Ésaïe 5:7 - Mbeti ti Nzapa - Tënë so amu fini

⁷ Andaa yaka ti vinye ti *KOTA GBIA, lo so lo yeke na ndö ti dunia kue, ayeke azo ti Israel. Azo ti mara ti Juda laa ayeke ye so lo lu si lo ye ni mingi. Lo ku fade titene azo ni afâ ngbanga na legeni, me ala fâ ngbanga ti mbana kirikiri. Lo ku fade titene azo ni asara ye alingbi na ndia, me gi dekongo ti azo ti mawa laa mo yeke ma.

Ésaïe 5:7 ပူးပေါင်းရင်းမြစ်များ

Tongo nda ti aye 4:10

Tongaso KOTA GBIA atene: “Nyen laa mo sara tongaso? Dekongo ti mene ti ita ti mo so mo tuku so, alondo na sese kâ, aga ngbii asi na mbi ge.

2 Samuel 7:10

Mbi yeke mu mbeni ndo na azo ti Israel, azo ti mbi; mbi yeke zia ala na ndo ni so titene ala duti daa si mbeni ye ayingi ala pepe, titene ambeni mara so ayeke na sioni pialo akiri ti sara ngangu na ala tongana ti kozoni pepe.

Mbeti ti Job 34:28

Ala pusu azo ti mawa ti dekongo na Nzapa. Andaa lo ma dekongo ti azo so amba ti ala asara ngangu na ala.

Abia (Psaumes) 147:11

Me be ti KOTA GBIA anzere na azo so ayeke kpe mbeto ti lo, ala so azia be ti ala ti ku titene lo sara nzoni be na ala.

Abia (Psaumes) 149:4

Biani, be ti KOTA GBIA anzere na azo ti lo; lo yeke soo asenge zo ti lo ti mu na ala nengo.

Abia (Psaumes) 80:15

Nzapa, mo so mo yeke na ndö ti dunia kue, kiri, mo ga maa! Na nduzu kâ, baa ndo si mo baa ye so asi so. Ga mo baa lege ti keke ti vinye so.

Sigingo 3:7

KOTA GBIA akiri atene: “Mbi baa biani lege so azo ti mbi ayeke baa pasi na Ezipte; mbi ma toto ti ala ndali ti aye ti ngangu so amakonzi ti kua ti Ezipte ayeke sara na ala. Biani, mbi hinga pasi so ala yeke na ya ni.

Amato 21:13

Zo so akanga mê ti lo ti ma toto ti zo ti mawa, na ndembe so zo ni ayeke dekongo, zo oko ti mango lo ayeke nga daa pepe.

Zo ti bongbingo azo 4:1

Mbi kiri mbi baa ye ti ngangu so azo ayeke sara na amba ti ala na ndö ti sese so. A yeke sara ngangu na azo; me mbeni zo ti de be ti ala ayeke daa pepe. Azo so ayeke sara ngangu na amba ti ala laa ayeke na komandema; mbeni zo ti de be ti azo so a yeke sara ngangu na ala so ayeke daa pepe.

B. ti abia 7:6

Li ti mo aluti na nduzu tongana hoto ti Karmel. Kua ti li ti mo ayeke za tongana bengba bongo; tongana mbeni gbia abaa ni, be ti lo kue angba gi daa.

Ésaïe 1:21

So nyen! Gbata so lani azo ayeke bata tënë ti Nzapa daa so, asara tongana nyen si aga tongana wali-ndumba so? Lani na ya ti gbata ni, azo ayeke sara ye na legeni, ala yeke fâ ngbanga ti mbirimbiri. Me fadeso, gbata ni asi singo na azo ti fango zo!

Ésaïe 1:6

Ti londo na gere ti ala ngbii asi na li ti ala, mbeni ndo so angba nzoni ayeke daa pepe. Tere ti ala kue amboko na ka, tere ti ala kue asuru na ka, le ti aka ni azi kota, a sukula ni pepe, a kanga ni pepe, a zia yoro daa pepe.

