbi; mbi wani laa mbi sara ni.’

Mishe 7:15

Sara titene e baa aye ti kpene ti mo tongana ti so mo sara ando na ndembe ti sigingo ti e na kodro ti Ezipte.

Habakuk 2:19

“Mawa na mo, mo so mo tene na nduru keke, mo tene: ‘Londo!’, wala mo tene na têne so ayeke buburu, mo tene: ‘Zingo!’ Têne ni ayeke fa ye na zo? Ataa a kanga lôro na wen ti nginza na tere ni, lo yeke na fini pepe.

Habakuk 3:13

Mo ga ti soo azo ti mo, mo ga ti soo zo so mo zia lo gbia. Mo kinda makonzi ti asioni zo, mo hunzi nga azo ti lo kue. Luti kete

Zakarii 10:11

Fade ala yeke fâ kota ngu-ingo ti pasi; mbi KOTA GBIA, mbi yeke pika *amapo ti kota ngu-ingo ni. Ataa agbe ti *bale ti Nil ayeke hole kue. Baba ti azo ti Asirii ayeke ti si komandema ti gbia ti Ezipte ayeke hon.

Zakarii 2:13

Biani, mbi yeke yoro maboko ti mbi ti pika amara ni so. Tongaso, azo so amara ni agbu ala lani na ngbaa so, angbaa ni ayeke kiri ti gbu amara ni tongana aye so a gbu na peko ti bira.” Tongana ye ni asi, fade ala yeke hinga atene, KOTA GBIA so ayeke na ndö ti dunia kue laa atokua mbi.

Nzoni Tënë so Luc asu na mbeti 1:51

Lo sara akota ye na lege ti ngangu ti lo: lo kangbi popo ti azo so ayeke gonda tere ti ala na ya ti be ti ala wani.

Jean 12:38

Tongaso, tënë so Ésaïe, wayanga-Nzapa atene aga taa-tënë, lo tene: “*Kota Gbia, zo wa laa ayeda na tënë so e tene? Kota Gbia afa ngangu ti lo na zo wa?”

Awatokua 7:7

Me fade mbi yeke fâ ngbanga na li ti azo ti mara so asara ala na ngbaa so si na pekoni, ala yeke sigigi na kodro ti ngbaa ni ti ga ti voro mbi na ndo so.’

Ndia ti fani use ni 4:34

Mbeni nzapa nde atara laoko ti gue ti zi azo ti lo na gbe ti mbeni mara nde awe? Oko pepe, me KOTA GBIA Nzapa ti ala, azo ti Israel, ague, azi ala na sese ti Ezipte; ala wani abaa na le ti ala. Lo zi ala na lege ti ngangu ti maboko ti lo nga na lege ti maboko ti lo so lo yoro; na lege ti akota pasi, aye ti kpene na aye ti dongo be, akota ye ti ngangu nga na aye so ayeke zia mbeto na be ti zo.

Aye so Nzapa afa 11:17

si ala tene: “Kota Gbia Nzapa, mo so ngangu ti mo ahon angangu kue, mo yeke laso, mo yeke ando, e mu singila na mo; mo fa kota ngangu ti mo awe si mo to nda ti le-gbia.

Aye so Nzapa afa 12:9

A bi sioni nyama ni na gigi. Lo yeke ngbene ngbo so azo airi lo atene, Zabolo wala Satan, wala zo ti handango azo ti dunia kue. A bi lo na ndö ti sese, lo na a-ange ti lo.

Awafango-ngbanga 6:13

Gédéon atene na lo: “Babâ, mbi gbu gere ti mo! Tongana KOTA GBIA ayeke na e, ngbanga ti nyen laa aye so kue asi na e? Aye ti dongo be so lo sara si akotara ti e atene tënë ni ando so ayeke na ndo wa? Ala yeke tene ka na e biani, ala tene: ‘KOTA GBIA laa asara si e sigigi na sese ti Ezipte!’ Fadeso, KOTA GBIA ado e azia awe; lo zia e na maboko ti azo ti Madian!”