Ésaïe 5:5 - Mbeti ti Nzapa - Tënë so amu fini

⁵ Fadeso, mbi yeke fa na ala ye so mbi yeke sara na yaka ti vinye ti mbi ni: Mbi yeke zi gbagba so ayeke na tere ni si anyama aga ate akeke ti yaka ni kirikiri. Mbi yeke kungbi gbagba ni na sese si azo aga ado akeke ti vinye ni.

Ésaïe 5:5 ပူးပေါင်းရင်းမြစ်များ

Tongo nda ti aye 11:4

Na pekoni, ala tene na popo ti ala, atene: “E londo, e leke mbeni gbata; e leke mbeni kota da so li ni ayo, akpo le ti nduzu. Tongaso si iri ti e awu si e kangbi na ndö ti sese kue pepe.”

Tongo nda ti aye 11:7

Tongaso e zu, e buba ya ti yanga ti kodro ti ala si mbeni zo akiri ama tënë so mba ti lo atene na lo pepe!”

Néhémie 2:3

Me mbi kiri tënë na gbia, mbi tene: “Gbia na nduzu! Le ti mbi alingbi ti duti na ngia tongana nyen? Gbata so a lu akotara ti mbi daa ati awe si wâ agbi ayanga ti gbagba ni kue awe so!”

Abia (Psaumes) 89:40

Mo buba ya ti mbuki so mo sara na zo ti kua ti mo so awe; kpoto ti lo ti gbia, mo bi ni na sese si aga *sioni.

Abia (Psaumes) 89:41

Mo kungbi gbagba ti lo kue awe, mo buba ngangu gbagba ti lo kue.

Amato 24:31

Mbi baa so, akamba ti ki na asioni pere amu le ti yaka ni kue; gbagba so a sara na tere ti yaka ni atuku kue na sese.

Zo ti bongbingo azo 3:3

Ngoi ti fango zo ayeke daa, ngoi ti kaingo kobela na tere ti zo ayeke daa; ngoi ti kungbingo da ayeke daa, ngoi ti sarango da ayeke daa.

Ésaïe 10:6

Mbi tokua lo na tere ti amara so ake mbi, mbi tokua lo ti gue hio na tere ti azo so asara si ngonzo ti mbi alondo. Mbi tokua lo ti nzi ye ti azo ni, ti gbu aye ti ala tongana ti so a yeke gbu ye na peko ti bira, ti do ala na gbe ti gere tongana ti so zo ayeke do ya ti potopoto na ndö ti lege.

Ésaïe 25:10

Maboko ti KOTA GBIA ayeke na ndö ti hoto so.” Me a yeke do Moab na gbe ti gere na ndo so lo yeke daa, tongana ti so a yeke do holengo pere na ndo so puru ti bagara ayeke daa.

Ésaïe 28:18

Mbuki so ala na kuâ asara so, fade ya ni ayeke fâ; lekengo tënë so ala na ndo ti akuâ aleke so ayeke luti pepe. Tongana ye ti ngangu asi ande, fade ayeke nika ala.

Ésaïe 28:3

Gbata so ayeke tongana kpoto ti gbia si azo ti Efraim, angbaa ti samba so ayeke pika kate ti ala ndali ni, fade a yeke do ni na gbe ti gere.

Ésaïe 32:10

Ala so abaa tere ti ala atene, ala lingbi awe so, na peko ti ngu oko na ambeni lango na ndö ni, fade tere ti ala ayeke do, ngbanga ti so fango ale ti *vinye ahunzi awe, fango ale ti kobe ayeke daa mbeni pepe.

Jérémie 18:11

“Fadeso, ayeke nzoni mo tene na azo ti Juda na ala so ayeke lango na Jérusalem, mo tene: ‘Tënë so KOTA GBIA atene ayeke so: Mbi yeke leke na be ti mbi mbeni ye ti sara na ala, mbi yeke leke mbeni sioni kpale na tere ti ala. Ayeke nzoni zo oko oko azia sioni lege ti sarango ye ti lo. Ala sara si lege ti dutingo ti ala na sarango ye ti ala akiri aga nzoni!’ ”

Jérémie 21:4

Tënë so KOTA GBIA, Nzapa ti Israel atene ayeke so: ‘Aye ti bira so ala yeke mu ti tiri na gbia ti Babilone nga na aturugu ti lo so ayeke na gigi ti gbagba ni so, fade mbi yeke sara si aye ti bira ni aturne, atuku kue na be ti gbata ni.

