Ésaïe 50:7 - Mbeti ti Nzapa - Tënë so amu fini

⁷ Kota Gbia NZAPA laa ayeke mu na mbi maboko, ndani laa zongango ndo ti ala asara ye oko na mbi pepe. Mbi sara si ndö ti le ti mbi akpengba tongana têne. Mbi hinga, mbi tene, fade kamene ayeke sara mbi pepe.

Ésaïe 50:7 ပူးပေါင်းရင်းမြစ်များ

Abia (Psaumes) 110:1

Bia ti David. So tënë ti yanga ti *KOTA GBIA so lo tene na Kota Gbia ti mbi laa: “Duti na mbage ti maboko ti mbi ti koli, mbi yeke sara titene awato ti mo aga tongana mbata ti gbe ti gere ti mo si.”

Abia (Psaumes) 54:6

Baa, Nzapa ayeke mu na mbi maboko, Kota Gbia ayeke na azo so agbu mbi si mbi luti na nduzu.

Ésaïe 29:22

Ndani laa, tënë so KOTA GBIA atene na azo ti Jacob, lo so lo soo Abraham ayeke so: “Fadeso, kamene ayeke kiri ti sara azo ti Jacob pepe, kamene ayeke kiri ti gbu le ti ala pepe.

Ésaïe 42:1

*KOTA GBIA atene: “Baa, zo ti kua ti mbi laa, lo so mbi gbu lo na maboko ti lo, lo so mbi soro lo, mbi wara ngia na lege ti lo. Mbi zia Yingo ti mbi na ndö ti lo, fade lo yeke sara si sarango ye ti mbirimbiri abaa gigi ndali ti amara nde.

Ésaïe 45:17

Me KOTA GBIA asoo azo ti Israel, lo soo ala ndali ti lakue lakue. Fade kamene ayeke sara ala pepe, kamene ayeke gbu le ti ala pepe lakue lakue, kpu na kpu.

Ésaïe 49:23

Agbia ayeke ga ababâ ti batango ala, amolenge ti agbia ti wali ayeke ga amama ti batango ala. Agbia ni ayeke kuku, akpo li ti ala na sese na dawa ti mo, ala yeke su sese so ayeke na tere ti gere ti mo. Tongaso fade mo yeke hinga, mo tene: mbi yeke KOTA GBIA; azo so azia be ti ala na ndö ti mbi, kamene ayeke gbu le ti ala pepe.”

Ésaïe 49:8

Tënë so KOTA GBIA atene ayeke so: “Na ndembe so alingbi, mbi kiri tënë na mo; na lango ti songo azo na kuâ, mbi mu na mo maboko. Mbi bata mo titene na lege ti mo, mbi na azo, e ga *ambuki. Mbi yeke yo kodro ti Israel na nduzu, mbi yeke kiri ti kangbi na azo sese so lani ayeke ti ala si abuba so.

Ésaïe 50:9

Kota Gbia NZAPA laa ayeke mu na mbi maboko. Zo wa laa alingbi ti fâ ngbanga na li ti mbi? Biani, fade awato ti mbi ayeke buba kue tongana gbagba bongo so akangi ate ni kue.

Ésaïe 54:4

Sara mbeto pepe, ngbanga ti so kamene ayeke kiri ti sara mo pepe. Sara kamene pepe, ngbanga ti so azo ayeke kiri ti zonga mo pepe. Kamene so ando mo ngba maseka si ayeke sara mo so, fade mo yeke girisa ni. So lani mo yeke wali-mua si azo ayeke zonga mo so, fade mo yeke girisa zongango ndo ni.

Jérémie 1:18

Ti londo na lango ti laso, mbi zia mo ti duti tongana gbata so gbagba ti bira ayeke na tere ni, tongana yongoro keke ti da so a sara ni na wen, tongana dere ti da so a sara ni na bengba wen ndali ti kodro ni kue: ti kanga lege na agbia ti Juda, na akota zo ti kodro ni, na awayango-sandaga nga na azo ti Juda kue.

Mishe 1:2

Ala amara kue, ala ma si! Mo, sese na aye so kue ayeke na ndö ti mo, ala dingi mê ti ala, ala ma si! Ti londo na da ti lo so ayeke nde si ayeke nzoni kue, Kota Gbia NZAPA ayeke ga ti bi tënë na li ti ala.

Nzoni Tënë so Luc asu na mbeti 9:51

So ngoi titene a mu Jésus ti gue na lo na yayu aga nduru awe, lo ye gi ti mu lege ti gue na Jérusalem.

Jean 16:33

Mbi tene tënë so na ala titene ala duti na siriri na lege ti gango so ala ga oko na mbi. Na dunia so, fade ala yeke baa pasi, me ala gbu ngangu! Mbi hon dunia so na ngangu awe!”

Rome 1:16

Biani, kamene ti fango Nzoni Tënë asara mbi pepe: Nzoni Tënë ni ayeke ngangu ti Nzapa so lo mu ti soo azo so kue ama na be, azuife kozoni, na pekoni azo ti amara nde.

Ahebro 13:6

Ndani laa e lingbi ti tene na mbeto pepe, e tene: “*Kota Gbia laa ayeke mu na mbi maboko, fade mbeto ayeke sara mbi pepe. Nyen laa zo alingbi ti sara na mbi, nyen?”

1 Pierre 4:1

Christ abaa pasi na ya ti tere ti lo ti zo. Tongaso, ala nga, ala hinga biani na be ti ala atene, zo so abaa pasi na ya ti tere ti lo ti zo, lo kangbi na siokpari awe. Alingbi tënë so aduti na be ti ala tongana mbeni ye ti bira.

1 Pierre 4:16

Me tongana zo ni abaa pasi ndali ti so lo yeke zo ti Christ, alingbi kamene asara lo pepe; me alingbi lo mu singila na Nzapa ndali ti iri ti Christ so ayeke na ndö ti lo.