Ésaïe 50:8 - Mbeti ti Nzapa - Tënë so amu fini

⁸ *KOTA GBIA ayeke nduru na mbi, lo so lo yeke sara si mbi ga mbirimbiri. Zo wa laa aye ti bi tënë na li ti mbi, zo wa? Ayeke nzoni mbi na lo, e gue na ngbanga! Zo wa laa aye ti ga wato ti mbi na le ngbanga, zo wa? Ayeke nzoni lo ga na dawa ti mbi!

Ésaïe 50:8 ပူးပေါင်းရင်းမြစ်များ

Mbeti ti Job 13:19

Zo wa laa aye ti bi tënë na li ti mbi? Tongana mbi sara sioni, mbi yeda ti kanga yanga ti mbi si mbi kui.

Abia (Psaumes) 119:151

Me mo KOTA GBIA, mo yeke nduru na mbi, atënë ti ndia ti mo kue ayeke taa-tënë.

Sigingo 22:9

“Tongana zo amu lele, bagara, taba, ngasa wala nyama ti nyen na mba ti lo titene lo bata si nyama ni akui, wala lo wara ka, wala *azaragina anzi lo si zo oko abaa ala pepe,

Ésaïe 1:18

*KOTA GBIA atene: “Ala ga, e leke tënë. Tongana siokpari ti ala abe tongana mene, fade ayeke kiri ti vuru tongana tukia. Tongana siokpari ti ala abe tongana ngu ti karakanzi, fade ayeke kiri ti vuru tarara.

Ésaïe 41:1

*KOTA GBIA atene: “Ala azo ti azoa, ala kai kpoo, ala ma mbi si! Ala azo, ala duti na ngangu, ala pusu nduru si ala tene tënë! E kue, e gue legeoko na ngbanga.

Ésaïe 41:21

*KOTA GBIA, Gbia ti Jacob atene: “Ala anzapa ti amara nde, ala ga afa nda ti tënë ti ala! Ala fa ye so ala sara awe, e baa!

Ésaïe 43:26

Dabe ti mbi na sioni so mo baa mbi sara si e kue legeoko, e gue na ngbanga! Mo wani, mo fa oko na oko so tënë ti mo ayeke legeni.

Ésaïe 45:25

Me na lege ti KOTA GBIA, *ahale ti Israel kue ayeke ga mbirimbiri, ala yeke pika kate ti ala ndali ni.

Ésaïe 54:17

Aye ti bira so kue a leke ti tiri na ni na mo, alingbi ti sara ye oko na mo pepe. Zo so kue ayeke bi tënë na li ti mo na le ti ngbanga, mo yeke sara si ngbanga ati na li ti lo. Baa ye so mbi bata ndali ti azo ti kua ti mbi, KOTA GBIA laa. Baa lege so mbi yeke fâ ngbanga ti ala laa; so tënë ti yanga ti mbi KOTA GBIA laa.”

Matthieu 5:25

“Tongana zo so mo na lo awara tënë amu mo ti gue na mo na ngbanga, so ala ngba na lege ti gue, mo gi lege ti leke tënë ni hio, ngbanga ti lo mu mo na wafango-ngbanga si wafango-ngbanga ni azia mo na maboko ti aturugu titene ala bi mo na da ti kanga.

Ndia ti fani use ni 19:17

alingbi azo use so awara tënë na popo ti ala so ague na da ti KOTA GBIA. Ala yeke fa tënë ti ala ni na awayango-sandaga nga na awafango-ngbanga so ayeke sara kua na ndembe ni so.

1 Timothée 3:16

Biani, tënë ti mabe so a sigigi na nda ni awe ayeke kota tënë mingi, tënë ni ayeke so: Christ amu tere ti zo si lo fa tere ti lo na azo, Yingo-Vuru afa atene, lo yeke zo ti mbirimbiri, *a-ange abaa lo. A fa tënë ti lo na azo ti amara nde, azo ti dunia ama na be na lo si lo gue na yayu na ya ti gonda.

Aye so Nzapa afa 12:10

Na pekoni, mbi ma mbeni kota go so alondo na yayu, atene: “Fadeso ngoi titene Nzapa asoo e asi awe! Fadeso lo fa ngangu ti lo ti gbia awe! Fadeso *Mesii ti lo afa so lo yeke na komandema awe! Zo ti bingo tënë na li ti a-ita ti e, lo so lo yeke luti na le ti Nzapa ti bi tënë na li ti ala bi na lâ so, a mu lo na yayu, a bi lo na gigi awe.