Ésaïe 27:2

Na lango ni so, ala he bia ndali ti yaka ti *vinye so vin ti lo anzere mingi.

Ésaïe 3:14

KOTA GBIA ague na *akangba na amakonzi ti azo ti lo na ngbanga, lo tene: “Ala laa abuba yaka ti vinye; aye so ala nzi na maboko ti azo ti mawa, ala zia ni na ya ti ada ti ala.

Ésaïe 3:15

Ala yeke nika azo ti mbi ngbanga ti nyen? Ala yeke sara ngangu na awayere ngbanga ti nyen? So tënë ti yanga ti Kota Gbia NZAPA so ayeke na ndö ti dunia kue laa!”

Ésaïe 3:17

Ndani laa, fade KOTA GBIA ayeke sara si li ti ala kue gi na koto-mo-lango, ndö ti le ti ala angba gi senge.

Ésaïe 30:12

Ndani laa Nzapa ti Israel, lo so lo yeke nde si lo yeke nzoni kue atene: “Ala ke tënë ti mbi awe, ala zia be ti ala gi na ndö ti azo so ayeke sara ngangu na ala si ayeke tene mvene na ala; azo ni so laa ala luti na ndö ti ala.

Ésaïe 46:12

Ala azo ti kpengbango be, ala so angba yongoro na tere ti ye so ayeke mbirimbiri so, ala ma mbi!

Ésaïe 5:2

Lo de ya ti sese, lo zi atêne na ya ni, lo lu pendere keke ti vinye daa. Lo sara da so ayo na nduzu taa na be ti yaka ni. Lo zi du ti petengo na ale ti vinye daa. Lo yeke ku fade anzoni lengo ni, me yaka ni ale gi afungo ni.

Ésaïe 59:13

e ke ndia ti mo, e bere tënë ti mo, e ke ti mu peko ti mo, Nzapa ti e, e tene gi atënë ti sarango ngangu na zo nga na sarango ngangu li. Ye so e leke na be ti e na ye so e gbu li ti e daa ayeke gi atënë ti mvene.

Ésaïe 59:14

Ndani laa sarango ye na legeni akiri na peko, fango ngbanga ti mbirimbiri ayeke yongoro. Na be ti kodro, tenengo taa-tënë ati na sese, sarango ye na legeni ayeke daa mbeni pepe.

Ésaïe 59:4

Tënë so ala gue na ni na le ti ngbanga, ayeke na legeni pepe; ala yeke gbu koko ti azo na lege ti taa-tënë pepe. Ala yeke luti na ndö ti ye so ayeke ye oko pepe, ala yeke tene atënë ti mvene; ala yeke mu ngo ti ye ti sioni si ala yeke du ye ti kirikiri.

Ésaïe 62:5

Tongana ti so maseka-koli ayeke mu maseka-wali ti ga wali ti lo, legeoko nga, lo so lo yeke kiri ti leke mo, fade lo yeke ga koli ti mo. Tongana ti so fini wali ayeke zia ngia na be ti koli ti lo, fade mo yeke zia ngia na be ti Nzapa ti mo.

Jérémie 12:10

Awabatango-taba mingi abuba yaka ti *vinye ti mbi; ala do na gbe ti gere ti ala yaka ti mbi, ala sara si pendere yaka so aga benyama, aga ngonda.

Jérémie 24:2

Afige so ayeke na ya ti kozo sakpa ni ayeke pendere ahon ndoni; ala yeke tongana akozo bengo fige. Afige ti ya ti use sakpa ni ayeke sioni ahon ndoni, akpa titene zo ate ni pepe.

Jérémie 50:46

Gi so azo ama tënë ti mungo Babilone awe, sese ayingi, azo ayeke ma dekongo ni na popo ti amara nde.

