Ésaïe 50:10 - Mbeti ti Nzapa - Tënë so amu fini

¹⁰ Mbeni zo ti kpengo mbeto ti *KOTA GBIA ayeke na popo ti ala? Alingbi lo ma yanga ti zo ti kua ti lo. Tongana mbeni zo ayeke tambula na ya ti vukongo ndo si lumiere oko ayeke daa pepe, alingbi lo zia be ti lo na ndö ti KOTA GBIA wani, lo luti na ndö ti Nzapa ti lo.

Ésaïe 50:10 ပူးပေါင်းရင်းမြစ်များ

2 Samuel 22:29

KOTA GBIA, mo laa mo yeke lamba ti mbi. KOTA GBIA asara si vukongo ndo so mbi yeke na ya ni aga vurungo ndo.

1 Mbai 5:20

Na ngoi ti bira ni, ala toto na Nzapa; lo yeda na sambela ti ala si lo mu maboko na ala, ngbanga ti so ala zia be ti ala na lo. Tongaso ala hon ndö ti azo ti mara ti Hagri nga na asongo ti ala.

2 Mbai 20:12

Nzapa ti e, fade mo fâ ngbanga na li ti ala pepe? Na dawa ti gba ti aturugu so aga ti tiri bira na e so, e yeke na ngangu oko pepe, e hinga ye so e lingbi ti sara oko pepe. Me le ti e kue gi na ndö ti mo.”

2 Mbai 20:20

Na kota ndaperere, azo kue alondo ti gue na benyama ti Tekoa. Na guengo ti ala, Yosafat aluti na nduzu si lo tene na ala: “Azo ti Jérusalem na azo ti Juda, ala ma mbi si! Ayeke nzoni ala zia be ti ala na ndö ti KOTA GBIA, Nzapa ti ala si fade ala yeke wara ngangu. Ala zia be ti ala na ndö ti azo ti tenengo peko ti yanga ti lo si fade ala yeke so benda.”

Mbeti ti Job 13:15

Biani, lo lingbi ti fâ mbi senge, nyen laa aso mbi, nyen? Me mbi ye ti fa na le ti lo so sarango ye ti mbi ayeke sioni pepe.

Mbeti ti Job 29:3

Lamba ti lo ayeke za na ndö ti mbi si lumiere ti lo afa na mbi lege na ya ti vukongo ndo.

Abia (Psaumes) 111:10

Kpengo mbeto ti KOTA GBIA ayeke tongo nda ti dutingo na ndara. Azo so kue akpe mbeto ti lo ayeke azo ti hingango ndo. Gonda ti lo angba kpu na kpu.

Abia (Psaumes) 128:1

A yeke he bia so na ndembe ti guengo ni na Jérusalem. Ti ala nzoni, azo so kue ayeke kpe mbeto ti *KOTA GBIA si ala yeke mu lege so lo fa na ala!

Abia (Psaumes) 145:21

Fade mbi yeke he bia ti sepela KOTA GBIA; ayeke nzoni azo kue amu singila na lo, lo so lo yeke nde si lo yeke nzoni kue, kpu na kpu.

Abia (Psaumes) 23:4

Ataa mbi hon na popo-hoto so avuko pitipiti, mbeto ti sioni ye oko asara mbi pepe, ngbanga ti so mo KOTA GBIA, mo yeke na mbi. Na keke ti mo ti wabatango-taba, mo yeke fa lege na mbi, mo yeke bata mbi; ye so ayeke mu ngangu na be ti mbi laa!

Abia (Psaumes) 25:12

Tongana mbeni zo akpe mbeto ti KOTA GBIA, fade KOTA GBIA ayeke fa na lo lege so lo lingbi ti soro ni.

Abia (Psaumes) 25:14

KOTA GBIA ayeke fa tënë ti be ti lo na azo so ayeke kpe mbeto ti lo; lo yeke fa nga na ala tënë ti mbuki ti lo.

