Ésaïe 51:3 - Mbeti ti Nzapa - Tënë so amu fini

³ KOTA GBIA abaa mawa ti *Sion, lo baa mawa ti aye ti lo so kue abuba. Ndo ti lo so ayeke tongana benyama, lo yeke sara si aga tongana yaka ti Eden; ndo ti lo so ngu ayeke daa pepe, lo yeke sara si aga yaka ti KOTA GBIA. Na ya ti gbata ni, fade azo ayeke duti na ngia si ala yeke sara ngia, ala yeke he bia ti gondango Nzapa si ala yeke pika mozoko.

Ésaïe 51:3 ပူးပေါင်းရင်းမြစ်များ

Tongo nda ti aye 13:10

Lot ayo le ti lo na nduzu, lo baa so sese ti tere ti ngu ti Jourdain, ngu asua na ya ni nzoni mingi. Kozo titene KOTA GBIA abuba agbata ti Sodome na Gomore, nzoni sese ni ague ngbii asi na Soar, sese ni ayeke tongana yaka ti KOTA GBIA, wala tongana kodro ti Ezipte.

Abia (Psaumes) 85:8

KOTA GBIA, fa na e nzoni be ti mo, soo e na kuâ!

Ésaïe 12:1

Na lango ni so, fade mo yeke tene: “*KOTA GBIA, mbi mu na mo singila, ngbanga ti so mo sara lani ngonzo na tere ti mbi, me ngonzo ni ade awe, mo de be ti mbi awe.

Ésaïe 25:9

Na lango ni so, fade azo ayeke tene: “*KOTA GBIA laa ayeke Nzapa ti e. E zia be ti e lani ti ku lo si lo soo e. KOTA GBIA laa e zia be ti e ti ku lo. Ayeke nzoni e duti na ngia, e dodo na ngia, ndali so lo soo e awe!

Ésaïe 35:6

Azo so gere ti ala abuba, ala yeke huru tongana dengbe, yanga ti buburu ayeke zi si lo yeke dekongo na ngia. Biani, ngu ayeke sigigi na ya ti benyama, ngu ayeke sua na lando so ngu ayeke daa pepe.

Ésaïe 41:16

Mo yeke pe ya ti ala si pupu ayeke mu ala ti hon na ala; kota pupu ayeke kangbi ya ti ala kirikiri. Me ti mo, mo yeke dodo na ngia ndali ti KOTA GBIA, mo yeke pika kate ti mo ndali ti Nzapa ti Israel, lo so lo yeke nde si lo yeke nzoni kue.”

Ésaïe 43:19

Baa, mbi yeke sara mbeni fini ye, fini ye ni aga nduru ti si awe; ade ala baa ni pepe? Biani, mbi yeke suru lege na ya ti benyama, mbi yeke sara titene *abale asua na ndo so ahole holengo.

Ésaïe 44:26

Mbi yeke sara ye alingbi na tënë so zo ti kua ti mbi atene; mbi yeke sara si apialo so awatokua ti mbi atene tënë ni aga nzoni. Tënë so mbi tene na ndö ti Jérusalem ayeke so: ‘Fade azo ayeke kiri ti lango na ya ni’. Tënë so mbi tene na ndö ti agbata ti Juda ayeke so: ‘Fade a yeke kiri ti leke ni; aye so a kungbi na sese, fade mbi yeke kiri ti leke ni na nduzu.’

Ésaïe 49:13

Yayu, he bia na ngia! Sese, dodo na ngia! Ahoto, ala dekongo na ngia! Biani, KOTA GBIA asara si be ti azo ti lo akiri ade, lo baa mawa ti azo so ayeke baa pasi.

Ésaïe 49:19

Ti fadeso, mo yeke na popo ti aye so abuba awe, kodro ti mo aga ngonda awe, sese so aga ndo ti gba ti atêne; fade ndo ni ayeke ga kete mingi, ayeke lingbi na azo so ayeke lango daa pepe. Me azo so lani abuba mo so ayeke hon yongoro na tere ti mo.

Ésaïe 49:8

Tënë so KOTA GBIA atene ayeke so: “Na ndembe so alingbi, mbi kiri tënë na mo; na lango ti songo azo na kuâ, mbi mu na mo maboko. Mbi bata mo titene na lege ti mo, mbi na azo, e ga *ambuki. Mbi yeke yo kodro ti Israel na nduzu, mbi yeke kiri ti kangbi na azo sese so lani ayeke ti ala si abuba so.

Ésaïe 51:12

*KOTA GBIA atene: “Mbi, mbi laa mbi yeke de be ti ala. Azo ti mbi, ala yeke sara mbeto ti zo so ayeke kui kuingo so ngbanga ti nyen? Fini ti lo ayeke tongana pere.

Ésaïe 52:9

Ando ti Jérusalem so abuba so, ala dekongo na ngia! KOTA GBIA ayeke de be ti azo ti lo, lo yeke zi Jérusalem na gbe ti ngbaa.

Ésaïe 61:10

Mbi yeke na ngia mingi ndali ti *KOTA GBIA. Be ti mbi asi singo na ngia ndali ti Nzapa ti mbi. Biani, lo soo mbi na kuâ si aga tongana bongo ti matanga na tere ti mbi. Lo yu mbirimbiri na tere ti mbi tongana kota bongo. Mbi kpa koli so amu wali na fini ni si lo zia kpoto ti gbia na li ti lo tongana ti wayango-sandaga, wala wali so amu koli na fini ni si lo yu aye ti pendere.

Ésaïe 65:18

Me ala duti na ngia, ala dodo na ngia lakue ndali ti ye so mbi yeke sara. Mbi yeke sara Jérusalem titene ngia asi singo na be ti lo si ngia asi singo na be ti azo ti gbata ni.

Jérémie 31:25

Biani, azo so awoko na nzara ti ngu, fade mbi yeke mu na ala ngu ti nyon; azo so ngangu atia ala, mbi yeke mu na ala kota ngangu.

Ezekiel 28:13

Mo yeke lango na Eden, yaka ti Nzapa; atêne ti ngangu ngere ndenge na ndenge akanga tere ti mo: rubis, topaze na diaman, krizolite, kornaline na zaspe, safir, grena na emerode. Aye ti pendere so mo yeke yu, a sara ni na lôro, a leke ni gi na lango so a sara mo.

Ezekiel 36:11

Mbi yeke sara titene azo na anyama awu mingi. Ala yeke du amolenge si ala yeke ga gbani gbani; mbi yeke sara titene ala kiri awu mingi ahon ti giriri, mbi yeke sara nzoni na ala ahon ti kozo. Tongaso, fade ala yeke hinga atene, mbi laa mbi yeke KOTA GBIA.

Ezekiel 36:35

Fade azo ayeke tene: ‘Sese so lani abuba so, akiri aga tongana yaka ti Eden. Agbata so lani aga ndo ti gba ti atêne, abuba, a kungbi ni na sese, a kiri asara ngangu gbagba na tere ni si azo alango daa.’

Joël 2:3

Na dawa ti ala, wâ ayeke gbi ye kue, na peko ti ala, menga ti wâ ayeke gbi ye kue. Kozoni si ala ga, sese ayeke tongana yaka ti Eden; na peko ti ala, sese ni aga tongana benyama, ndo so ye kue abuba daa; mbeni ye so ala zia angba ayeke daa pepe.

1 Pierre 1:8

Ataa so ala baa lo pepe, ala ye lo; ataa so ala de ti baa lo pepe, ala ma na be na lo. Ndani laa ala yeke duti na kota ngia, ngia so ahon ndoni, zo alingbi ti tene tënë ni pepe.