Ezekiel 22:29

Na ya ti kodro ni, a yeke sara ngangu na azo, a yeke nzi ye ti azo, a yeke sara ngangu na azo ti mawa nga na awayere; a yeke sara ngangu na awande na ndö ti ye ti ala wani.

Osée 10:1

Israel ayeke tongana keke ti *vinye so ayeke le ando mingi. So ale ti keke ti lo ayeke wu mingi, lo yeke sara si agbalaka akiri awu mingi; so sese ti lo ayeke pendere mingi, lo yeke sara si angbongboro têne so a leke si aluti na nduzu akiri aga pendere mingi.

Mishe 6:12

Azo ti mosoro ti gbata ni ayeke sara gi ngangu na zo; azo ti gbata ni ayeke tene gi mvene. Tënë so ayeke sigigi na yanga ti ala ayeke gi tënë ti handango zo.

Mishe 6:8

Mo zo, a fa na mo ye so ayeke nzoni awe. Ye so KOTA GBIA ahunda na mo ayeke gi so: sara ye so ayeke mbirimbiri, ye tënë ti sarango ye ti nzoni be, tambula na Nzapa ti mo na lege ti sarango tere ti mo kete.

Habakuk 1:3

Mo sara si mbi baa ye ti sioni ngbanga ti nyen? Azo ayeke sara ngangu na amba ti ala, mo yeda ti baa ni na le ti mo ngbanga ti nyen? Ye so mbi yeke baa mbage na mbage ayeke gi gbungo ye ti azo na ngangu na sarango ngangu na azo. Tongana fango ngbanga ayeke daa, papa ayeke daa lakue.

Sofonii 3:17

KOTA GBIA, Nzapa ti mo ayeke na popo ti mo, lo yeke kpengba zo ti bira, lo yeke zo ti songo mo na kuâ. Tere ti lo anzere mingi ndali ti mo; na lege ti ndoye ti lo, lo yeke kiri ti bi tënë na li ti mo pepe. Lo yeke dodo, lo yeke dekongo na ngia ndali ti mo.

Matthieu 23:23

“Mawa na ala, awafango-ndia, ala na afarizien! Tënë ti yanga ti ala ayeke nde na sarango ye ti ala! Ala yeke mu *dime ti aye ti ala, ataa akete kete ye ti yaka ti ala; me kota tënë ti *Ndia, ala baa ni gi tongana senge ye na le ti ala. Kota tënë ti Ndia ni ayeke sarango ye ti mbirimbiri, bango mawa ti azo, ngbango na lege ti tënë ti Nzapa. Ye so ala lingbi fade ti sara ni laa, me ala zia pepe ti sara tanga ti aye ni.

Nzoni Tënë so Luc asu na mbeti 18:7

Azo so Nzapa asoro ala si ala yeke toto na lo bi na lâ so, fade lo yeke fâ ya ti ngbanga ti ala pepe? Fade lo yeke ku ngbii si lo mu maboko na ala?

Jean 15:2

Maboko ti keke so kue ayeke na ndö ti mbi si ale pepe, Babâ ayeke fâ ni azi; maboko ti keke so ale, lo yeke zi *aguruma ni titene akiri ale mingi.

Ndia ti fani use ni 15:9

Me hange! Alingbi ala wara sioni gbungo-li pepe ti tene na be ti ala, atene: “Ngu mbarambara aga nduru ti lingbi awe, ngu ti zingo yongo na li ti azo.” Ita ti ala so ye atia lo, ala baa lo na sioni le pepe si ala ke ti mu ye na lo. Tongaso pepe, lo yeke toto na iri ti ala na KOTA GBIA si fade ye so ayeke ga siokpari ti ala.

Jacques 5:4

Ala baa, azo so ayeke sara kua ti fango ale ti kobe ti ayaka ti ala, ala ke ti futa nginza ti ala na ala. Mbana ti ala ni ayeke dekongo! Dekongo ti azo ti fango ale ti kobe ti ala ni asi na mê ti *Kota Gbia so ayeke na ndö ti dunia kue.