Abia (Psaumes) 28:7

KOTA GBIA ayeke tongana gbagba ti bira na tere ti mbi; lo yeke tongana *vala ti mbi. Mbi zia be ti mbi kue na ndö ti lo si lo mu maboko na mbi. Be ti mbi kue asi singo na ngia si mbi yeke he bia ti gonda na lo.

Abia (Psaumes) 42:11

Azo ti kengo mbi ayeke zonga mbi; ala yeke hunda mbi lakue, atene: “Nzapa ti mo ni ayeke na ndo wa?” Atënë ti ala ni aye ti fâ ya ti abio ti mbi kue.

Abia (Psaumes) 62:8

Nzapa ayeke wasongo mbi na kuâ; na lege ti lo laa mbi yeke wara gonda. Lo yeke kota ngangu têne so mbi luti na ndö ni ti bata tere ti mbi; lo yeke ndo so mbi kpe daa ti bata tere ti mbi.

Zo ti bongbingo azo 12:13

Atënë so kue e tene ge so, kota tënë ni ayeke so: kpe mbeto ti Nzapa, mo sara ye alingbi na andia ti lo, ngbanga ti so gi ye so zo alingbi ti sara ni laa.

Ésaïe 10:20

Na lango ni so, tanga ti azo ti Israel na azo ti mara ti Jacob so angba na fini ayeke kiri ti zia be ti ala pepe na ndö ti azo so apika ala. Me ala yeke zia be ti ala kue na ndö ti *KOTA GBIA, Nzapa ti Israel, lo so lo yeke nde si lo yeke nzoni kue.

Ésaïe 12:2

Baa, Nzapa, wasongo mbi laa; mbi zia be ti mbi na ndö ti lo, mbeto ayeke kiri ti sara mbi pepe. Biani, KOTA GBIA laa ayeke ngangu ti mbi, lo laa mbi yeke he bia na lo, lo laa lo soo mbi.”

Ésaïe 26:9

Na bi, be ti mbi ayeke na nzara ti mo, mbi yeke gi mo na be ti mbi kue. Tongana mo fâ ngbanga ti mo na li ti azo ti sese so, azo ti dunia ayeke manda ti sara ye ti mbirimbiri.

Ésaïe 42:1

*KOTA GBIA atene: “Baa, zo ti kua ti mbi laa, lo so mbi gbu lo na maboko ti lo, lo so mbi soro lo, mbi wara ngia na lege ti lo. Mbi zia Yingo ti mbi na ndö ti lo, fade lo yeke sara si sarango ye ti mbirimbiri abaa gigi ndali ti amara nde.

Ésaïe 50:4

Kota Gbia NZAPA afa na mbi tënë so mbi lingbi ti tene, titene mbi hinga lege ti mu ngangu na zo so awoko. Lakue na ndaperere, lo yeke zingo mbi, lo yeke zi mê ti mbi titene mbi ma ndo tongana adisiple.

Ésaïe 53:11

Ndali ti pasi so lo baa, fade lo yeke baa lumiere; ndali ti hingango ye ti lo, lo yeke te gigi aninga. Zo ti kua ti mbi so ayeke zo ti mbirimbiri ayeke sara ande si gba ti azo aga azo ti mbirimbiri, ngbanga ti so lo yo sioni ti ala.

Ésaïe 59:9

Ndani laa Nzapa asara nzoni ye ndali ti e pepe si lo fâ ya ti ngbanga ti e pepe. E zia fade be ti e ti ku lumiere, me e yeke na ya ti vukongo ndo. E yeke ku fade sigingo ti lâ, me e yeke tambula na ya ti vukongo ndo so avuko pitipiti.

Ésaïe 8:17

Mbi yeke ku *KOTA GBIA, lo so lo bi le ti lo yongoro na *ahale ti Jacob; mbi zia be ti mbi ti ku lo.