Jérémie 28:8

Awayanga-Nzapa ayeke daa ngbene ye ngu na ngu kozoni na mbi nga kozoni na mo. Ala tene peko ti atënë ti yanga ti KOTA GBIA na ndö ti akodro mingi nga na ndö ti akota kodro-gbia. Ala tene tënë ti bira, ti sioni kpale na ti sioni kobela ti bubango kodro.

Jérémie 45:4

Baa, tënë so mo yeke tene na Baruk laa: Tënë so KOTA GBIA atene ayeke so: ‘Ye so mbi leke na nduzu, mbi yeke kungbi ni na sese; ye so mbi lu, mbi yeke gboto ni. Fade mbi yeke sara tongaso na ya ti kodro ni kue.

Abia ti demango tere 1:15

Kota Gbia atumba ala kue awe, angangu turugu so ayeke na tere ti mbi so; Kota Gbia airi gba ti aturugu ti tiri bira, lo iri ala ti ga ti nika aturugu ti mbi, ala so ade maseka so. Ae azo! Kota Gbia ado mbi na sese awe; mbi, maseka-wali ti mara ti Juda. Lo pete mbi tongana ale ti *vinye so ayeke na ya ti du ti sarango na vin.

Abia ti demango tere 2:6

Lo buba gbagba na kpangba ti yaka ti lo. Lo buba da so lo na azo ti lo ayeke tengbi tere daa so. Alango ti matanga na *alango ti wungo tere, KOTA GBIA asara si azo agirisa ni na Sion awe. Be ti KOTA GBIA ayeke gi wâ wâ; nilaa lo bi buba na tere ti agbia na awayango-sandaga kue.

Abia ti demango tere 4:12

Agbia ti sese so na azo ti dunia so, ala kue ahinga fade atene, mbeni wato wala turugu oko ti ga ti li na Jérusalem ayeke daa pepe.

Daniel 8:13

“Tongaso, mbi ma mbeni ange so ayeke tene tënë. Mbeni ange nde ahunda lo ti kozoni so, atene: ‘Aye so azo abaa na ya ti mbeni ye tongana bango-li so ayeke ninga ngbii asi lawa? A yeke zia lege ti mungo sandaga so a yeke mu na ya ti lango oko oko so ngbii asi lawa? Sioni sarango ye ti bubango ndo so ayeke ninga ngbii asi lawa? A yeke ngba ti do na gere ndo so a zia ni nde ndali ti Nzapa ngbii asi lawa? A yeke ngba ti do na gere aturugu ti yayu ngbii asi lawa?’

Osée 2:12

Fadeso, mbi yeke fa tere ti lo so angba ndumbu so na le ti andeko ti lo; zo oko ti zi lo na maboko ti mbi ayeke daa pepe.

Osée 2:14

Mbi yeke buba akeke ti vinye ti lo nga na akeke ti fige ti lo so lo yeke tene tënë ni lani, lo tene: ‘So futa ti mbi so andeko ti mbi amu na mbi laa.’ Mbi yeke sara si ayaka ni aga gbako si aga kobe ti anyama ti ngonda.

Nzoni Tënë so Luc asu na mbeti 21:24

Fade a yeke fâ azo ni na yongoro zeme, a yeke gbu ala ti gue na ala na ya ti akodro kue. Amara kue ayeke buba gbata ti Jérusalem kue ngbii ngoi ti ala ahunzi si.”

Aye so Nzapa afa 11:2

Me mo zia ya ti gbagba ni, mo haka ni pepe, ngbanga ti so a zia ni na maboko ti azo ti amara nde si fade ala yeke do na gere na ya ti nze baleosio na use gbata so ayeke nde si ayeke nzoni kue.