Ésaïe 51:5 - Mbeti ti Nzapa - Tënë so amu fini

⁵ Zingo azo so mbi yeke zi ala aga nduru awe, songo azo na kuâ so mbi yeke soo ala asigigi awe. Mbi yeke fâ ngbanga ti azo na ngangu. Fade azo ti azoa ayeke zia be ti ala ti ku mbi, ala yeke ku ngangu ti maboko ti mbi.

Ésaïe 51:5 ပူးပေါင်းရင်းမြစ်များ

Abia (Psaumes) 110:6

Lo fâ ngbanga na li ti amara kue; akuâ ayeke gi na ndoni na ndoni; na ndö ti sese kue, lo nika azo ti li ni.

Abia (Psaumes) 67:4

Nzapa, ayeke nzoni azo amu singila na mo; ayeke nzoni azo kue legeoko amu singila na mo!

Abia (Psaumes) 85:9

Mbi ye ti ma tënë so KOTA GBIA Nzapa atene: lo tene tënë ti siriri na azo ti lo, na azo ti lo ti nzoni be. Me ayeke nzoni ala kiri asara ye ti buba ti ala pepe.

Abia (Psaumes) 96:13

na dawa ti KOTA GBIA! Biani, lo yeke ga, lo yeke ga ti fâ ngbanga ti azo ti sese; lo yeke fâ ngbanga ti azo ti dunia so mbirimbiri, lo yeke fâ ngbanga ti azo na lege ti taa-tënë.

Abia (Psaumes) 98:9

na dawa ti KOTA GBIA! Biani, lo yeke ga ti fâ ngbanga ti azo ti sese so. Fade lo yeke fâ ngbanga ti azo ti dunia so mbirimbiri, lo yeke fâ ngbanga ti azo na legeni.

Ésaïe 11:11

Na lango ni so, *KOTA GBIA ayeke yoro maboko ti lo ti fani use ti zi tanga ti azo ti lo ti kiri na ala na kodro ti ala: azo ti lo so angba na fini na sese ti Asirii, ti Ezipte, ti Patros, ti Kush, ti Elam, ti Shinear nga na ti Hamat na ala so ayeke na ya ti azoa so ayeke na le ti kota ngu-ingo.

Ésaïe 24:15

“Ala so ayeke na mbage ti To, ala gonda KOTA GBIA. Ala so ayeke na ya ti azoa ti kota ngu-ingo, ala he bia ti gonda na iri ti KOTA GBIA, Nzapa ti Israel.”

Ésaïe 26:4

Ala zia be ti ala na ndö ti KOTA GBIA lakue lakue, ngbanga ti so KOTA GBIA ayeke tongana kota têne so aluti kpu na kpu.

Ésaïe 33:2

*KOTA GBIA, baa mawa ti e! E zia be ti e ti ku mo. Lakue na ndaperere, mo ga ngangu ti e, mo ga wasongo e na ndembe ti ye ti ngangu.

Ésaïe 33:22

Biani, KOTA GBIA ayeke fâ ngbanga na popo ti e, lo laa lo yeke fa na e ndia. KOTA GBIA ayeke gbia ti e, lo laa lo yeke soo e.

Ésaïe 40:10

Baa Kota Gbia NZAPA laa. Lo yeke ga na ngangu kue; ngangu ti lo alingbi titene lo sara komandema. Futa ti lo ayeke na maboko ti lo, lo yeke ga na ye so lo wara na peko ti kua ti lo.

Ésaïe 42:4

Ngangu ti lo ayeke hunzi pepe, be ti lo ayeke woko pepe ngbii lo fa lege ti sarango ye ti mbirimbiri na ndö ti sese. Azo ti azoa ayeke zia be ti ala ti ku fango ye ti lo.”

Ésaïe 46:13

Mbi yeke sara titene mbirimbiri ti mbi aga; akiri angba yongoro pepe. Tënë ti songo zo na kuâ aga nduru awe. Mbi yeke ga na tënë ti songo zo na *Sion. Biani, mbi yeke ga na ye so ayeke pendere mingi na Israel.

Ésaïe 49:1

Ala so ayeke lango na yongoro ndo, ala ma mbi! Ala so ayeke na yongoro ndo, ala dingi mê ti ala, ala ma! Kozo titene a du mbi, *KOTA GBIA airi mbi; gi so mbi de na ya ti mama ti mbi, lo di iri ti mbi.

Ésaïe 54:17

Aye ti bira so kue a leke ti tiri na ni na mo, alingbi ti sara ye oko na mo pepe. Zo so kue ayeke bi tënë na li ti mo na le ti ngbanga, mo yeke sara si ngbanga ati na li ti lo. Baa ye so mbi bata ndali ti azo ti kua ti mbi, KOTA GBIA laa. Baa lege so mbi yeke fâ ngbanga ti ala laa; so tënë ti yanga ti mbi KOTA GBIA laa.”