Ésaïe 9:2

*KOTA GBIA, mo sara si azo awara ngia mingi, mo sara si ngia ti ala asi singo. Ala sara ngia na dawa ti mo tongana ti so azo ayeke sara ngia na ngoi ti fango ale ti kobe; ala sara ngia tongana ti so azo ayeke dekongo na ngia na ngoi so azo ayeke kangbi aye so ala gbu na peko ti bira.

Abia ti demango tere 3:2

Lo pusu mbi na dawa ti lo, na ndo so avuko pitipiti, lo gue na mbi na ndo so lumiere ayeke daa pepe.

Daniel 3:28

Nabukodonosor amu tënë si atene: “E mu singila na Nzapa ti Shadrak, ti Meshak na ti Abed-Nego! Lo tokua *ange ti lo ti soo azo ti kua ti lo na kuâ. Ala zia be ti ala kue gi na ndö ti lo si ala ke ti ma yanga ti mbi so mbi yeke gbia. Ala yeda ti mu tere ti ala na kuâ, ahon titene ala sara na mbeni nzapa nde si ala voro mbeni nzapa so ayeke Nzapa ti ala pepe.

Nahum 1:7

KOTA GBIA ayeke nzoni; na ngoi ti ye ti ngangu, lo yeke ndo so zo akpe daa ti bata tere ti lo. Lo yeke bata azo so azia be ti ala na ndö ti lo

Sofonii 3:12

Fade mbi yeke zia asenge zo na azo ti mawa angba na popo ti ala. Ala yeke kpe na mbi *KOTA GBIA titene mbi bata ala.

Aggée 1:12

Tongaso Zorobabel, molenge ti Shealtiel, na Yeshua, kota wayango-sandaga, molenge ti Yosadak na tanga ti azo ti kodro ni kue ama atënë ti KOTA GBIA, Nzapa ti ala, atënë so lo zia na yanga ti wayanga-Nzapa Aggée titene lo tene peko ni na ala si azo ni akpe mbeto ti KOTA GBIA.

Malashii 3:16

Tongaso azo so ayeke kpe mbeto ti KOTA GBIA atene tënë na popo ti ala. KOTA GBIA adingi mê ti lo si lo ma tënë so ala yeke tene so. Nilaa na dawa ti lo, a su na ya ti mbeni mbeti iri ti azo so ayeke kpe mbeto ti lo si ala yeke voro lo.

Jean 12:46

Mbi so mbi yeke lumiere, mbi ga na ndö ti dunia so. Tongaso, zo so ama na be na mbi, lo yeke ngba na ya ti vukongo ndo pepe.

Jean 8:12

Jésus akiri atene na gba ti azo ni, atene: “Mbi yeke lumiere ti dunia so. Zo so amu peko ti mbi, fade lo yeke tambula na ya ti vukongo ndo pepe, me lo yeke wara lumiere so ayeke mu fini na zo.”

Efeze 5:8

Ando, ala yeke na ya ti vukongo ndo. Ndali ti so ala ga oko na *Kota Gbia, fadeso ala yeke na ya ti lumiere. Ayeke nzoni sarango ye ti ala ayeke tongana ti azo so ayeke na ya ti lumiere.

Ahebro 5:9

So lo sara aye so kue lo lingbi fade ti sara awe, Jésus aga zo ti songo azo so kue ayeke ma yanga ti lo si lo yeke sara titene ala duti na fini lakue lakue.

1 Pierre 5:7

Aye so kue ala yeke gi be ti ala daa, ala zia ni kue na maboko ti Nzapa, ngbanga ti so lo laa lo yeke bata ala.

1 Samuel 30:6

Be ti David afun kue, ngbanga ti azo aye ti bo lo na têne ti fâ lo. Be ti zo oko oko aso mingi ndali ti amolenge ti lo ti koli na ti wali. Me David awara ngangu ndali ti *KOTA GBIA, Nzapa ti lo.