Ésaïe 51:22 - Mbeti ti Nzapa - Tënë so amu fini

²² Kota Gbia ti mo, KOTA GBIA Nzapa ti mo, lo so lo yeke gbu koko ti azo ti lo, tënë so lo tene ayeke so: “Kopo so ayeke sara si li ti mo aga kirikiri, kopo so ngonzo ti mbi ayeke na ya ni, mbi yeke zi ni na maboko ti mo. Fadeso, mo yeke kiri ti nyon ni pepe.

Ésaïe 51:22 ပူးပေါင်းရင်းမြစ်များ

Abia (Psaumes) 35:1

Bia ti David. *KOTA GBIA, bi tënë na li ti azo so ayeke bi tënë na li ti mbi; tiri na azo so ayeke tiri na mbi.

Abia (Psaumes) 60:3

O Nzapa, mo ke e awe, mo sara si e kangbi kirikiri. Mo sara ngonzo awe: kiri ngangu na e maa!

Amato 22:23

Biani, fade KOTA GBIA ayeke gbu koko ti ala; azo so azi aye ti awayere na ti azo ti mawa ni so, fade KOTA GBIA ayeke zi fini ti ala.

Ésaïe 29:9

Li ti ala akpe, tënë ahunzi na yanga ti ala! Ala ga awaziba, ala ngba gi tongaso! Samba ahon ndö ti ala, me samba laa ala nyon pepe. Ala tambula kirikiri, me ngangu samba laa asara ala pepe.

Ésaïe 3:12

KOTA GBIA atene: “Azo ti mbi, azo so ayeke sara ngangu na ala ayeke gi amolenge, awali laa ayeke sara komandema na ndö ti ala. Azo ti mbi, azo so ayeke fa lege na ala asara si ala girisa lege, ala yeke fa na ala sioni lege.”

Ésaïe 3:13

*KOTA GBIA alondo ti fâ ngbanga; lo luti ti fâ ngbanga na li ti amara.

Ésaïe 49:25

Biani, tënë so KOTA GBIA atene ayeke so: “Ngbaa so ngangu zo ti bira agbu lo, mbi yeke gboto ngbaa ni na maboko ti lo. Ye so zo ti sarango ngangu na azo agbu na bira, mbi yeke gboto ni na maboko ti lo. Jérusalem, mbi wani laa mbi yeke tiri na azo so atiri na mo si mbi yeke soo amolenge ti mo.

Ésaïe 51:17

Jérusalem, zingo, zingo hio si! Londo! *KOTA GBIA amu lani na mo kopo so ngonzo ti lo asi ya ni; mo nyon ni, mo nyon ni kue, ni laa asara si li ti mo aga kirikiri so.

Ésaïe 62:8

KOTA GBIA adeba, atene: “Na lege ti maboko ti mbi ti koli nga na ngangu ti mbi, mbi yeke kiri ti zia lege na awato ti mo pepe titene ala te ale ti *ble ti mo. Vin ti mo so mo baa pasi ndali ni so, fade awande ayeke kiri ti nyon ni pepe.

Jérémie 25:15

Tënë so *KOTA GBIA, Nzapa ti Israel atene na mbi ayeke so: “Mu na maboko ti mbi kopo ti vin so; ngonzo ti mbi asi singo na ya ni. Mu ni na amara so kue mbi yeke tokua mo na mbage ti ala titene ala nyon.

Jérémie 50:34

Me wagbungo-koko ti ala ayeke ngangu; iri ti lo ayeke ‘KOTA GBIA so ayeke na ndö ti dunia kue’. Fade lo yeke gbu koko ti ala ngangu ti sara si sese ni awara siriri si azo ti Babilone ado na mbeto.”

Jérémie 51:36

Tënë so *KOTA GBIA atene ndali ti Jérusalem ayeke so: “Mbi yeke mu tënë ti mo na maboko si azo so asara sioni na mo so, mbi yeke kiri na peko ti sioni ni na ala. Mbi yeke sara titene kota *bale ti lo ahole si ali ti ngu ti lo ahole kue.

Abia ti demango tere 3:15

Lo mu na mbi asengo pere si mbi te ahon ndö ti mbi; lo mu na mbi ye so asee sioni si mbi nyon ahon ndö ti mbi.

Abia ti demango tere 3:58

KOTA GBIA, mo gbu koko ti mbi awe; mo soo fini ti mbi awe.

Ezekiel 39:29

Mbi yeke kiri ti honde le ti mbi na ala pepe, ngbanga ti so mbi tokua yingo ti mbi na ndö ti azo ti Israel awe. So tënë ti yanga ti Kota Gbia NZAPA laa.”

Joël 3:2

Na ya ti alango ni so, ataa azo ti kua ti koli na ti wali, mbi yeke sara titene Yingo ti mbi aga na ndö ti ala.

Abdias 1:16

“Lani ala, azo ti Israel, ala nyon kopo ti ngonzo ti mbi na ndö ti hoto ti mbi so ayeke nde si ayeke nzoni kue; legeoko nga, fade amara nde ayeke nyon ni, ala wu tere ti ala pepe. Ala yeke nyon ngbii, ala sule si ala ga tongana azo so a du fade ala pepe.

Mishe 7:9

Ayeke nzoni mbi kanga be ti mbi na ngonzo ti KOTA GBIA, ngbanga ti so mbi sara siokpari ti ke ti lo. Me mbeni lango ayeke ga so fade lo yeke mu tënë ti mbi na maboko ti lo, lo yeke sara si fango ngbanga ti mbi aduti na legeni. Lo yeke zi mbi na ya ti vukongo ndo ti zia mbi na ya ti lumiere si fade mbi yeke baa aye ti lo so lo sara ni na lege ti mbirimbiri.

Zakarii 12:2

“Fade mbi yeke sara titene Jérusalem aga tongana kopo so asi singo na ngonzo ti mbi ndali ti azo so kue alango nduru na gbata ni; ala yeke nyon ni si ayeke sara ala tongana samba. Azo ti Juda nga ayeke nyon ngonzo ni si ayeke sara ala na ndembe so azo ayeke ga ti mu gbata ni na bira.

Matthieu 20:22

Jésus akiri tënë, atene: “Ala hinga ye so ala yeke hunda so pepe. Ala lingbi ti nyon kopo ti pasi so mbi yeke nyon ande so?” Ala tene na lo: “E lingbi ti nyon ni.”

1 Samuel 25:39

David ama a tene, Nabal akui si lo tene: “Mbi mu singila mingi na *KOTA GBIA so agbu koko ti mbi ndali ti zonga so Nabal azonga na mbi so. Mbi mu singila na KOTA GBIA so akanga lege na mbi, zo ti kua ti lo si mbi sara sioni oko pepe so. KOTA GBIA asara si sioni ti Nabal akiri na li ti lo wani.” Na pekoni, David atokua azo na Abigail ti tene na lo, tongana lo yeda, ni mu lo ti ga wali ti ni.