Ésaïe 51:18 - Mbeti ti Nzapa - Tënë so amu fini

¹⁸ Na popo ti amolenge so kue mo du ala, mbeni oko so afa lege na mo ayeke daa pepe; na popo ti amolenge so kue mo bata ala, mbeni oko so agbu maboko ti mo ayeke daa pepe.

Ésaïe 51:18 ပူးပေါင်းရင်းမြစ်များ

Mbeti ti Job 8:20

Zo so ayeke sara ye na legeni, Nzapa ayeke ke lo pepe. Azo ti sarango sioni, lo yeke mu maboko na ala pepe.

Abia (Psaumes) 142:4

Na ndembe so be ti mbi awoko kue, mo laa mo hinga ndo so mbi yeke gue daa. Na ndö ti lege so mbi yeke hon daa, azo azia kuku ti gbu na mbi.

Abia (Psaumes) 88:18

Lakue, aye ni so angoro mbi tongana ti so ngu ayeke ngoro zo; mbage na mbage kue, ala kanga ndö ti mbi.

Ésaïe 41:13

Biani, mbi *KOTA GBIA, mbi yeke Nzapa ti mo; mbi gbu maboko ti mo ti koli, mbi tene na mo, mbi tene: ‘Sara mbeto pepe, mbi laa mbi yeke mu maboko na mo.’ ”

Ésaïe 45:1

Tënë so *KOTA GBIA atene na Sirus, gbia so lo soro lo ayeke so: “Mbi gbu mo na maboko ti mo ti koli ti kinda amara nde na gbe ti mo, ti zi na maboko ti agbia komandema ti ala, ti zi ayanga ti gbagba ti agbata so akanga kangango na dawa ti mo.

Ésaïe 49:21

Tongaso, fade mo yeke hunda tere ti mo, mo tene: ‘Amolenge so kue so, zo wa laa adu ala na mbi, zo wa? A gbanzi mbi lani na amolenge, mbi yeke wali ti dungo ni pepe, a gbu mbi lani, a gue na mbi na kodro wande, a zia gi mbi oko. Zo wa laa abata ala so, zo wa? Mbi ngba lani gi mbi oko, amolenge so, ala yeke lani na ndo wa?’ ”

Ésaïe 54:11

“Mo Jérusalem, gbata ti mawa! Mo so ngangu pupu ayingi mo so, zo oko ti de be ti mo ayeke daa pepe! Ye so mbi *KOTA GBIA, mbi yeke sara ayeke so: mbi yeke kiri ti leke mo na têne so a sara anzoroko na tere ni; mbi yeke kiri ti sara gere ti gbagba ti mo na têne ti safir.

Jérémie 10:20

Me a buba da ti mbi ti bongo awe, a gboto akamba ni kue awe. Amolenge ti mbi kue ado mbi azia awe. Zo oko ti kiri ti leke da ti mbi ti bongo na nduzu ayeke daa pepe; zo oko ti kiri ti leke mbeni ndo titene mbi duti na gbe ni ayeke daa pepe.”

Jérémie 31:32

Mbuki ni ayeke duti nde na ti so lani mbi na akotara ti ala e sara na ngoi so mbi gbu maboko ti ala ti sigigi na ala na Ezipte. Akotara ti ala abuba tënë ti ya ti mbuki ni, ataa so mbi laa mbi yeke lani wa ti ala; so tënë ti yanga ti KOTA GBIA laa.

Ezekiel 34:6

Ataba ti mbi ahon kirikiri na ndö ti akota hoto kue nga na ndö ti akete hoto kue; ataba ti mbi akangbi kirikiri, mbage na mbage na ndö ti sese kue. Zo oko ti baa tënë ti ala ayeke daa pepe; zo oko ti gi ala ayeke daa pepe.

Amos 5:2

Lo ti awe, Israel, maseka-wali so, lo yeke kiri ti londo pepe. Lo lango na sese na kodro ti lo wani, zo ti yo lo na nduzu ayeke daa pepe.

Matthieu 15:14

Ala zia afarizien ni: ala yeke awaziba, ala ye ti fa lege na amba ti ala awaziba! Tongana waziba afa lege na mbeni mba ti lo waziba, fade ala use kue ayeke ti na ya ti du!”

Matthieu 9:36

So lo baa gba ti azo so, mawa agbu be ti lo ndali ti so ngangu atia ala si be ti ala awoko kue; ala yeke tongana ataba so zo ti batango ala ayeke daa pepe.

Marc 8:23

Jésus agbu maboko ti waziba ni si asigigi na lo na ya ti kodro ni. Na pekoni, lo tuku ngu ti yanga ti lo, lo zia na le ti zo ni; lo zia maboko na ndö ti lo si lo hunda lo, atene: “Mo baa mbeni ye?”

Awatokua 13:11

Fadeso, maboko ti Kota Gbia ayeke zu na ndö ti mo: le ti mo avuko si na ya ti mbeni ngoi, mo yeke kiri ti baa ndo pepe.” Gi hio tongaso, le ti Elimas avuko si lo yeke tatara ndo titene lo wara mbeni zo ti gbu maboko ti lo ti fa lege na lo.

Awatokua 9:8

Saul alondo na sese, lo zi le ti lo, me lo baa ndo pepe. Azo ni agbu maboko ti lo si ala gue na lo na Damas.

Ahebro 8:9

Mbuki ni ayeke duti nde na ti so lani mbi na akotara ti ala e sara na ngoi so mbi gbu maboko ti ala ti sigigi na ala na Ezipte. Kota Gbia atene: Akotara ti ala angba na ya ti mbuki ni pepe, nilaa mbi nga, mbi do ala, mbi zia.