Ésaïe 50:4 - Mbeti ti Nzapa - Tënë so amu fini

⁴ Kota Gbia NZAPA afa na mbi tënë so mbi lingbi ti tene, titene mbi hinga lege ti mu ngangu na zo so awoko. Lakue na ndaperere, lo yeke zingo mbi, lo yeke zi mê ti mbi titene mbi ma ndo tongana adisiple.

Ésaïe 50:4 ပူးပေါင်းရင်းမြစ်များ

Mbeti ti Job 4:4

Azo so aye ti ti, tënë ti mo amu ala na nduzu; mo sara si likunu so awoko akpengba.

Abia (Psaumes) 119:147

Kozo titene ndo ahan, mbi iri mo; mbi zia be ti mbi ti ku atënë ti mo.

Abia (Psaumes) 143:8

Gi na ndaperere, tene na mbi tënë ti nzoni be ti mo, ngbanga ti so mbi zia be ti mbi na ndö ti mo; fa na mbi lege so mbi lingbi ti tambula daa, ngbanga ti so mbi yeke baa ndo gi na mo.

Abia (Psaumes) 40:7

*Sandaga wala mbeni ye so zo amu na mo, so laa mo ye pepe. Mo mu na mbi mê ti mango na ndo. Sandaga so a gbi ni kue na wâ, wala sandaga so a mu ndali ti siokpari, so laa mo hunda pepe.

Abia (Psaumes) 45:2

Be ti mbi asi singo na anzoni tënë ti tenengo ni; mbi yeke he nzoni bia ti mbi na gbia. Ayeke nzoni yanga ti mbi ayapu na bia ni tongana keke ti mbeti ti zo so ahinga ti su mbeti nzoni.

Abia (Psaumes) 5:3

Gbia ti mbi, Nzapa ti mbi, zia mê ti mo kpoo, mo ma iringo ndo ti mbi; mo laa mbi yeke sambela mo.

Abia (Psaumes) 88:13

Ye ti kpene so mo sara, zo alingbi ti hinga ni na ya ti vukongo ndo? Batango tënë ti yanga ti mo so mo yeke bata, zo alingbi ti hinga ni na kodro ti akuâ?

Amato 12:25

Gingo be asara si be ti zo awoko; me nzoni tënë asara si be ti lo asi singo na ngia.

Amato 15:23

Titene zo akiri tënë nzoni, so laa anzere. Tënë so zo atene na ndembe so alingbi, so ayeke nzoni mingi!

Amato 25:11

Tënë so zo atene si alingbi taa na ngoi ni ayeke tongana aye ti pendere so a sara na lôro si a zia alimo so a sara na wen ti nginza daa.

Ésaïe 28:19

Na ngoi so kue ye ti ngangu ni ayeke si, fade ayeke wara ala. Biani, ye ni ayeke hon na ndaperere, na kota lâ nga na bi. Gi so azo ayeke ma tënë ni, kota mbeto ayeke hon ndö ti ala.

Ésaïe 28:9

Ala yeke hunda ndo, atene: “Ésaïe ayeke fa ti lo ye ni na zo wa? Lo yeke fa nda ti atënë ti Nzapa ni na zo wa? Na amolenge so a zi ala na yanga ti me fafadeso? Na akete molenge so a gbanzi ala na me fafadeso?

Ésaïe 35:5

Tongaso, fade awaziba ayeke kiri ti baa ndo; azo so mê ti ala akanga ayeke kiri ti ma ndo.

Ésaïe 40:29

Zo so awoko awe, lo yeke mu ngangu na zo ni; zo so ngangu ti lo ahunzi kue, lo yeke kiri ngangu na lo.

Ésaïe 50:10

Mbeni zo ti kpengo mbeto ti *KOTA GBIA ayeke na popo ti ala? Alingbi lo ma yanga ti zo ti kua ti lo. Tongana mbeni zo ayeke tambula na ya ti vukongo ndo si lumiere oko ayeke daa pepe, alingbi lo zia be ti lo na ndö ti KOTA GBIA wani, lo luti na ndö ti Nzapa ti lo.

Ésaïe 54:13

Fade amolenge ti mo kue ayeke ga adisiple ti mbi, ala yeke duti na siriri ahon ndoni.

Ésaïe 8:16

Tënë so mbi tene, mo bata ni nzoni; wango so mbi mu, le ti mo akpengba na ndö ni; mo fa ni gi na adisiple ti mbi.

Jérémie 1:9

Na pekoni, KOTA GBIA ayoro maboko ti lo, lo ndu yanga ti mbi si lo tene: “Baa, mbi zia tënë ti mbi na yanga ti mo.

Jérémie 31:25

Biani, azo so awoko na nzara ti ngu, fade mbi yeke mu na ala ngu ti nyon; azo so ngangu atia ala, mbi yeke mu na ala kota ngangu.

Ezekiel 46:13

“Na ya ti lango oko oko, a yeke mu na KOTA GBIA mbeni kete taba ti ngu oko so mbeni mbage ti tere ti lo abuba pepe ti mu na sandaga so a yeke gbi ni kue na wâ. A yeke mu sandaga ni lakue na ndaperere.

Matthieu 11:28

“Ala ga na mbi, ala so kue awoko na yongo anengo kungba, fade mbi yeke mu na ala lege ti wu tere ti ala.

Matthieu 13:54

Lo gue na Nazaret, gbata so lo kono daa si lo yeke fa ye na azo ti gbata ni na ya ti da ti sambelango Nzapa ti ala. Li ti azo ni kue akpe si ala yeke hunda ndo, atene: “Lo wara ndara so na ndo wa? Lo wara ngangu ti sarango aye ti kpene so na ndo wa?

Matthieu 22:46

Zo oko na popo ti ala awara tënë ti tenengo ni na Jésus pepe. Ti londo na lango ni so, zo oko na popo ti ala azi yanga ti hunda lo na mbeni tënë pepe.

Nzoni Tënë so Luc asu na mbeti 21:15

Biani, fade mbi wani, mbi yeke mu na ala tënë ti tenengo ni na ndara so awato ti ala alingbi pepe ti dekite na ni wala ti ke ni.

Nzoni Tënë so Luc asu na mbeti 4:22

Ala kue ayeke gonda lo; li ti ala kue akpe ndali ti tënë ti nzoni be so ayeke sigigi na yanga ti lo. Ala hunda ndo, atene: “Molenge ti Joseph so laa pepe?”

Jean 7:46

Aturugu ni akiri tënë na ala, atene: “Mbeni zo ti tene tënë tongana koli so ayeke daa oko pepe!”

Ndia ti fani use ni 18:17

Tongaso KOTA GBIA atene na mbi: “Tënë ti azo so ayeke na legeni.

Ndia ti fani use ni 18:18

Fade mbi yeke tokua na ala mbeni wayanga-Nzapa tongana mo; wayanga-Nzapa ni ayeke duti mbeni ita ti ala. Mbi yeke zia tënë ti mbi na yanga ti lo si lo yeke tene na ala atënë so kue mbi yeke mu yanga na lo ti tene.