Ésaïe 50:1 - Mbeti ti Nzapa - Tënë so amu fini

¹ Tënë so *KOTA GBIA atene ayeke so: “Ala tene: mbi tumba Jérusalem, mama ti ala. Me mbeti ti kangbingo tere ni ayeke na ndo wa? Ala fa ni na mbi! Ala tene nga: mbi ka ala na ngbaa ti futa boon na li ti mbi; zo wa laa mbi ka ala na lo, zo wa? Tongana a ka ala, ayeke ndali ti sioni ti ala; tongana a tumba mama ti ala, ayeke ndali ti ngangu li ti ala.

Ésaïe 50:1 ပူးပေါင်းရင်းမြစ်များ

1 Agbia 21:25

Mbeni zo ti ka tere ti lo ti sara sioni na le ti KOTA GBIA tongana Akab ayeke daa laoko pepe. Biani, wali ti lo Yezabel laa ayeke pusu lo ti sara sioni.

2 Agbia 17:17

Ala gbi amolenge ti ala ti koli na amolenge ti ala ti wali na wâ ti mu na *sandaga. Ala gi nda ti aye, ala sara aye ti mazi nde nde. Ala mu tere ti ala ti sara ye so ayeke sioni na le ti KOTA GBIA ti zia ngonzo na be ti lo.

2 Agbia 4:1

Mbeni lâ, mbeni wali so koli ti lo ayeke na ya ti bongbi ti awayanga-Nzapa, aga ti baa Élisée si atene: “Koli ti mbi so ayeke lani zo ti kua ti mo, akui awe. Lo yeke kpe ando mbeto ti *KOTA GBIA mingi; mo hinga kue. Fadeso mbeni koli so boon ti lo ayeke na li ti e aga ti mu amolenge ti mbi use titene ala ga angbaa ti lo.”

Néhémie 5:5

Andaa e na azo ni kue, e yeke mara oko! Amolenge ti e na amolenge ti ala ayeke legeoko! Me ti e, a gbu e na ngangu titene e mu amolenge ti e ti koli na ti wali na ngbaa; ambeni molenge ti e ti wali aga nga angbaa ni awe. E yeke wara ti e ngangu na ndo wa ti kanga lege na ye ni, so ayaka ti e nga na ayaka ti vinye ti e aga ti azo ni awe so!”

Esther 7:4

Biani, azo aka e, mbi na azo ti mara ti mbi titene a fâ e a hunzi e kue, mbeni zo oko angba pepe! Tongana fade ayeke gi senge kango e tongana angbaa ti koli na ti wali, ka mbi lingbi ti zi yanga daa pepe, ngbanga ti so mara ti tënë tongaso laa zo alingbi ti so li ti gbia daa pepe.”

Abia (Psaumes) 44:12

Mo zia e na maboko ti ala tongana ataba ti fango ni; mo kangbi e kirikiri na popo ti amara nde.

Sigingo 21:7

“Tongana zo aka molenge ti lo ti wali na ngbaa, fade molenge-wali ni ayeke sigigi tongana ti angbaa-koli pepe.

Ésaïe 1:28

Me azo ti ngangu li na azo ti siokpari, fade a yeke kungbi ala; azo so azia *KOTA GBIA, gigi ti ala ayeke hunzi.

Ésaïe 27:8

Ên-en! Me lo fâ ngbanga na li ti ala, lo tumba ala, ala gue na kodro wande. Na lege ti ngangu pupu ti yanga ti lo, na mbeni lango ti pupu ti To, lo tumba ala.

Ésaïe 43:27

Kozo kotara ti mo asara siokpari awe, azo ti tenengo peko ti tënë ti yanga ti mo atomboka na tere ti mbi.

Ésaïe 46:8

Ala dabe ti ala na ye so, ala kiri asara ye ti koli! Ala azo ti ngangu li, ala gbu li ti ala!

Ésaïe 52:3

Biani, tënë so *KOTA GBIA atene ayeke so: “Lani so a ka ala tongana angbaa, a futa mbeni ye pepe; fade a yeke futa nginza nga pepe ti zi ala.”

Ésaïe 54:6

Mo yeke tongana wali so koli ado lo azia, vundu ahon ndö ti mo. Me fadeso KOTA GBIA airi mo si Nzapa ti mo atene: Wali so koli ti lo amu lo na ndembe so koli ni ade maseka, koli ni alingbi ti tumba lo tongana nyen?

Ésaïe 54:7

Gi na ya ti kete ngoi, mbi zia mo lani; me mbi baa mawa ti mo mingi, mbi yeke kiri ti mu mo.

Ésaïe 58:1

*KOTA GBIA atene: “Mo dekongo na kota go, mo ngba gi daa! Sara si azo ama go ti mo tongana tatalita! Fa na azo ti mbi kengo ndia ti ala, fa na amolenge ti Jacob siokpari ti ala.

Ésaïe 64:6

Zo oko ti di iri ti mo ayeke daa pepe, zo oko ti zingo na lango si lo bongbi oko na mo ayeke daa pepe. Biani, mo honde le ti mo na e, mo zia e si e woko na gbe ti sioni ti e.

Jérémie 3:1

*KOTA GBIA atene: Tongana koli atumba wali ti lo si wali ni ague, amu mbeni koli nde, fade kozo koli ni alingbi ti kiri na tere ti wali ni? Oko pepe! Kodro so azo ni ayeke sara mara ti aye tongaso ayeke ga sioni ahon ndoni pepe? Ti mo Israel, mo sara ye ti ndumba na gba ti andeko. Na pekoni mo tene, mo ye ti kiri na tere ti mbi? So tënë ti yanga ti KOTA GBIA laa.

Jérémie 3:8

Lo baa so mbi zia Israel-wali-pupulenge awe ndali ti sarango ye ti ndumba ti lo si mbi mu na lo mbeti ti kangbingo tere. Me ita ti lo ti wali Juda-wali-gbanambana asara mbeto oko pepe. Lo nga, lo gue daa ti sara aye ti ndumba.

Jérémie 4:18

Futa ti lege ti dutingo ti mo na sioni sarango ye ti mo laa mo wara awe so! Ye ni asee, taa-tënë, me so lengo ti sioni ti mo laa! So ali taa mo, agbu bio!”

Osée 4:5

Na kota lâ, fade mo yeke pika gere ti mo ti ti, na bi, mo na wayanga-Nzapa ayeke pika gere ti ala ti ti; mbi yeke sara si mama ti mo akui.

Awayango-sandaga 25:39

“Tongana mba ti ala aga wayere si lo ye ti ka tere ti lo na ala, alingbi ala mu na lo kua ti ngbaa pepe.

Matthieu 18:25

Koli so ayeke na ye oko ti futango na yongo ti lo ni pepe. Tongaso gbia ni amu yanga titene a ka koli so, lo, wali ti lo, amolenge ti lo na aye so kue lo yeke na ni si a mu nginza ni ti futa na yongo ni.

Ndia ti fani use ni 32:30

Wato oko senge alingbi ti tumba peko ti aturugu ti Israel saki oko? Awato use senge alingbi ti sara si azo ti Israel saki baleoko akpe? Biani, mbi KOTA GBIA so mbi yeke Kota Têne ti batango ala, mbi zia ala na maboko ti awato ti ala ni awe.