Ésaïe 51:2 - Mbeti ti Nzapa - Tënë so amu fini

² Ala baa Abraham, babâ ti ala, ala baa Sara so adu ala. Biani, Abraham ayeke lani gi lo oko si mbi iri lo. Mbi sara tufa na ndö ti lo si lo ga kotara ti gba ti azo.”

Ésaïe 51:2 ပူးပေါင်းရင်းမြစ်များ

Tongo nda ti aye 22:17

fade mbi yeke sara tufa na ndö ti mo gbani gbani. Mbi yeke sara titene *ahale ti mo awu mingi tongana atongoro ti le ti nduzu, nga tongana mbutu ti yanga ti kota ngu-ingo. Fade ahale ti mo ayeke mu akodro ti awato ti ala.

Tongo nda ti aye 24:1

Abraham aga mbakoro si ngu ti lo ahon mingi awe. KOTA GBIA asara tufa na ndö ti lo na ya ti aye kue.

Tongo nda ti aye 24:35

KOTA GBIA asara tufa gbani gbani na ndö ti wa ti mbi si lo ga kota zo mingi. KOTA GBIA amu na lo ataba, angasa, abagara, nginza, lôro, azo ti kua ti koli na ti wali, azambala na alele.

Ésaïe 29:22

Ndani laa, tënë so KOTA GBIA atene na azo ti Jacob, lo so lo soo Abraham ayeke so: “Fadeso, kamene ayeke kiri ti sara azo ti Jacob pepe, kamene ayeke kiri ti gbu le ti ala pepe.

Ésaïe 41:8

“Ti mo Israel, zo ti kua ti mbi, mo Jacob so mbi soro mo, mo yeke *hale ti Abraham, kamarade ti mbi.

Ésaïe 43:27

Kozo kotara ti mo asara siokpari awe, azo ti tenengo peko ti tënë ti yanga ti mo atomboka na tere ti mbi.

Ésaïe 48:1

Ala azo ti Jacob, ala ma! Ala so iri ti Israel ayeke na ndö ti ala, ala so a du ala na Juda, ala ma! Ala yeke deba yanga ti ala na iri ti *KOTA GBIA, ala yeke sepela Nzapa ti Israel, me na lege ti taa-tënë pepe nga na lege ti mbirimbiri pepe.

Ésaïe 60:22

Ataa sewa so ayeke kete, fade lo yeke du saki oko; ataa sewa so awu pepe, lo yeke ga kota mara. Mbi KOTA GBIA, mbi yeke sara ande ye ni hio tongana ngoi ni alingbi.

Ésaïe 63:16

Biani, mo laa mo yeke babâ ti e. Be ti Abraham, kotara ti e agirisa na e awe; Jacob akiri ahinga e pepe; me mo KOTA GBIA, mo yeke Babâ ti e; mo so a yeke di iri ti mo “Wazingo e”, ngbene ye kpu na kpu.

Ezekiel 33:24

“*Molenge ti zo, azo so angba na Israel si ayeke lango na ya ti gbata so abuba awe so, atene: ‘Abraham ayeke ando gi lo oko si lo mu sese so ti ga ye ti lo. Me ti e, e yeke gbani, e lingbi fadeso ti mu sese so ti ga ye ti e senge.’

Ndia ti fani use ni 1:10

*KOTA GBIA Nzapa ti ala asara si ala wu mingi awe. Laso, ala wu mingi tongana atongoro ti le ti nduzu.

Ndia ti fani use ni 26:5

Zo so aga na akobe ni ayeke tene na le ti KOTA GBIA, atene: “Kotara ti mbi ayeke ando zo ti mara ti Aram so ayeke si ge, asi kâ. Lo gue na sese ti Ezipte, lo sara kodro kâ; azo so amu peko ti lo ayeke mingi pepe. Na pekoni, ala ga kota mara, ngangu mara nga na mara so awu mingi.

Josué 24:3

Mbi zi Abraham, kotara ti ala na kodro so ayeke na mbage ti ngu ti Efrate, mbi sara si lo tambula na sese ti Kanaan kue. Mbi sara si asewa ti lo awu mingi. Mbi mu na lo Isaac.