Ésaïe 56:1

Tënë so *KOTA GBIA atene ayeke so: “Ala bata ndia, ala sara ye so ayeke mbirimbiri, ngbanga ti so mbi ga nduru ti soo ala awe, ala ga nduru ti baa mbirimbiri ti mbi awe.

Ésaïe 59:16

Lo baa so zo oko ti sara ye ayeke daa pepe; li ti lo akpe, ngbanga ti so zo oko ti mu maboko ayeke daa pepe. Tongaso, maboko ti lo laa asara si lo so benda; mbirimbiri ti lo laa amu ngangu na lo ti sara ye ni.

Ésaïe 60:9

Biani, akodro so ayeke na ya ti azoa azia be ti ala ti ku mbi. Amangboko ti Tarsis ahon kozo, ala londo yongoro si ayeke ga na amolenge ti mo; ala yeke ga na wen ti nginza nga na lôro. Ala ga ti gonda KOTA GBIA, Nzapa ti mo, Nzapa ti Israel so ayeke nde si ayeke nzoni kue, Nzapa so amu nengo na mo.

Ésaïe 62:11

Tënë so KOTA GBIA atene titene azo ti nda ti sese kue ama ayeke so: “Ala tene na gbata ti Sion, atene: Wasongo mo ayeke ga; azo so lo wara ala, lo yeke ga na ala, lo yeke ga na ye so lo wara na peko ti kua ti lo.”

Ésaïe 63:5

Mbi baa ndo, me zo oko ti mu maboko na mbi ayeke daa pepe. Li ti mbi kue akpe, me zo oko ti sara na mbi ayeke daa pepe. Tongaso, maboko ti mbi laa asara si mbi so benda; sioni ngonzo ti mbi laa amu na mbi ngangu ti sara ye ni.

Sofonii 2:11

Fade KOTA GBIA ayeke zia kota mbeto na be ti ala, lo yeke hunzi anzapa ti sese kue. Tongaso, ataa amara so kue ayeke na yongoro ndo, ala yeke kuku akpo li ti ala na sese na dawa ti lo, zo oko oko na kodro ti lo.

Matthieu 28:18

Jésus aga nduru na tere ti ala si lo tene na ala: “A mu na mbi ngangu kue na yayu nga na sese.

Matthieu 3:2

lo tene: “Ala zia ngbene lege ti sarango ye ti ala, ngbanga ti so *Kodro-gbia ti yayu aga nduru awe!”

Marc 16:15

Na pekoni, lo tene na ala: “Ala gue na ndö ti dunia kue, ala fa Nzoni Tënë na azo kue.

Nzoni Tënë so Luc asu na mbeti 24:47

Na iri ti lo, fade azo ayeke fa Nzoni Tënë na amara kue, ti to nda ni na Jérusalem. Ala yeke tene na azo titene ala zia ngbene lege ti sarango ye ti ala, ala kiri na Nzapa si fade Nzapa azi siokpari na li ti ala.

Awatokua 17:31

Lo leke mbeni lango awe so lo yeke fâ ande ngbanga na li ti azo kue na legeni. Lo soro wafango-ngbanga ni awe, lo fa zo ni na azo kue na lege ti so lo zingo lo na kuâ.”

Rome 2:16

Ye so ayeke sigigi polele na lango ti fango ngbanga laa. Tongana ti so Nzoni Tënë so mbi yeke fa atene tënë ni, na lango ni so, fade Nzapa ayeke fâ ngbanga ti ye so kue azo ayeke sara na hondengo ni, na lege ti Jésus Christ.

2 Korente 5:10

Biani, fade e kue, e yeke si na le ti ngbanga ti Christ titene zo oko oko awara ye ti peko ti aye so lo sara na ngoi so lo yeke na fini na ndö ti sese so: nzoni ni wala sioni ni.

Ndia ti fani use ni 30:14

Biani, tënë ni ayeke nduru na ala, ayeke na yanga ti ala, ayeke na ya ti be ti ala titene ala sara ye alingbi na ni.

1 Samuel 2:10

Azo so alondo ti tiri na KOTA GBIA, fade lo yeke kungbi ya ti ala. Na nduzu kâ, lo yeke tokua bekpa ti sungba na ndö ti ala. Fade KOTA GBIA ayeke fâ ngbanga ti azo ti sese kue. Lo yeke mu ngangu na zo so lo zia lo gbia; zo so KOTA GBIA asoro lo ti ga gbia, fade lo sara si lo wara ngangu mingi.”