Ésaïe 51:6 - Mbeti ti Nzapa - Tënë so amu fini

⁶ Ala yo le ti ala, ala baa ndo na yayu, na pekoni, ala baa ndo na sese: fade yayu ayeke hon tongana guru ti wâ, sese ayeke buba tongana gbagba bongo, azo ti ndö ti sese ni ayeke kui tongana avuma. Me zingo azo ayeke ngba kpu na kpu, songo azo so mbi yeke ga ti soo ala ayeke ngba lakue lakue.

Ésaïe 51:6 ပူးပေါင်းရင်းမြစ်များ

Abia (Psaumes) 103:17

Me nzoni be ti KOTA GBIA angba ngbene ye kpu na kpu, lakue lakue ndali ti azo so akpe mbeto ti lo. Lo ngba ti sara ye ti mbirimbiri na amolenge ti amolenge ti ala,

Abia (Psaumes) 111:3

Aye so lo sara ayeke pendere mingi si ane mingi; batango tënë ti yanga ti lo so lo yeke bata angba kpu kpu.

Ésaïe 13:13

Ndani laa, fade yayu ayeke yingi si gere ti sese ayeke do na lege ti ngonzo ti KOTA GBIA so ayeke na ndö ti dunia kue, na lango so ngonzo ti lo ni ayeke londo tongana wâ.

Ésaïe 33:6

Ti ala azo ti KOTA GBIA, na ya ti fini ti ala, mbeni ye ti sioni alingbi ti si na ala pepe. Dutingo na ndara na hingango Nzapa ayeke nzoni ye so ayeke soo ala; kpengo mbeto ti KOTA GBIA, so mosoro ti ala laa!

Ésaïe 34:4

Aye so kue ayeke na le ti nduzu ayeke hon kirikiri, le ti nduzu ayeke rule tere ti lo tongana mbeni mbeti. Aye so kue ayeke na le ti nduzu ayeke tuku tongana aholengo kugbe ti keke ti vinye wala ti keke ti fige.

Ésaïe 40:26

Ala yo le ti ala na nduzu, ala baa ndo: Zo wa laa asara atongoro, zo wa? Zo wa laa asara si ala yeke tambula na molongo tongana aturugu so, zo wa? Lo yeke iri ala oko oko kue na iri ti ala. Na lege ti kota ngangu ti lo nga na kota komandema ti lo, tongoro oko so ake ti ga na iringo ndo ti lo ayeke daa pepe.

Ésaïe 45:17

Me KOTA GBIA asoo azo ti Israel, lo soo ala ndali ti lakue lakue. Fade kamene ayeke sara ala pepe, kamene ayeke gbu le ti ala pepe lakue lakue, kpu na kpu.

Ésaïe 50:9

Kota Gbia NZAPA laa ayeke mu na mbi maboko. Zo wa laa alingbi ti fâ ngbanga na li ti mbi? Biani, fade awato ti mbi ayeke buba kue tongana gbagba bongo so akangi ate ni kue.

Ésaïe 51:8

Fade kangi ayeke te ala tongana ti so lo yeke te bongo, kangi ayeke te ala tongana ti so lo yeke te bongo so a sara na kua ti tere ti taba. Me songo so mbi yeke ga ti soo azo na kuâ ayeke ngba lakue, zingo azo ayeke ngba kpu na kpu.”

Ésaïe 54:10

Ataa ahoto ahon na mbeni ndo nde, ataa akete hoto ayingi, fade ndoye ti mbi na mbage ti mo ayeke hunzi laoko pepe, *mbuki ti siriri ti mbi na mo ayeke yingi laoko pepe. Mbi KOTA GBIA so mbi yeke baa mawa ti mo laa mbi tene tënë so na mo.”

Ésaïe 54:9

“Mbi yeke sara ye tongana ti so mbi sara ando na ngoi ti Noe. Ando, mbi deba yanga ti mbi, mbi tene, fade ngu ayeke kiri ti suku ti mu ndö ti sese kue pepe. Legeoko nga, mbi deba yanga ti mbi, mbi tene, fade mbi yeke kiri ti sara ngonzo na tere ti mo pepe, mbi yeke kiri ti suku na mo pepe.

Daniel 9:24

A diko ngoi mbarambara fani balembarambara ndali ti azo ti mo nga ndali ti gbata ti mo so ayeke nde si ayeke nzoni kue. A diko ngoi ni titene sioni sarango ye na siokpari akai, titene a zi siokpari na li ti azo si mbirimbiri ti Nzapa angba lakue lakue, titene aye so zo abaa na ya ti mbeni ye tongana bango-li na tenengo peko ti tënë ti yanga ti Nzapa aga taa-tënë, titene kota da ti Nzapa so ayeke nde si ayeke nzoni kue, azo akiri azia ni nde ndali ti lo.

Matthieu 24:35

Fade yayu na sese ayeke hon, me atënë ti mbi ayeke hon oko pepe.”

Jean 5:24

“Biani, mbi tene na ala taa-tënë: zo so ama tënë ti mbi si lo ma na be na lo so atokua mbi, lo yeke na fini so angba lakue lakue. A yeke fâ ngbanga na li ti lo pepe, me lo sigigi na ya ti kuâ awe si lo yeke na fini.

Ndia ti fani use ni 4:19

Tongana ala yo le ti ala na nduzu ti baa lâ, nze, atongoro, na aye so kue ayeke mingi mingi na le ti nduzu, mbeni ye ahanda ala pepe ti kuku na gbe ti aye ni, ala voro ala nga pepe. KOTA GBIA Nzapa ti ala azia aye ni so na tanga ti amara ti ndö ti sese so.

2 Tesalonike 2:16

Nzapa Babâ ti e aye e. Na lege ti nzoni be ti lo, lo mu ngangu na be ti e si angba lakue lakue, lo mu na e nzoni ye so e zia be ti e daa ti ku. E hunda na lo nga na Kota Gbia ti e Jésus Christ

Ahebro 5:9

So lo sara aye so kue lo lingbi fade ti sara awe, Jésus aga zo ti songo azo so kue ayeke ma yanga ti lo si lo yeke sara titene ala duti na fini lakue lakue.

Ahebro 9:12

So Christ ali na ya ti da ti bongo ni, lo li fani oko biani biani na ndo so ayeke nde si ayeke nzoni kue ahon atanga ni. So lo li, lo ya mene ti angasa wala mene ti akete bagara pepe, me lo ya mene ti lo wani si lo zi e biani biani na ya ti asiokpari awe.

Ahebro 9:15

Ndani laa, Christ ayeke zo ti lekengo songo na popo ti azo na Nzapa na lege ti mbeni fini mbuki. Azo so Nzapa airi ala alingbi ti wara anzoni ye so ayeke ngba ande lakue lakue, aye so Nzapa amu zendo ni. Azo ni so alingbi ti wara aye ni, ngbanga ti so Christ akui awe si na lege ti kuâ ti lo, azo so asara siokpari na ndembe so ala ngba na gbe ti kozo mbuki, lo lingbi ti zi ala na ya ti siokpari.

Aye so Nzapa afa 20:11

Na pekoni, mbi kiri mbi baa mbeni kota vuru mbata ti gbia. Mbi baa nga lo so ayeke duti na ndö ni so. Sese na yayu alondo na dawa ti lo, akpe ahon, a kiri a baa ala mbeni pepe.