Ésaïe 5:30 - Mbeti ti Nzapa - Tënë so amu fini

³⁰ Me na lango ni so, mbeni toto ayeke londo ti ga na tere ti ala tongana toto ti kota ngu-ingo. Tongana zo abaa ndo na ndö ti sese, fade lo yeke baa gi vukongo ndo na ye ti ngangu; angbongboro mbinda ayeke kanga sungo ti lâ.

Ésaïe 5:30 ပူးပေါင်းရင်းမြစ်များ

Zo ti bongbingo azo 12:2

Dabe ti mo na lo kozoni si lâ na sungo ti lâ, nze na atongoro avuko si mbinda akiri amu ndo kue.

Ésaïe 13:10

Fade atongoro ti le ti nduzu na ala so abongbi tere na ndo oko ayeke kiri ti za pepe. Gi na sigingo ti lâ tongaso, le ti lâ ni ayeke vuko si nze ayeke kiri ti su pepe.

Ésaïe 13:4

Ala ma go ti azo na ndö ti hoto, go ni ayeke tongana go ti gba ti azo. Ala ma wusuwusu na ya ti akodro-gbia, amara nde so abongbi ayeke sara wusuwusu. KOTA GBIA so ayeke na ndö ti dunia kue ayeke hon ti baa aturugu ti lo oko na oko so ayeke gue ti tiri bira.

Ésaïe 17:12

So mawa ti nyen! Gba ti amara ayeke sara wusuwusu, wusuwusu ni ayeke tongana toto ti kota ngu-ingo. Amara nde ayeke sara wusuwusu, wusuwusu ni ayeke tongana toto ti ngu so ayeke sua ngangu.

Ésaïe 30:6

Nengo tënë na ndö ti anyama so ayeke na benyama ti Mbongo. Sese so azo ni ayeke hon daa ayeke sese ti vundu, sese ti ziango mbeto na be ti zo, sese so bamara na mama ti bamara, sioni ngbo nga na kota sioni nyama so akpa ngunde ayeke lango daa. Azo ni akanga akungba ti ala na amosoro ti ala na ndö ti alele nga na ndö ti azambala si ala yeke gue na ni na azo so alingbi ti sara nzoni ye oko na zo pepe.

Ésaïe 59:9

Ndani laa Nzapa asara nzoni ye ndali ti e pepe si lo fâ ya ti ngbanga ti e pepe. E zia fade be ti e ti ku lumiere, me e yeke na ya ti vukongo ndo. E yeke ku fade sigingo ti lâ, me e yeke tambula na ya ti vukongo ndo so avuko pitipiti.

Ésaïe 8:22

Na pekoni, ala yeke baa ndo na sese: gi ye ti ngangu na vukongo ndo, vukongo ndo so ayeke zia kota mbeto na be ti zo, vukongo ndo so avuko pitipiti.

Jérémie 13:16

Ala gonda KOTA GBIA, Nzapa ti ala kozo titene lo tokua vukongo ndo, kozo titene ala pika gere ti ala na li ti ahoto so ndo avuko daa. Ala yeke ku vurungo ndo, me KOTA GBIA asara si vurungo ndo ni aga ndo so avuko pitipiti; lo sara si aga vuko mbinda.

Jérémie 30:5

“Tënë so KOTA GBIA atene ayeke so: E ma dekongo ti ye ti mbeto; ye ti kota mbeto laa, me ti siriri pepe.

Jérémie 50:42

Ala gbu akokora na alikongo na maboko ti ala, ala yeke sioni mingi si ala yeke baa mawa ti zo pepe. Toto ti ala ayeke tongana toto ti kota ngu-ingo. Ala ko na ndö ti ambarata si ala leke tere ti ala tongana akoli ti tiri bira na mo, maseka-wali Babilone!

Jérémie 6:23

Aturugu ti mara ni so agbu akokora na alikongo. Ala yeke sioni mingi, ala yeke baa mawa ti zo pepe; go ti ala ayeke toto tongana kota ngu-ingo. Ala ko na ndö ti ambarata; ala leke tere ti ala awe ti tiri bira na *Sion, pendere maseka-wali.”

Abia ti demango tere 3:2

Lo pusu mbi na dawa ti lo, na ndo so avuko pitipiti, lo gue na mbi na ndo so lumiere ayeke daa pepe.

Ezekiel 26:3

Ndali ti tënë so, tënë so mbi Kota Gbia NZAPA, mbi tene ayeke so: Mo Tir, mbi yeke ga na tere ti mo! Mbi yeke pusu gba ti amara nde ti tiri bira na mo; ala yeke tuku na ndö ti mo tongana ti so kota ngu-ingo ayeke sara si *amapo alondo.

Joël 2:10

Na singo ti ala, sese ayingi, le ti nduzu ado ngangu; le ti lâ na ti nze avuko pitipiti si atongoro akiri aza pepe.

Amos 5:18

Mawa na ala, azo so ayeke ku *lango ti KOTA GBIA! Nzoni ye ti nyen laa ala yeke wara na lango ti KOTA GBIA ni nyen? Lango ni ayeke duti lango ti vukongo ndo, me lango ti lumiere pepe.

Amos 8:9

So tënë ti yanga ti Kota Gbia NZAPA laa: “Na lango ni so, mbi yeke sara si lâ alinda na bekombite si ndo avuko pitipiti na kota lâ.

Matthieu 24:29

“Gi na peko ti apasi so, fade le ti lâ ayeke vuko, nze ayeke kiri ti su pepe, atongoro ayeke londo na le ti nduzu ti ti na sese si angangu so ayeke na le ti nduzu ayeke yingi.

Aye so Nzapa afa 6:12

So Molenge ti Taba azi omene nzoroko ni, mbi baa sese ayingi ngangu: lâ avuko tongana vuko bongo ti mua, le ti nze aga bengba tongana mene;