Ésaïe 51:20 - Mbeti ti Nzapa - Tënë so amu fini

²⁰ Amolenge ti mo alango na sese na ndö ti alege kue. Ala yeke tongana atagba so ati na ya ti gbanda, ala ngba na ya ni, me ala lingbi ti sara ye oko pepe; ala yeke na gbe ti ngonzo ti KOTA GBIA, Nzapa ti mo abe le na ala.

Ésaïe 51:20 ပူးပေါင်းရင်းမြစ်များ

Ésaïe 29:9

Li ti ala akpe, tënë ahunzi na yanga ti ala! Ala ga awaziba, ala ngba gi tongaso! Samba ahon ndö ti ala, me samba laa ala nyon pepe. Ala tambula kirikiri, me ngangu samba laa asara ala pepe.

Ésaïe 40:30

Ataa amaseka, ngangu ayeke hunzi na ala si ala yeke woko; ataa angangu maseka ayeke ti.

Ésaïe 49:26

Azo so asara ngangu na mo, mbi yeke sara titene ala te kasa ti tere ti ala wani, ala yeke nyon mene ti ala si ahon ndö ti ala tongana zo so anyon fini vin si ahon ndö ti lo. Tongaso, fade azo kue ayeke hinga atene, mbi yeke KOTA GBIA, wasongo mo, wazingo mo, mbi, ngangu Nzapa ti Jacob!”

Ésaïe 5:25

Ndani laa ngonzo ti *KOTA GBIA alondo tongana wâ na tere ti azo ti lo. Lo yo maboko ti lo na nduzu ti pika ala. Ahoto ayingi, kuâ ti azo ni alango na ndö ti lege tongana zende. Ataa so kue, ngonzo ti KOTA GBIA akai pepe, maboko ti lo angba gi na nduzu.

Ésaïe 51:17

Jérusalem, zingo, zingo hio si! Londo! *KOTA GBIA amu lani na mo kopo so ngonzo ti lo asi ya ni; mo nyon ni, mo nyon ni kue, ni laa asara si li ti mo aga kirikiri so.

Ésaïe 51:21

Ndani laa, ayeke nzoni mo ma tënë so, mo Jérusalem, gbata ti mawa: samba asara mo, me samba laa mo nyon pepe.

Ésaïe 66:15

Biani, KOTA GBIA ayeke ga na ya ti wâ, apusu ti mbarata ti lo ayeke tongana kota pupu. Lo yeke ga ti fa sioni ngonzo ti lo, ti suku na azo na lege ti menga ti wâ.

Ésaïe 8:21

Fade azo ayeke hon na ya ti kodro ni, na kota pasi na nzara. Ndali ti so nzara ahon ndö ti ala, ala yeke sara ngonzo, ala yeke deba gbia ti ala na Nzapa ti ala. Ala yeke baa ndo na nduzu.

Jérémie 14:16

Azo so awayanga-Nzapa ni atene tënë ni na ala so, fade bira na nzara ayeke fâ ala; a yeke bi kuâ ti ala kirikiri na ndö ti alege ti Jérusalem, zo oko ti lu kuâ ni ayeke daa pepe, ala na awali ti ala nga na amolenge ti ala ti koli na ti wali. Sioni so azo ni asara so, fade mbi yeke sara si akiri gi na li ti ala wani.

Jérémie 14:18

Tongana mbi gue na yaka, mbi yeke baa gi azo so akui na lege ti bira. Tongana mbi kiri na ya ti gbata, mbi yeke baa gi azo so akui na lege ti nzara. Awayanga-Nzapa na awayango-sandaga atambula na ya ti kodro ni kue, me ala gi li ti ala daa gbaa.”

Abia ti demango tere 1:15

Kota Gbia atumba ala kue awe, angangu turugu so ayeke na tere ti mbi so; Kota Gbia airi gba ti aturugu ti tiri bira, lo iri ala ti ga ti nika aturugu ti mbi, ala so ade maseka so. Ae azo! Kota Gbia ado mbi na sese awe; mbi, maseka-wali ti mara ti Juda. Lo pete mbi tongana ale ti *vinye so ayeke na ya ti du ti sarango na vin.

Abia ti demango tere 1:19

Mbi iri azo so aye mbi lani so, andaa ala ke mbi awe. Awayango-sandaga na *akangba ti mbi akui kue; ala kui kue na ya ti gbata ti Jérusalem, na ndembe so ala yeke gi kobe ti wara na ngangu.

Abia ti demango tere 2:19

Ala londo, azo ti Jérusalem! Na bi, ala lango pepe, ala dema tere ti ala na Kota Gbia. Ala zi be ti ala kue ti tene tënë na lo. Ala yo maboko ti ala na nduzu ti voro tere ti ala na lo. Ala voro lo ndali ti amolenge ti ala so ayeke kui na nzara na ndö ti alege kue so.

Abia ti demango tere 4:11

*KOTA GBIA asara ye ti ngonzo ti lo ni kue ahunzi awe. Lo sara si ngonzo ti lo ti wâ abuba ndo kue; lo bi wâ na gbata ti Sion si agbi agere ni kue.

Abia ti demango tere 4:2

Anzoni molenge ti *Sion alingbi lani na ngere ti lôro ti nzoni ni. Nyen asara si ala kiri aga fadeso tongana ta ti sese so-oo? Nyen asara si ala ga tongana senge ta so wasarango-ta asara ni so-oo? Azo-oo, azo!

Abia ti demango tere 5:13

Go ti amaseka-koli aba kue na gbe ti ngbongboro têne ti nikango na ale ti kobe. Amolenge-koli ayo anengo keke; ala ti, alondo; ala ti, alondo.

Ezekiel 12:13

Mbi KOTA GBIA, mbi yeke bi gbanda ti mbi na ndö ti lo si lo yeke ti na ya ti kuku ti mbi. Mbi yeke gue na lo na Babilone, na sese ti azo ti Kalde. Me lo yeke baa sese ni pepe si lo kui kâ.

Ezekiel 17:20

Mbi yeke bi gbanda ti mbi na ndö ti lo, mbi yeke sara titene lo ti na ya ti kuku ti mbi. Mbi yeke gue na lo na Babilone; kâ, mbi yeke fâ ngbanga na li ti lo ndali ti asioni so lo sara ti ke mbi.

Ezekiel 39:19

Ala yeke te mafuta ngbii ya ti ala asi, ala yeke nyon mene ngbii asara ala tongana samba. Baa, sandaga so mbi yeke mu ndali ti ala laa.

Ndia ti fani use ni 14:5

tagba, dengbe, lekpa, ngasa ti ngonda, wuga, zeranga na kete wuga.

Ndia ti fani use ni 28:20

Ndali ti sioni so ala sara ti ke KOTA GBIA, fade lo yeke tokua na ndö ti ala dengo ba, kota mbeto nga na akpale na ya ti aye so kue ala yeke sara. Ala yeke ninga pepe ti kui si ala yeke hunzi kue.

Aye so Nzapa afa 14:10

fade lo nga, lo yeke nyon vin ti kota ngonzo ti Nzapa. A yeke tuku vin ni na ya ti kopo ti ngonzo ti Nzapa, a yeke tuku ngu daa pepe. Lo yeke baa ande pasi na le ti wâ na *sufre, na le ti a-ange ti Nzapa nga na le ti Molenge ti Taba.